|
للاسف حياتي اصبحت جحيم
السلام عليكم
باختصار ان متزوج من سنتين ولا اريد الاطاله وسرد مشاكلي من ثاني يوم زوج لقد حصلت بيني وبين زوجتي مشكله لدرجة اني سحبتها الى المطبخ وهددتها بقطع لسانها بسكين اذا لم تسكت اعلم اني ارتكبت اكبر خطأ في حياتي بعد ان تحملت صراخها وسبها لمدة ساعتين تقريبا لدرجة الانفجار غضبا فلمدة ساعتين كنت اترجاها تصمت تسكت وطفلنا بين يدي ولكن كانت تلاحقني من غرفه للاخرى لكي تستفزني وتثيرني غضبا واصبحت في وضع يرثى له وسبب المشكله رفضي لانزالها السوق في هذاك اليوم مع العلم اني غير مقصر في شئ ولكن لا اعلم لماذا اصبحت بهذا الاسلوب الذي يزيد كل يوم عن اليوم الذي قبله استيقظت اليوم الثاني وذهبت الى عملي وتفاهمت معها على حل المشكله بما ان العيد اقترب فليس هناك ضروره لدخول العيد وكل شخص في مكان واصرت على ذهابها الى بيت اهلها فاخبرتها اني لن امنعك عن الذهاب ولكني اسرد عليكي بعض الحلول ومن ضمنها اذا اردتي الذهاب فلن اعيش ان وانتي في نكد وهم المهم هديت شوي وارادت الذهاب لمدة ساعتين الى بيت اهلها ولا اعلم ماهو الغرض للساعتين هذه وفي اقل من ساعتين اتصلت لاحظارها الى البيت في هذه اللحظات كنت اجلس مع احدى اخواتي وللاسف زوجتي دائما تذكر اختي هذه بمواضيع تدل على الغيره منها وعلى امور غريبه لا استفيد منها غير اني اكره اختي المهم ذكرت اختي انهو قد يكون الشيطان بيننا وان زوجتي تحبني وكل خير عن زوجتي والله والله وفي قلبي اقول سبحان الله ناس تذكر ناس بالخير وناس تذكر ناس بالشر المهم وانا ذاهب الى زوجتي اتصلت عليها وحصل ممنها سوء فهم وقالت لي خلاص لاتجي ذهبت اليوم الثاني الى عملي وفي عودتي مررت على زوجتي واخذتها ذهبنا الى 3 اسواق والى صالون نساء وبمجرد عودتي للمنزل اكتشفت ان حليب الطفل قد انتها فذهبت لشراء حليب فاتصلت علي زوجتي واخبرتني بانها تريد الخروج لتتمشى فقلت لها طيب عند عوددتي واراها تنظر لي باسلوب غريب وتحذني باحتقار فجاوبتها تكلمي مع باسلوب افضل فكان ردها ان لم اصرخ فقلت لها ليش موضوع الصريخ انظر كيف تتحدثين يدك في وسطك وباسلوب غريب فقالت لي ان سالتك هل اخبرت اختك شئ اتصدمت فقلت لها لا لم اخبرها لكن للاسف اتكشفت انها اتصلت على اختي وكانت لديها ظيفه في خلال ذهابي لاحظار الحليب وبعد عودتنا من السوق وتلبيت جميع طلباتها وكيف تحدثت معها سالتها مارايك في الكلام الذي قالهو لكي زوجي والله في هذيك اللحظه اتصدمت لاني حالوت المستحيل لكي احل المشكله الاولى ولكنها لم تصل لمرادها الذي لا اعلم ماهو بالضبط وهل هوه شئ مدروس او شئ عادي المهم من بداية المشكله وهيه حاطه ملابسها في الشنطه فعندما حصل انها تكلمت مع اختي واكتشفت اسلوبها الذي اسميه بالعاميه نجاسه منها اخبرتها باخذ شنطتها والاتصال على اهلها لكي ياتو وياخذوها فاصبحت ولمدة 3 ساعات تاتي