هدية زوجي لي بعد الولاده وفي العيد ..طلاقي
 

السلام عليكم
ابي تدلوني على حل لمشكلتي
انا في حيره من امري
زوجي له 3 شهور وماشافني انا واطفاله
ولما زارني عند اهلي كان متغير ودايم مشغووول تفكيره ولا يطيق مني كلمه
وانا كنت متوقعه انه مشتاق لي وبيسمعني كلام حلو
المهم كان يقلب كل شوي جواله ولما سالته ليه مشغول بجوالك المفروض تنشغل بعيالك وتلعب معاهم او تتكلم معي
ثار في وجهي وقال مالك دخل...لما طلع شيكت على جواله لقيت رقم قناة تعارف وانه داق عليهم ورقم بنت تاكدت منها لما اتصلت عليها من رقم ثاني
المهم مابينت له وقلت له ايش رايك نطلع مع الاولاد نغير جو وبالمره نمشيهم وافق
ولما وصلنا الملاهي والعيال يلعبون قلت له تصدق يافلان وبكل هدوء ماتوقعت انك تعاملني كذا كنت اتوقع ان حياتنا تتغير 180 درجه (لانه قبل لايجي عندي كان يقول كلام حلو وان حياتنا بتتغير) قام قالي انتي وش تبين بالضبط تراك جننتيني قالها بعصبيه
انا تركته عشان مانشد مع بعض ورحت المصلى شوي ورجعت له بعدها ناداني بعصبيه قدام الناس وقالي روحي لعبيهم ...انا زعلت منه انه عصب علي وصارخ وطلعت بكل هدوء من الملاهي
لحقني وفتح السياره وهو يصارخ علي ويقولي انتي جننيني ايش تبين مني
قلت له مدامك ماتبي تكلمني ولا طايق مني كلمه ليش تتصل على قنوات تعارف...قالي مادقيت على احد ,,, اخذت جواله ودقيت على الرقم قدامه وطلع فعلا تعارف ,,,هنا ثار علي وضربني في السياره قدام الناس وعيالي الي يبكون وكشف عن وجهي وظل يضرب فيا وانا ابكي انا وعيالي وقالي انتي طالق واذا وصلتك بيت اهلك راح اطلقك بالثلاث انا ماعاد ابيك
المشكله انه كان يحبني وماتزوجنا الا عن حب ولنا 3 اطفال بس فيه في حياته شي جديد
رجع وتركني وسافر هو برا وللحين مادري عنه شي
ولا ادري وقع الطلاق والا لا لاني بفترة نفاس بالاضافه الى انه كان غضبان جدااا وفي حاله اشبه انه مو في وعيه
لكن انا كرامتي انهانت وجرحني في وقت العيد وبعد الولادة الي يدري كيف تعبت في الحمل والولادة ويعرف كيف تكون نفسية المره بعد الولادة
المشكلة بيننا اولاد وانا لو بغى يرجع لي راح ارجع له عشان اولادي بس مابي ارجع له وانا كرامتي في الارض ابيه يحس باهانتي ومايكررها ارشدوني الى حل وكيف اتعامل مع شخصيته المضطربه
لانه احيانا حنون واحيانا شيطان الله في ارضه
مايمسك نفسه عند الغضب
واحيانا كريم جدا واحيانا لا واذا اعطى شي يتمنن فيه
ابي اعرف كيف اتعامل معاه بعد مايرجعني وكيف تكون شخصيتي معه احس اني انهت ومتالمه من انه طلقني وتخلى عني وعن عياله بكل بساطه واحنا الله منعم علينا بكل شي ولله الحمد

هذه ليست عصبيه00 هذه همجيه !!

