نفذت كل مايريد والآن اريد الطلاق
 

السلام عليكم جميعا
حبيت اطرح قصتي هون يمكن توضحولي اشياء ما كانت لتخطر ببالي
انا متزوجة من 8 سنين من رجل في فرق بيني وبينو بالعمر منيح هي ما كانت مشكلتي
حاولت اني اتفاهم معو واني اوصل لتفكيروا وافهمو واعمل يلي بيرضي
ووالله على ما اقول شهيد حسستو انو هو الطفل وانا الام ما كان يطلب مني طلب الا نفذتو دون مجادلة وعيت علي قضيت اخر طفولتي وكل مراهقتي معو بقيت معو من عمر 15سنة لصار عمري 23اول فترة كان اي شيئ بدو يا يقدر يقنعني في حتى انو خلاني قاطع اهلي 4 سنين صار مشاكل بيناتون وكنت واقفة معو ودافعت عنو رغم انو هالمشاكل ما كانت ابدا بتستاهل القطيعة لحد ما حسيت انو هو عم يستغلني وانو ما عم يعاملني كزوجة عم يعاملني كقطعة اشترها وما بدو حدا يقرب عليها
مع انو خطبني من عند اهلي وهو كان رفيقو لبابا وبابا اعتبرو اعز من اخو وزوجو بنتو بس زوجي ما قدر
حتى لما خلاني صالحهون صار يحكي خرافات مرة امي بدها تقتلو وحطتلو ادوية حتى ياخدهون ويموت ومرة ابي عم يراقبو حتى يقتلو ومرة اخواتي خربو سيارتو وحكي اكتر من هيك بكتير حتى طفح معي الكيل وعشت بضغط نفسي كبير حتى ابنو ما بيسأل عنو ما عندي غير ولد الله يحميه المهم بعد كل هالتصرفات صليت استخارة على مدار شهر وقررت اني اتركو لاني عرفت اني اذا بقيت بالآخر مكاني مشفى المجانين
حتى حقي الشرعي ما كان يعطيني الا نادرا يعني يمر احيانا شهرين او 4 شهور ومرات سنة وسنتين ما يكون في بيناتنا علاقة تعبت من هالحال وغضيت النظر عن كتير شغلات حتى ما اخرب بيتي بس ما قدرت هو خيرني يا انا يا اهلك واهلي مو عاملين شي خصوصا بعد ما صالحتون وحلف يمين طلاق ما أحكي معهون ولا عالتلفون ولا بشوفون ولا باي طريقة الا امي ممكن شوفها بس متأكدة انو رح يحرمني منها اذا طاوعتو تركتو من 6 شهور واجيت عند اهلي وهو ما حرك ساكن ولا بيسأل عن ابنو ولا على مصروفو قررت ارفع دعوة طلاق ومن يومين وكلت محامي خصوصا بعد ما وصلي خبر انو هو ما بيتغير واذا بدي ارجع بس حتى ربي ابني عندو يعني كخدامة وانا طبعا كرامتي ما بتسمحلي قلتلو كلشي بيناتنا انتهى
المهم قلي المحامي الدعوة بتاخد سنة تقريبا وانا بدي اخلص منو بسرعة نفر من قلبي قلي المحامي ممكن اعمل مخالعة بس كل حقي بضيع حتى انا المتقدم مو قابضتو وكل صيغتي وذهبي حاجزو عندو ما خلاني اخد اي غرض حتى ملابسي وملابس ابني قلي المحامي إن شاء الله خلال اسبوع بنروح بنجيب الملابس بس الذهب بدو دعوة لحالو شو رايكم بقصتي والله ما ظلمتو بشيئ كنت كاخاتم باصبعو بس طلع ما بيستاهل
شو رايكم انتو بقصتي لسا عندي حكي كتير بس حابة اخد رايكم اول شكرا لكل مين بيرد علي


الإشراف :

تم تعديل العنوان ليتناسب مع المضمون.

اقتباس:

المشاركة الأصلية كتبت بواسطة اكيد بكرة احلى (المشاركة 2523253) السلام عليكم جميعا

ربي يعينك ويهدي زوجك ....

الظاهر انه من النوع الموسوس ..يمكن يغار كتير بسبب فرق العمر بينكم ...

ما دام استخرتي وأخذت مشورة رب البشر توكلي على الله وفوضي أمرك لله

عندي تفسير لتصرفاته بس ماأدري هوصح اوانا غلطانه
شكله عنده مشكله جنسيه ولا كيف عنده وحده بعمر الزهور يتركها شهور واحيانا سنه ويحاول يبعدك عن اهلك عشان ماتشكين من هالنقطه وينصحوك بالطلاق
عموما اذا عيشتك معاه بدون كرامه انسحبي من حياته بهدوء واتركي له كل شي من ذهب وملابس واشتري كرامتك الاموال تروح وتجي بس الكرامه لا
اما اذا حاسه انه ممكن يتعدل فحاولي وخلي الطلاق حل اخير

الخيرة في ما أختاره الله ، توكلي على الله ولا تضيعين حياتك مع واحد موسوس ولا فيه أمل انه يتعدل ، لكن :
لابد من التفكير في مصلحة إبنك وكيف وضعه معه ؟ وعلاقته فيه ؟ هل سيتحمل انفصالكما ؟
إجعلي مصلحة ابنك أولاً ـ ثم مصلحتك ثانياً ، والله يرشدك إلى طريق الصواب .

اختي الغاليه استخيري الله عزوجل ومن ثم الله سيقدم لكي مافيه الخير

اعانكي الله

نقل إلى مكانه المناسب ..

وفقكم الله .