وتصرخ وطول لسانها وتقل ادبها والله لدرجة اني اروح من غرفه لغرفه تفادي لقد مايحدث مني لو انفجرت عليها وبعدها جا واحد من اخوانها واخذ شنطتها واخذها بدون اي اساذان او تقدير لحرمة البيت واهلي الي ساكنين معايا في نفس البيت بعد 6 ايا تقريبا ارسلت لي رساله انها تريد احتياجانت للطفل لكي احضرها لبيت اهلها المهم ثاني يوم اخذت معايا الاشياء وذهبت الى العمل وفجاه ترسل مسج ان احد اخوانها سياتي وياخذ الاشياء فاستغربت وارسلت لها يعني ماتبغيني اشوف طفلي فقكان ردها انو ان مو مهتم ولا عمري اهتميت والله اعلم ان ايش بسوي عشانها وعشان طفلي وفي الاخير قالت تعال خلي عندك يوم وعندي يوم فاخبرتها اني سااتي مع امي لاخذه فردت لو جيت مع امك امك لازم تطلع مايسير توصل لباب بيتنا وماتطلع حسيت كانو احد يلطشني كف في امي فاخبرتها ان لاقبل الاهانه لامي وف وسط بيتكم وقدام اهلك قالتلي لو جيت مع امك وماطلعت ماراح تاخذ الطفل ولا عاد راح ارجع المهم ان طبعا قلت خليها براحتها والايام جايه ومن ظمن رسايلها انو ماراح ارجع غير برضوا ولو ضربتني بعد كده تديني 20 الف رضوى ولو رفعت عليا سكينه تديني 100 الف وطلقني واهلك يشهدو وتتعالج عند دكتور نفساني عندي سؤال هل علاجي لدى دكتور نفساني ودفع مبالغ ماديه يحل المشكله التي بدات منها وانتهت عليا لم ارد على كلامها ورسايلها الاستفزازيه الكثير ولدرجة اني غلطانه اني ارسلت رساله من اصلو واصلا ان راح انسا رقمك وكانها تتكلم مع واحد صاحبها مو مع زوجها طبعا ان ضايقتني جية اخوها وماكلمني ولا عبرني حتى بالجوال مع اني كثير اتصلت على اهلها وقلتلهم على مشاكل وكانت حلولهم مؤقته ماتاخذ اكثر من يومين طبعا حالتي الماديه متوسطه اتصل عليا اخوها بعد مرور 9 ايام وقالي ابغا اتكلم معاك طلعت ورحت كلمتو وطبعا كان الغلط كلو عليا لاني رفعت عليها سكين بغض النظر ايش الشي الي وصلنني لكده طبعا قالي بنحل المشكله ولازم تجبلها رضوه اسوه لكلام اختو وماعاد ترفع عليها سكين لانو هذي المره اعتبرتك اخ ليا بس المره الثانيه راح يسير كلام ثاني طبعا ان اتكلمت عن جزء من مشاكلي وكل ما اتكلم معاه في ششي يقلي خلاص مالي داعي نتكلم في الي راح خلينا نختصر يعني ان مو من حقي اقول شي اتصرف بعقلانيه بس كيف مدري يعني اترك بيتي واروح اسكن في شقه مفروشه لم تزعل يعني استنزاف حتى لم ازعل فلوسي تروح لغيري طبعا حتى موضوع اني اغير سيارتي ليش عشان تروح تطلع بنات جوالي ليش تغازل لاب توب ليش عشان تسوي شات وكل الكلام هذا ليه بتقولو مدري المهم قلتلو بس شوف زي ما انت اخذتها انت تردها قالي لا ان ماراح اردها قلتلو الاصول تقول كده قالي لو بنتكلم على الاصول نتكلم على رفعتك للسكينه والله احس نفسي اتهنت على شي ان مالي اي سبب في الطفل لم يتشاقا ويجنن ابوه ينذرو كم مره ولو ماسمع الكلام يقوم يضربو مو معناه يكرهو