|
أيتها الزوجه:هل تتألمين عند زوجكـ ؟!
السلام عليكم جميعا..
صباحكم \ مساكم..فل وياسمين أخوتي الموضوع لإبداء الرأي والمناقشه الهادفه:).. وطبعا للي مايحب الحكي الكثير ومايحب يقرأ بختصرها له بسؤال وأتمنى الجواب يكون مع ذكر السبب:25:,,, س \(للزوج)) هل تفضل ان تشكو لك زوجتك مايؤلمها أو بالأصح هل تتحمل شكواها ,, مثلا :ياأبو فلان سني يوجعنييييييي:29: آآآآآآآآآآي وتقومك من النوم :29:ويوم جمعه مافي عيادة فاتحه:29: وانت دآآآآيخ وتجلس تون عند رآآآآآسك يوجعني وهات يابكي وياصراخ وتونون ومن هاخرابيط:29: ولو تقول كلي بنادول تقول مابي ماكلت شيء ومااحب اكله ومعدتي فاضيه.. وإذا اعطيتها طب طلعتلك فيه عله:19:.. س \((للزوجه)) هل تترتاحين إذا قمتي تونين على زوجك او مايخف وجعك ألا اذا شاركتي فيه أحد:(؟؟ خـــــــــــــــــلاص اللي ماودة يكمل ينزل يجاوب على السؤال الله لايهينه ومشكوووورررين:17:.. نجي للسولافه<<ياحظكم:22:.. اول شيء أنا أبوي من ديرة وأمي من ديرة وعلى ان هالديرتين مابينهم الا50كيلو الا أن العادات تختلف ومن ضمن هالاختلاف ""التشكي والتونون"" أهل أمي ماشاءالله صبارين على الألم ومايحبون يتشكون لأحد ألا للسؤال والمعرفه مثل الدكتور او من عندة خبرة وأنا ولله الحمد خذت هالصفه من أمي وصرت مااحب أتشكى لأحد وماأحب أحد يشكي علي.. وعلى قوله القائل ((الشكوى لغير الله مذله)) المهم تزوجت ومن سوء الحظ صارت حماتي اللي معي في البيت تحب التونون كنت أستغرب منها في البدايه.. مرة أول ماتزوجت كان سنها يألمها وهي نازله تحت منسدحه على الأريكه وآآآآآآآهـ سني يووووجع:rolleyes: أنا أول شيء طااااارت عيوني :eek:,,وش تحس فيه يعني كل أنسان يوجعه سنه بس فيه شيء اسمه غرفه المفروض تقعد فيها وتأن على رآآآآآآحتها مو كيذا .. لا والمشكله إذا صار مافيه شيء تواسينها فيه:confused: ’’يعني تقولين الله يعينك وهي تون تسكتين وهي تتألم آخر شيء تطفششششششششششششششششششششين:16:.. الموهيم وتدق على زوجها سني يألمني هات لي بخاخ بنج من الصيدليه راح جابلها ومانفع أو مدري وش صار لها..وحووووووسه وآخر شيء رحت لغرفتي وخليتها:p.. عاد أنا صرت من كثر ماأكرة التشكي ماأتشكى لزوجي ابد ابددددد يعني مررة كنت تعبانه وكنا بمكه وانا مرررة حرارتي مرتفعه وأنفض:24: وساكته ماقلت لزوجي وهو ناااايم ماجاب خبري وأروح للصاله وأجلس أبكي وأبكي المهم قام زوجي وأنا ماحسيت فيه شاف عيوني محمرة ويسأل وش فيك قلت مافيني شيء وهو ناشب ألا أعلمه قلتله واذا دريت وش بتسوي خلاص انا مااحب احد يدري وش فيني:( وهو كان خايف لاني كنت بالشهر الاول لحملي ويلمسني شاف حرارتي مرتفعه ويقعد يهزأ فيني ليه ماقلتيلي..وراح للصيدليه وجاب دواء والحمدلله طبت:22:.. لكن احس اني خلاص معد ودي اشكي لاحد بزيادة.. أحيانا بما اني حامل-ولله الحمد-ويجيني غثيان وحومه كبد مثل كل الحريم ودي اتدلع عليه واتونن علشان يدلعنـــــــــــــي بس والله العظيم ماأقدر .. يعني تشوفيني جالسه معاة وأنا مرةة تعبااانه ومتقرفه وواصله حدي ودي أقوله اني تعبانه علشان مايحسب أن الحمل موضوع سهل بس عجزت;).. ومرة قلتله أني بروح لعيادة نساء وولادة في شيء ملاحظته ودي استشير دكتورة قالي