|
عريس من مدينة اخرى
بسم الله الرحمن الرحيم الموضوع بي اختصار وبدون مقدماااات في عريس بس من منطقة اخر غير منطقتي طبعا انا اتمنى مكة او جده فقط اول ماسمعت انو عاصمتنا الحبيبة اتوترت جدااااا :( مع انى زمان كنت كل شوية اقول لاهلى نفسي اروحها اعيش فيها طبعا هو من نفس مدينتى واهلو فيها بس العمل هناك حابه اكون بين اهلى وناسي ماعمرى رحتها ولا زرتها كيف تكون الحياة مع شخص غريب في منطقة غريبه دا اول شي خطر في بالي احس انو قلبي مو مرتااااااح مع انو لسه ماصارر اي شي ابدااااا مجرد واحده عرضتلى شخص يقربلها وانا اول ماعرفت الرياض صراحه ماا رتحت ابداا الا عايشه في وضع زي دا تقولى كيف حياتها واكيد صعب الواحد يتاقلم :30: الله يحسن حظى يارب انتظر ردكم ودعائكم ليا بي انو الله يسيرلي الموضوع لو فيه خير ويصرفوا لو في شر |
السلام عليكم ...
بداية مبروك والله يقدم لك اللي فيه الخير والصالح ثانيا ليش تبين تحرمين الرياض وأهلها منك ... خليها تنور ... كنت دايما أتنمى يتقدم لي واحد يبعدبي عن اهلي لكن ما حصل ... والناس مب واحد ...فنصيحتي الوحيدة لك : استخيري كل يوم .. وازني أخلاقه ودينه مع بعدك ... بمعنى أنك اذا ارتحتي له كشخص فتأكدي أنه بعد الزواج سيصبح كل أهلك وناسك الله يخليهم لك من غير شر عليهم .. فهل هو رجل يستحق هذه المكانة أم لا ؟؟؟ الله يسعدك ويوفقك ووييسر لك الصالح وإن كان فيه شر إنه يصرفه عنك ويعوضك بأبرك منه |
اختي بنت مكه الله يتمم لنا ولك على خير0
كل ماعليكي فعله هو الاستخاره فهي التي سوف تحدد لكي اللي فيه خير ان شاء الله0 |
لالالالالالالالا تجين الرياض يكفي زحمتها يادوب الاكسجين يكفينا مو ناقصين زيادة سكان هههههههه مقدما مبروك وألف مبروك لاتجعلي السكن سببا للرفض شوفي ايجابياته وسلبياته |
ماشاء الله تبارك الله بنوته لاتقلقي وكلي أمرك لله والسكن مو مشكلة لان الشخص لن يكن غريبا عنك وقتها ..المهم دينه وأخلاقه وأضيفي أنه من مدينتك ليس غريبا بالعادات والتقاليد إذا كنتِ ممن يهتمون لأمرها.. الله يسعدك وييسر لك أمرك.. |
بنوتة مكه الف مبروك ياااااااااااااارب ييسرلك الي فيه خير لك
" الرياض منطقة غريبة؟؟؟ ليه بنوتة ماهي حالها حال غيرها وحلوة الرياض ابعدي عنك وسوسة الشيطان مثل ماقالوا اهم شي أسألوا عنه والفرص أحيانا" لاتتكرر................... الله يكتب لك الي فيه خيرلك |
الله يقدم اللي فيه الخير
استخيري ثم انتي يا دوب تشتغلي كيف رح تعملي تتركي العمل او تنقلي لهناك استخيري |
مقدماً نقول مبروك عيوني ,,حبيبتي السكن لوبعيد عن الأهل ماصارت مشكله والله يخلي المواصلات
أهم شئ الرجال إذا طيب وإبن حلال منجد أستخيري الله عزوجل :d شوفي أنا من مكه وزوجي من المدينه وعايشين بمنطقه محايده لامكه ولاالمدينه لكن الحمدلله مبسوطين:) صحيح في منغصات بس والله بنعديها وبتعدي ,,أحياناً تكون مناسبتين لنا في الأسبوع بمكه والمدينه فنشوف لو إللي بالمدينه مهمه نروح ونترك اللي بمكه ,,والعكس وتصدقي حتى بسفراتي أستخير الله :25: وعايشه بحول الله وقوته وزوجي طيب معايا بالرغم إنو لو حركات إستفزازيه ودائماً يقولي أهل المدينه أفضل من أهل مكه لأنو أهل مكه طردوا الرسول الكريم وأهل المدينه أستقبلوه :(بس والله أكبرعقلي وأطنش ,,على الأقل عشان حياتي تمشي :28: وأحمدي ربك إنو العريس من مكه وإنتي من مكه مو زي كل واحد من بلد ’’’ |
ماشاء الله ربنا يسهلك امورك ويكتبلك الي فيه الخير ابداا السكن مش مشكله مكان مجوزك بيروح بتروحي معاه ماما كانت تقولينا كده انا اتجوزت في مدينتي وبيتي ما زال هناك بس بعد جوازي ب4 سنين سافرت لبلد اجنبي مش بس بعيد عن مدينتي ده بعيد عن بلدي خالص طول ما الانسان ابن حلال وكويس واخلاقه تمام يبقي السكن مش مشكله تروحي معاه لاخر الدنياااااااااااااااا يارب نسمع اخبار حلوه قريب ان شاء الله |
الف مبروك حبيبتي
لكن ماذا عن الشخص نفسه ؟؟؟ اعتقد لو الانسان مناسب ستعيشين معه حتى في دولة اخرى وانتي مطمئنة ومرتاحة ولذلك ارى التفكير في مكان السكن يأتي آخر شئ والاولى والاهم السؤال عن الشخص نفسه قبل كل شئ وقديماً قالوا الجار قبل الدار فما بالك لو كان الزوج وليس الجار وفقك الله |
| الساعة الآن 09:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©