ياما قالولنا نحمي السكينه ونقطع لسانكم لكن ماكرهنا اهالينا بالعكس طلعنا رجال المهم الان انا مواصل من امس افكر ايش رضوتها طبعا ان اعرف زوجتي انسانه ماديه فوق الخيال يعني لاتفكر في سفر ولا في فندق 5 نجوم ولا في كباين ممكن يكون تفكيرها شي ذهب وانتو تدرو كيف الذهب الان او جوال بلاك بيري وان رافض الشي هذا ووالله مدري ايش اسوي لدرجة افكر اطلقها واريح دماغي لانو مو من المعقول انو هيه تسوي المشاكل وفي النهاية اطلع ان الغلطان ومو من المعقول اجبلها رضوى واجلس حاقد عليها طول حياتي مو عشان جبتلها رضوى عشان ان للان ماخلصت دين الزوج سيارتي خربانه راتبي يالله يمشيني وللاسف هيه مستنزفه اكثر الراتب بطلباتها الغريبه والله الي عندها يمكن البنات الاغنيه ماعندهم من لبس وجزم ومكياج وعطور وا وا وا والخ والله والله مبالغه في كل شئ فوق المبالغه مع احترامي زي الي ماعمرها شافت نعمه طبعا ان عندي اروح اجبلها باقة ورد ب 1500 ريال ولا اني اجبلها خاتم ذهب ب 500 ريال تدرو ليش لاني ان جالس انقص وهيه سايره تزيد احس انها تبغاني اكون فقير ومديون على الاخر لدرجة اني سرت احس احيانا اني افكر استقيل من عملي واجلس في البيت والي يسير يسير لاني مو حاسس الني مثل البشبر والله لو رحت بقاله ارجع شايل هم اش بتقول لو نزلت عند باب الشارع لازم احصل تعليق فاتح لاب توبي وقدامها لازم احصل تعليق ماسك جوالي فاتح الاله الحاسبه او العب ف الجوال ايوه ترسل مسجات لمين والله حياه سارت صعبه صعبه ان اتحملت هذا كلو من ثاني يوم زواج ف امل انها تتغير ولكن للاسف بعد شهر من الزواج اصبحت حامل وبعد الولاده اصبحت المشاكل اكثر واعقد اش رايكم اخليها في بيت اهلها الين اشوف هل هيه مصره على موضوع الرضوى او اجبلها شي ساعه ماركا او يومين في فندق 5 نجوم لانو االهديه الماديه معناها انو مثل ماخليتك تنزلني السوق واخذت الي ابغاه ورجعت سويت زعله وطلعت مغفل الان فوقها كمان راح اخذ منك رضوى وشي يكبرني بس المشكله انو يكبرها في عينها مو في عيني بالعكس والله مواصل من النار الي داخلي منها ومن اخوها المهم ان طولت عليكم اتمنا احد يقلي اش الاخير لانو ان واالله ماكنت افكر في الطلاق بس بعد الي سار بيني وبين اخوها سار الموضوع مرررره شاغلني وافكر اطلقها لانو محد يقدر يحكم على الشي غير لو سمع للاخر ولم يكون انسان ماسك شي ويبغا كل الظروف في صفو يقفل اذنو والله الي يقتل يسالوه ليش قتلت ما ياخذوه ويعاقبو على طول بدون مايعرفو الاسباب والسلام ختام |
ربي يكتب الذي فيه الخير
عزيزي بصراحة لم أكمل قراءت مشكلتك كاملة