وشو الموضوع.. قلت :مو لازم تدري هذا امور خاصه بالنساء:rolleyes: وبعدها انقهرت المفروض اني قلت له اني احس بتعب والم في بطني -وانا صادقه - بس يجيني أحساس أني أذل نفسي له إذا شكيت لأنه مو بيدة الحل فليه أتشكى عنده.. وأنا منقهرة لي الآن حامل شهرين وزيادة ولاعمري شكيت له مع أني أتعب كثير<<والله أني أنقهر من نفسي أحيانا خاصه لما أشوف حماتي -ماشاءالله-أول خمس شهور مدلعه نفسها ماااتطبخ أبد بحكم أنها تكرة ريحه الطبخ وقبلها تتشكى عندنا وعند زوجها وعااادي جدا.. وأنا مثلها وأطبخ وأتحمل ولاأتشكى.. بنات شرايكم منو تحسون الصح أنا اللي اكتم بداخلي بحكم تربيتي :(؟؟؟؟ ولاحماتي اللي ماتعرف تتألم ألا بشهوود:(؟؟ والله يشهد أني ماكتبت الموضوع للسخريه أو الترفيه ...ولكن لاني حسيت أني مدلعه زوجي خليه يتعذب معي بحملي علشان يقول اقعدي 3سنين لاتحملين:23:.... وأختلاف الأرآء لايفسد للود قضيه:).. وجزيتم خيرااا.. |
أختي إذا زوجتي ما اشتكت لي آلامها
اجل تشتكي لمييييييييين ؟؟ يعني تطلع الشارع وتون عند القطط والكلاب أكيد إن الزوج يحب المرآة تشكيله ولاتشكي للجيران أختي أنتي غلطانه الزوج يهتم في زوجته والعكس إذا زوجك ما اهتم فيك من يهتم فيك ؟؟ |
هههههههههههه حراااام عليك ماتوصل لها الدرجه تون عند القططه والكلاب..
خخخخخخخخخخخ أنا بس أشوف لنفسي إذا جاء زوجي يقول مثلا يوجعني بطني ويقعد يتألم ,,انا والله في نفسي أتضايق منه يعني أنا مابيدي شيء ليه يضيق صدري ويتألم عندي.. انا تفكيري عقلاني وعادله مرةة.. ومشكووور مررررررة على ردك ضحكتني الله يوسع صدرك بالعافيه.. |
والله يا أختي انتي الغريبة :d ,, وبالك ضيق :25: يعني يوم يشكي لك زوجك ,, يبي منك لمسة لطيفة , كلمة حلوة ! ما يبيك تصيرين دكتورة وتعالحينه ,, يعني من باب الدلع وحب اهتمامك فيه موضوعك جى في الوقت المناسب ... آنا من يومين حالتي حالة من (حلقي واذني) ودرجة حرارتي مرتفة ولحد اليوم :29: بصراحة اعبر عن شعوري اذا يألمني !! ما اقدر اسكت !! خصوصا ً الم الاذن ! وآنا اصلا ً دموعي تطيح بروحها بدون ما اتكلم من شدة الألم ... ردة فعل زوجي الحمد لله عادية وطبيعية .. يمسح على شعري ويهديني ,, ووداني امس للمستشفى ومن كثر خوفه علي البارحة وآنا اتألم من قلب اتصل في امه في وقت متأخر عشان (تمرخ/تدلك) لي حلقي :25: وعلى قولتك الآن آنا حامل ,, ومتأذية من سالفة (الحارق/الحرارة) ومأذية زوجي معاي بالنسبة لإحساسة وقت الحنة والتشكي ,, مادري بس الي اعرفه إني اعور قلبه ويقعد يدور لي حل ,,! بس مادري عاد وش داخله وبينه وبين نفسه ,, بس اوعدك بعد شووي اتصل فيه اسأله :d وبصراحة هذا الطبع فيني من يوم آنا صغيرة ,, والمشكلة احن واتشكى مو بس على زوجي !! لا لا ! على امي وابوي ويوم الجمعة كنت مريضة تشكيت لخالاتي عادي خالاتي فديتهم يدلعوني ويطلعون لي حلول وادويه على الاقل :30: وشدعوة احبس روحي بغرفة واصيح بروحي آنا انسانه :25: |