وثلاث شهور ما يشوف عياله00 ليه00 هو زوجك يعمل بعيد عنكم00

ونصيحه يا اختي00 مشكله مثل هاذي لا تناقش في مكان عام00 ومعكم اطفالكم

تحتاج لتروي وحسن حوار000

الله يكون بعونك00 اصبري الان واستعيدي توازن نفسيتك00 وبعدها ناقشيه بهدوء

الله يهديه

كان تركتيه على الاقل شوي الين يقتنع من نفسه ان الي يسويه غلط وبعدين اختيارك للوقت مو تمام وتصرفه صراحه تصرف واحدحقير واعتذر على الكلمه هذي بس ماتوصل اضرب او اهين زوجتي قدام احد مهما صار عموما خليك بيت اهلك الفترة هذي ولا تتكلمي معاه بحرف واحد وراح يبلش بعمره ويترجاك

وانصحك نصيحه لوجه الله واتمنى تقبيلها من اخوك كثر الجدال او النقاش ماتنفع التزمي الصمت ولا كانه موجود حتى لو حاول يتصل خليه الين يجي البيت والله يهدي سركم

الله يكون في عونك يا أختي مالك إلا إنك تدعين ربك إن يرده لك ردا جميلا ويحنن قلبه عليك أنت وعياله وأنا لفت نظري شئ يا أختي ومعليش إذا زعلتك بكلامي أنت ليش مخليته وجالسه عند اهلك ثلاثه شهورهل عمله بعيد عنكم أو فيه مشكله سابقه وهاذي السالفه من إفرازاتها وتعامله هاذا ردة فعل علا شئ سابق بينكم ما قلتيه في موضوعك هنا ولاتنسين إن البعيد عن العين بعيد عن القلب وأنتم لكم فتره مبتعدين عن بعض والرجل مايصبر عن زوجته أكثر من شهر وأنتي بعيده عنه شئ أكيد بيدور بديل بالذات في هاذا الزمن الله يكفينا شره كل شئ متوفروصار الواحد مايعصمه عن الغلط إلا إلتزامه بتعاليم دينه وحسن أخلاقه الرجل دايم يحتاج زوجته جنبه أنت ليش مبتعده عنه ليش رحتي لأهلك حتى لوحصلت بينكم مشاكل إذا ماوصلت لضرب ومد إيده عليك تقدري تصيطري عليها وتحلوها بالتفاهم بينكم أما إذا كان يمد إيده عليك ذاك الوقت تروحي لأهلك
يحق لك ذلك أما إذا بس مجرد خلافات لفظيه وكلام ما أيد طلعتك من بيتك أحيانا
نحن النساء نكون سبب في إنحراف أزواجنا بسب عدم فهمهم الفهم الصحيح ووقت المشاكل مانعطيهم الوقت الكافي حتى يخرجوا مابداخلهم من كلام
حتى تبدأنفسه تهدى وبعدها راح يجي يعتذر ويتأسف وبرضه يحاسب نفسه أهم شئ إن الوحده تدرب نفسها علا ضبط النفس ولاتجلس ترادده وقت مايصايح ويعصب أفضل شئ تسكت ولاتردعليه أبد لأنه لوناقشتيه بنفس الأسلوب بصوت عالي ونرفزه أول شئ بيعتبرها قلة إحترام له ويتكون لديه تراكم في نفسه عليك وهاذا يولد جفاء وكره بين الزوجين ويمكن لوأحتد النقاش بعض الأزواج يضطر ينهيه بطريقه غير لائقه عليه كرجل وهي إنه يمد إيده علا أم عياله وشريكة حياته وقتها يحس إنه أسكتها وأنه أنتصر هو في هاذي المعركه أختي أنتي قلتي إنه يحبك وإنكم تزوجتوا عن حب طيب وش خلاه يتغير بسرعه عليك فيه حلقه ضايعه في موضوعك أويمكن زوجك صاير معه شئ وماخذه منكم الحين بس مجرد مايصحى من غفلته بيرجع لك ويحس بغلطته وأنت خلك واثقه بالله سبحانه وتعالي وعلقي أملك بربك والحين لاتتصلين عليه حتى يجي عند أهلك وتتفاهموا علا إللي صار بينكم وتناقشيه بكل هدوء