لكن يا أخي لا تكن أمعة خلك ثقيل إذا ذهبت لأهلها طنشها خلها تترجاكتأخذها -المرأة ماتحب زوجها أمام عينيها 24 ساعة أذهب مع زملائك ، رح تمش ، شارك في نادي رياضي -لا تجادلها وواضح من زوجتك أنها صغيرة سن ،،وواضح أنها وجدت عندك ليونة من أول الزواج وكما يقولون -الرمح من أول ركزة- الحلول من وجهة نظري: -لا تجادلها في حالة غضبها -وواضح يا أخي أنها أمرأة مبذرة فنصيحتي لك أتركها لين تجيك بنفسها ولا تقصر في نفقة ولدك أما هي فكنسها واتركها لين ينطحن الحب الذي برأسها وإذا لم ينطحن فأتركها سنة ، سنتين الى أن تراجع نفسها وواضح أنها ودها ترجع والدليل على ذلك أرسالها أخوها وانها تريد الصلح ولكن برضاوة لذلك أثقل وطنشها فاذا رجعت لصوابها فالحمد الله وإذا استمرت على عقليتها السابقة فبنات المسلمين كثر وسوف يرزقك ربي خير منها -لاتتردد في شيء أتخذت فيه قرار -بمعنى أنك رفضت شيء ما لاتتراجع عنه--من الحلول أهجرها في الفراش كنوع من التأديب كي تتلطف في معاملتها لك -إذا واجهتك مشكلة تعوذ من الشيطان وصل ركعتين وأخرج من البيت كي لا تقع مالا تحمد عقباه -عليك أن تبعد بيتك عن المعاصي والذنوب وأدوات الفسق فمن اسباب المشاكل الزوجية المعاصي والذنوب -لزوم الاستغفااار عليك بكثر الاستغفار ففيه الفرج وفك مابك من مشاكل -إذا كان هناك من أقاربها ممن يمتاز بالعقلانية والرزانه فكلمه كي ينصحها ويبن لها عواقب تهورها ودلعها الزائد -مد رجليك على قدر لحافك إياك ثم غياك تكلف نفسك فوق طاقتها من أجل أرضاء هذه الزوجة المتقلبة عليك بالدعاء |
اهلين فيك والله يهدي بالكم
هي غلطانة وتصرفاتها عشوائية لكن انت اكيد بشخصيتك شي استفزازي لها , اسمع مني المرأة تخاطب فيها عاطفتها قبل عقلها يعني لو شايفها تفتعل كل هالمشاكل هذا كله لانها تدور الحلقة المفقودة والاهم بالنسبة لها وهو حبك وقلبك , صدقني اللي زي نوع زوجتك بالذات هذا دواها لين تهدى , لكن لازم تفهم انه اهلها مالهم دخل بمشاكلكم وانت كمان غلطان اللي تعلم اختك ومايصير تقول انها تغار من اختك يااخي المرأة تغار على زوجها من امه واي احد تحس زوجها مهتم فيه ولاتحط راسك براسها عاملها انها انثى رقيقة لاتردلها الصاع صاعين كبر عقلك عنهاولاتهينها بالضرب او اي عنف لو لقيتها تنفعل وتدور مشاكل اطلع من البيت ترى الوحده تمر باوقات وحم ولا دوره ولا حاجات تقلب كيانها , ولاتحتقرها بنفسك على طلباتها وهي عند اهلها تراه صغر عقل منها ومنهم وتبغى توريهم انك تشتريها بالغالي طبعا هذي الطلبات تدل على مفاهيم بعيلتها انه لما يخسر عليها تغلى عنده ومن هالكلام انت عاد باسلوبك فهمها انه الحياه ماتنقاس بهالطريقه ومشاعرك لها وحفاظك على بيتكم مايجبرك عليه خسارة مادية وحاول تحسسها احتقارك لهالمفاهيم 0 صدقني 90% من الحريم هذا طبعهم لكن يتغيروا بتغير طبايع الزوج وطريقة معاملته لاتنسى الفرس من خيالها والحرمه من رجالها |
مهما بدر منها من قلة ادب و تقصير لا يصل الامر ابداً الى ان ترفع عليها سكين , حتى لو كان ذلك على سبيل التخويف و التهديد , فالشيطان شاطر و قد يوسوس عليك بفعل ما هو اكثر من التخويف ..!!