فيه موضوع نزل قريب فكرته من هالموضوع بسؤال الزوج انه هل يضايقه تعب زوجته عموما المشاركات الرجالية قليلة لكن كل وحدة تعرف زوجها و تتصرف على اساس ذا الشي بصراحة انا اقول إذا يألمني شي (": .. احب انه يكون معي و يدلعني و بصراحة اذاكان فيه الم فظيع اروح المستشفى و هو بنفسه يقول لي ,,, بصراحة بالنسبة لي احسن اعالج الشي بسرعة عشان لا يخرب علي اليوم كله و يضيع البيت من تراااااكم الأشياء ما اقدر اريّح كثير و عندي اطفال بحاجة لعناية و زوج محتاج لراحة البيت , و افواااه جائعة فأشكي لزوجي المي و اتعالج و احيانا ماشاء الله المستشفى بابرة وحدة او مغذي ترجعي حصان و تكملييي بالنسبة لك عزيزتي انت ماشاء الله كتووومة:24: احس هالصفة حلوة و تحتاج قوة , لكن لو لقيت ان زوجك حاب يشاركك همك و تعبك و لو بقليل ما فيها شي هو حبيبك و قرينك ,, الرجال ايضا يونون ,,,عادي نتحملهم و ندلعهم مافيها شي انا زوجي لما يقولي تعبان او راسي يوجعني ,, اتقبل هالشي عادي و ادلعه و اهيئ له الجو للراحة لأنه ما يروح مستشفى إلا بالشديد القوي اسم الله عليه ,, بس انتي يا الغالية خففي كتمتك بس عاد مو تصيرين مثل حماتش خير الأمور الوسط بعض الونات تفي بالغرض:25: |
اقتباس:
بالعكس دوري له عشبة او شي يشربه لو على الأقل مردقوش طلعي مواهبك التمريضية كأنثى و حسسيه بحنانك بالعكس هو يشكي لك مثل ما يشكي الطفل لأمه اللي هي اقرب الناس له |
احس خير الامور الوسط يعني عن نفسي بس اكون تعبانه اعبر بس مو اقرف الي حولي من كثر مااشكي
انا من طبيعتي من امرض مااتكلم بس اصير منعزلة حتى مااطلب دوا ولا اقول لامي الي هي امي اني تعبانه بعكس اخوي بس بعد ماانخطبت مثلا صارلي يومين تعبانه حلقي واذني فباين على صوتي خطيبي يسئلني ايش واجعك اقوله مثلا واسكت مو اقرفه واطفشه يعني لو ماسئل مااقول من نفسي بس عاد تصرف حماتك مستفز طيب عرفنا تعبانه بس مو بهالطريقة تأذي الناس وتخليهم يطفشو منك الله يشفي كل مريض يارب |
المعروف عن الرجال كرههم للمرأة التي تكثر الشكوى
و اعتقد اي انسان يكره الشكوى المتكررة و الصراخ من أي انسان آخر (بدون اسباب وجيهة) لكن لما يكون الأمر متعلق بحالة صحية قد تؤدي الى مضاعفات عليك ألا تكتمي مفيد جداً القراءة خلال الحمل و انصحك بمتابعة اخبار الحمل و اعراضه بكل اسبوع لأنها تعرفك عن الأمور المهمة خلال الحمل اما كثرة الصراخ فهي عادة سيئة و انا أحاول اني مهما تألمت ما أصرخ لكن وقت الولادة و الطلق الوحدة ما بتقدر تسيطر على نفسها احيانا :( من يومين سقطت على السلالم و انا حاملة بنتي حسيت اني صرخت زيادة ، لكن كتير توترت و خفت على بنتي مع انها ما صار لها شي الحمد لله قدرت احميها بس صرخت لزوجي بصوت عالي و انا أسقط لأني لو صرخت بصوت عادي لن يأتي بسرعة لأنه أمام الكومبيوتر بنسى نفسه :( و مع ذلك كنت وصلت للأرض قبل ان يصل زوجي لكن المفيد انه على الاقل اخد مني بنتي بوقت انا مو قادرة احمل نفسي و لا حتى اتكلم الحمد لله مرت على خير مجرد رضوض |
سلامات ماريا
أجر و عافية.. |
طيب لازم الزوجه اللي ترد
ماينفع ايتها البنت هل تتالمين بصراحه انا من اتعب ياربي البيت كله يدري انو انا تعبانه اطيح على طول وعيوني دموع بس >>>وبعد مااقوم بالسلامه اخواتي تريقه فيني انا مااكون حاسه بس طول الوقت لو احد جا او يبغوني اكل اقول وخروا انا تعبانه حلقي وخشمي وراسي ووووو هههههههههه |
| الساعة الآن 06:05 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©