وأنت الحين لوبغيتي منه شئ لعيالك خلي واحد من عيالك يكلمه بالتلفون يجيبه حتى لوطلب مكالمتك لاتردي عليه لأنه يمكن يصير نقاش حاد ويزيد الطين بله برضوا فيه شئ ثاني ما أدري إن كان يجيب نتيجه أم لا لاكن أنت جربيه لعلا وعسى يحن لك ولعياله بس لاتسوينهاإلا إذا كنتي متأكده إن زوجك قلبه طيب ويحن وتأثر فيه هاذي الأشياء الحاجه هاذي إنك تراسلينه بالمسجات وتذكريه بأحسن الأشياء إللي بينكم وهو يحبها ويعشقها كمان إذا كان من محبي الشعر والخواطر أكتبي له أشعار وخواطر تحرك مشاعره نحوك وحتى لوكان في حياته بنت أخرى وش يمنع بإنك تكوني منافسه
لها بلمراسلات وأنتي عارفه زوجك وطبعه ومعاملته أكثر من أي وحده ثانيه بالنسبه لطلاقك أفضل شئ إنك تسألي شيخ عن وضعك ويمكن زوجك زعل زياده علشان فتشتي جواله لأن معظم الرجال يكره التفتيش في جواله وبالذات إنك سألتيه وأنكروأنت واجهتيه بلأدله وهذا غلط بحد ذاته لأنه ما أنكر إلا لأنه خايف وأنتي واجهتيه فشوفي وش كان ردة فعله وإيش صار من تهورك وكشف إللي عرفتيه عنه كان من الأفضل أن تحتويه حتى لوعرفت عنه تلك الأشياءماكان لازم تقولين له عنها كان من الأفضل أن تقتربي منه وأن تظهري له كم إنك مشتاقه له وإنه مالك غنى عنه وتحسسيه بإهتمامك به بدل التحقيقات والتفتيش بجواله الحين حتى لورجعك راح يستمرفي أسلوبه هذا قدام عينك ماعاد ورى ظهرك لأنه خلاص عارف إنك كشفتيه وتصيري ماعاد تهميه ولاعاد يحسب لك حساب لاكن لوأنتي غيرت أسلوبك وتعاملك معاه وتدعين ربك بظهر الغيب له إن الله يصلح حاله ويهديه ويرده لك رداجميلا إن شاءالله بإذنه تعالي يرجع لك مثل أول وأحسن ولاتنسين يا أختي بأن الحب مثل الورده إن ما إنسقت بالماء ذبلت والحب يحتاج تضحيات ويحتاج لإيقاض المشاعر الدفينه وأنتي تستطيعين إيقاض مشاعر زوجك تجاهك بدعائك إلى الله و بصبرك ومثابرتك في تعاملك مع وضع زوجك وأول شئ عليك فعله هو عدم تركك له وحيد ا حتى مايحس بالوحده ويبحث عن من يهتم به وبمشاعره وهذا زمن فتن أعاذنا الله منه إن سلمنا رفاق السؤ ماسلمنا القنوات والجوالات والأنترنت وصرنا في فتن مايعلم بها إلا الله والجاي شكله أعظم الله يحفظنا عن درب المهالك وأنا آسفه إذا جرحتك بكلامي أو غلطت عليك والله الذي لا إله إلا هو إن ماقصدي غير صلاح بيتك ورجعة زوجك لك ولعيالك أسأل الله أن يحنن قلبه ويرجعه لكم وأسأل الله أن يحفظه عن الفتن ماظهر منها وما بطن وأن يصرف قلبه عن الفحشاء والمنكر وأن يجعلك أقرب النساءوأحبهم إلى قلبه .
وتقبلي تحياتي

الله يكون في عونك

لا تبتعدي عن زوجك .. ولا تتركيه في هاذي الفترة بالذات مدام إنه بدأ في التعارف .... لا تتركيه لأنه رح يطور الموضوع

والله ماعندي شي تاني أقوله لك غير الله يفرررج كربك وكربي ويفتح عليك الأبوااب ...

اختي الله يرحم والديك هو الاان مسافر والله العظيم راح يندم ويحاسب نفسه ويحس بغلطه بس انتي اثقلي عليه لاتتصلين ولاتسئلين عنه انتي لك كرامتك وزي مامد يده عليك لازم يعرف نفسه ويرجع كرامتك الله يصلحه بس حكايه الطلاق والله ماادري هو وقع اولا بس ياليت تستفرين وبالله التوفيق

طولي بالك واصبري والي كاتبه ربك بصير
لاتتصلي عليه خليه يفكر بينه وبين نفسه ويعرف غلطه ويقدر يقرر بعدها