عموماً الحمدلله انها عدت سليمة , و نصيحة اخوية اياك ان تستخدم هذا الاسلوب ابداً مع اي احد و تحت اي ظرف , حتي لا تندم حين لا ينفع الندم , فاغلب من يرتكبون جرائم القتل لا يكون في نيتهم القتل و هدفهم في الغالب التهديد او التخويف كما فعلت , فاحذر رعاك الله و لا تضيع مستقبلك و مستقبل ابنائك بسبب لحظة غضب ! اذا ما استفزك احد استعذ بالله من الشيطان الرجيم و توضأ و صلي ركعتين , و اياك اياك ان تدع التفكير السلبي يقودك و يسيطر عليك !! اما زوجتك فارى ان تعتذر منها و تعطيها رضاوة و تتعهد لها بعدم تكرار ما حدث ابداً , و اطلب منها ان تفتح صفحة جديدة قائمة على المودة و الاحترام ,, اذا عادت لك استخدم معها اسلوب المقاطعة اذا ما رفعت صوتها او طولت لسانها ,, عاملها مثل الجدار الى ان تنضبط و تعتذر , ايضاً حاول ان تغادر المنزل حتى لا تشحنك اكثر ,, و اذا ما نفعت معها المقاطعة كلم والدها و اطلب منه يحل المشكلة اهم شي ان تصبر و تبعد عن التهور و ردات الفعل السريعة |
والله ما أقول إلا الله يعينك
باين عليك من كلامك إنه في بشخصيتك ضعف وهي مستغلة هذا الضعف لإنه واضح من خلال كلامك إنها قلت أدبها بشكل كبير جدا ولا تلقي أي بال لمشاكلك وأوضاعك المادية - لإنك سمحت لها بكذا - وما دام إنها عنيدة وتعتقد إنها بالطريقة هذي رح تجبرك على شيء طنشها إنت ابنك ما رح يموت من الجوع أبداً وهم حاطينه بعيونهم لكن هي طنشها ولا تعطيها بال ولا وجه إطلاقاً وخليها هي اللي تركض وراك وتيجيك للبيت بدون لا رضوة ولا حاجة أخوي إذا عطيتها الرضوة هذي صدقني غير تطلع عليك بالعالي وتحسسك إنها أجبرتك على شيء غصبن عنك فكون محتاط ولا تعطيها أي وجه لين تتعدل .. هذي مو أنثى رقيقة اللي تعمل كذا .. هذي أنثى تخفي ورائها نمر والنمر هذا لن يذهب من داخلها إلا إذا بينتلها إنك مستغني عنها ومو فارق معك إطلاقاً غيبتها عنك خذ كلامي وطبقه زين ورح ترتاح بإذن الله تعالى |
شوف اخوي تقدر تروح وتطلب رجوعها وتقول انا غلطت وهي غلطت
لا رضاوات ولا شي وذا رفضوا خلها ببيت اهلها بعض الحريم ماينفع معهم الا كذا صراحه مدري وش اقولك وصدقني لو اخوها مايعرف طبعها كان لقيته معصب عليك وقايمه الدنيا ولكن مايعرف الحلال الا راعيه اكيد حركتك غلط ولكن البشر لهم طاقة تحمل يعني ساعتين وهي وراك وراك سب واهانات والان تبي وضاوه خلها تنطق ببيت اهلها لين تعرف ان الله حق ولاتنسى اذا رحت تقول لأخوها انك تبي الولد يوم بالاسبوع عشان يحسون انك خلاص طفشت منها وماهمتك الله يعينك |
اكثر مايقلل من احترام الزوج في عين زوجته هو عدم حفظه لاسرار بيته
مما يجعل الزوجة تشعر بوجود ضعف كبير في شخصية زوجها وعدم قدرة على اتخاذ القرار من نفسه.. وانت تنقل اسرارك للخارج، وهي ثارت غضبا بعدما علمت بانك اخبرت اختك واهلك عن الموضوع.. ولا شك بانها مادية جدا جدا وتنظر للزواج على انه بنك وكم ساكسب منه، وماهكذا الزواج.. |
