انا ملكت وزواجي بعدشهرين
 

السلام عليكم
انا حطيت موضوع اول استشيركم فيه وبصراحه انتم اقنعتوني فيه ووافقة عليه
وانا ملكت اللحين... وطلب انه يكلمني لكن ان في البدايه رفضت وحتى ابوي رفض ولكن هو اصر وجاب لي جوال هديه مع شريحه وسجل فيه رقمه عشان اكلمه لكن المشكله انا خجوله واخاف اخبص بالكلام وماادري ايش اقول واول مرره اتصل فيها مارديت عليه طنشت
وبعد يومين اتصل مره ثانيه وكلمته لكن احسه جريء وكلامه مااعجبني وقلت يلا مع السلامه وقفلت وهو صار يرسلي رسايل بس عرف
انا ماكنت ابي اكلمه عشان كذا وانا اللحين متردده اقول لابوي يقوله اني ماابي اكلمه والا ايش اسوي ماابيه يتصل ابي رسايل بينافقط وماابغا ازعله لكن والله انحرج مااقدر اكلمه هو احرجني بكلامه

اتذكر واحد هنا طلق زوجته-بينهم ملكة بس- لأنها كانت تتغلى ولاترد ولا تتصل
الفترة هذي ينتظرها كل شاب
خصوصا انه زوج شرعا
لاتنكدين على عمرك وعليه
استجيبي لحيائك بس لا تكتمين انفاسه
واعرفي انه فيه بناااات يتمنون هالكلام بالمجان
فلا تتركين حلالك لأحد

انا اقول لك كلميه والله احسن

تفهمييه ويفهمك ومع الوقت

يروح الخجل وتتعودي عليه

اجل ليه صارت فترة ملكه ؟؟

علشان كل واحد يفهم الثااني

وربي يوفقك :)

لا ياعمري
كلميه واخذي واعطي معه بعقل
بعدين خطيبك يبتعد عنك
يمكن يبي يفضفض ويدلعك ويعرف عنك كل شي
لاتجهلينه كلميه واخذي واعطي
لاترفسين نعمتك بيدك

كلميه..لاتضيعي هالأيام الحلوة
عادة الشاب اجرأ فلا تتوقعي كلامه راح يكون مثل صاحبتك.
كلميه بأدب ..اسأليه عن عمله عن يومه و الكلام اخذ و عطا
منها تتعرفي عليه اكثر و تعرفي شخصيته و يدخل قلبك و تكون بداية مشاعر حلوة
الرسائل مهما يكون ماراح توصل احساس نفس سماع الصوت
لا تسفهيه كثير بعدين يظن انك كارهته

طيب انت من ايش متخوفة!!!

إذا انت مستحية منه خلي الكلام بشكل عام او اسمعي و ردي عليه باهتمام

صدقيني هذه احلى الاياااام

عايدي ترتبكين فـ البداية
طبيعة بني البشر
الاقبال ع الجديد دايم مربك ومخيف نوعا ما
لكن صدقيني مكالمات بسيطة
وتنبسطين ع الآخر وماودك تسكرين الخط
بعدين تبين تقابلينه من الباب للطاقة بدون ماتكلمينه !
بيصير وضعك اسهل . . صدقيني المكالمة تخفف كثيييير
وعن انه يلومك . .الغالبية فـ نظري من الجنسين تقدر خطئك اذا اخطيتي لأنه طبيعي الواحد بيكون مرتبك نوعا ماويمكن يشطح منا والا مناك بس لازم تعتذرين عن خطأك اذا اخطيتي منشان ماينفهم خطأ
الله يوفقكم ويجمع بينكما على خير

هذي الايام احلا ايام العمر لاتضيعيها على نفسك وتندمي بعدين
الشاب يستنى هالوقت عشان يحس انو في احد صار يشاركه افراحه واحزانه وبعدين هالفتره كويسة عشان تتعرفو على بعض اكثر