اتركها فتره حتى تفكر وتحس بغلطها لانو لو جبتلها رضوى زي ماتسموها كل فتره رح تزعل وتروح عند اهلها
خلها عند اهلها فتره وطالب انك شوف ولدك كل اسبوع الله يهديها بس انت اكيد غلطان لو ايش ماصااااااااااار ماترفع عليها سكين خلاص ماقدرت تتحمل لسانها اطلع من البيت لحد ماتهدا بس ماترفع سكين الله يهدي النفوس |
اولا يمكن انها تغار من اختك لتعلقك بها ..حاول ماتجيب طاري اختك عندها لا بخير ولا بشر .. ثانيا خلها تنطق عند اهلها لاحد ماتعقل شوي بصفتي زوجه مثلها ولاترد ع مسجاتها ولا مكالمتها حاول تنقطع اخبارك عنها بكذا بتنجن وبتنهبل ولو حصل قفل جوالك او غير شريحتك <<<<لو انا بمكانها وحصل كذا بيجن جنوني وبيطيح الي في راسي.. معليش اعذرني انت مدللها بزياده .. تقبل مروري.. |
اخوي
مااتوقع ان يدك لاامست السكين الا من تصرفاتها واسلوبها وحنها عليك بلكلام ومشااااكل وهذا التصرف خاطى منك !! وكذلك قولك لااختك واختك ماشاء الله قالت لها !!!اجل وش درى زوجتك ! وزوجتك ماديه من الطراز الاول واتوقع انها تغير من ناس طفرانين نوعا ما !! او تغار من صديقاتها او قريباتها تبي تبين انها الافضل والاحسن ! والمفروض انها تراعيك انت كزوج لان الوحده مالها الا زوجها بلاول والاخير ولو وقعت بمشكله مابينفعها الا انت ولا بيعطيها الا انت طبعا اتكلم عن الازواج اللي صدق ازواج واتوقع من كلامك انك باذن الله منهم يعني هي ماديه ومبذره بنظري ع المظاهر ولا هي مراعيتك ولا تجد كلمة شكر منها لك ولا همها وضعك المادي ولا تحترمك ولا تحترم امك !طبعا من كلامها معك بلجوال عبر المسج !!!! هذا يدل ع ان مافيها خير لا لك ولا احترام لك وصدقني ان رحت وعطيتها رضوه فصدقني انه خلاص بتعيش طول عمرك روح وتعال وسو وابي رضوه !!!! وتركها لما تتعدل هي وتفقدك ومابتلقى احد يصرف عليها اصرف ع ولدك وبس انت بس روح واجلس مع ابوها ووضح خطئك واعتذر عن رفعتك للسكين بوجهها !!!! وبين اخطائها انها لاتراعي ظروفك وور ابوها مسجاتها لك !!!وردودها واخوها ذا خله ورى ظهرك واذا لها اخ اخر فكلمه وامها !!!!وينها !!؟ المهم وبعد روحتك لهم !!!!! اقطعهم واصلهم لروية ولدك ؟!ومصروفه انت اشتري به النواقص لاتضع بيدها الفلوس فهمت !!خلها تتعدل وصدقني هي مابتتعدل الا بقساوتك عليها بهلفتره وان طلبت الطلاق فترى م اول واحد انت تتطلق لان العيشه مع وحده مثل هذه لاتطاق !!عن جد رفعت ضغطي زوجتك هذه !!! لانها ماديه ولا تستاهل اصلن من تعاملها معك !ليتها حبوبه ع الاقل ولا تشكر وتقدرك شوي .! |
| الساعة الآن 11:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©