|
لم أتفق مع زوجتي فذهبت أحدث الفتيات
بسم الله الرحمن الرحيم الحمد لله رب العالمين والصلاه والسلام على رسولنا الكريم ..... اهنيكم جميعا ع الموقع الممتاز اللي شفت فيه اشياااء كثيره ايجااابيه ....انا جاااد في موضوعي ابي فزعتكم ممكن يكون موضوعي مطول لاني باتكلم عن تفاصيل مهمه انا عندي قنااعه ان الواحد المفروض ما يطلع اسرااار بيته مهما كان الوضع بس انا ما اعرف ولا واحد فيكم ولا تعرفوني وانا هدفي اني احل الموضووع سوااء بالايجابيه او بالسلبيه ....المهم انا شاب متزوج من خمس سنوات للاسف زواجي تقليدي اهلي هم اللي زوجوني بكيفهم (لا احد يقول اني غلطان في الشي هذا لاسبااب مستحيل تعرفونها ) المهم انساان متعلم ووضيفه راقيه مره والحمد لله يعني مبسووط ولله الحمد ما لكم في الطويله ..... تزوجت وسااافرنا وبدت المشكله حسيت ان الاخت في الله بدويه قلت عادي شي طبيعي وسويت مصايب عشان تنحل المشكله وبدينا في حلها حبه حبه فيه اشياء تعدلت وفيه اشياء وصلت لقناعه مستحيل تتعدل المهم انا نفسيا متهيا اني احبها واحترمهااا واقدرهااا واكون رومنسي بكل ما تعنيه الكلمه (لاني ورب البيت ماني حق خرابيط وبنات قبل الزواج ولاحظ قبل الزواج) رجعنا من السفريه بدينا بالحياه هي والشهاده لله تحترم اهلي مرره واهلي يحبونهاا بس اني ما اشوف اي رومنسيه اي اهتماام اي حب تبون الجد حاولت اغير هالشي بس وصلت لقناعه انها تتعتبر الشي هذا خرابيط بزارين المهم عادي عندي تحملت بس المصيبه والمصيبه البرووووووووووووووووووووووووووووود القاتل فيها خاااصه بعد ما ولدت ببنتي الاولى ما عاد تهتم فيني سرت صفر ع الشمااال المهم انا عارف اني ملخبط بس تحملوني اشوف اشيا تقهرني مثل ما تستقبلني بعد ما اجي بلبس حلوو وتلبس عند الناس شي خطير انا اخق عنده بس ماتلبس عندي عندهااا بعد عادتين مرررررررره معقدتني تموت بالمسلسلات والسهر وازيد عليهااا النوووم بالصبح وكل يووم انا في مشااكل عشان هذي المواضيع واللي يقهرني بعد انهاا بعد ما تتعدل تزبط بس اسبوع وبعدها ترجع على عادتهاااا يعني ماااهي نجاااسه فيهاااااااا لالا انا اشهد لهاااا بس بروووووووووود ... واذا غلطت علي مستحيل تتعذر مستحيل تتاسف تحاول تمشي الاموور وهذا يقهرني ... طبعاا فيه سوالف واجد وكثير سااارت بس ما ودي اذكرها واهمهااا الفراش واللي ما ودي اسولف فيه لانه رايح فييهااا مره والله الشاهد علي اني ما قصرت عليها بشي لا بفلوس ولا مصروف ولا هدااايا ولا رومنسيه ولا كلام حلووو واشياء كثيره ............... بس بدون مقااابل للاسف وانا اقولها بكل اسف المهم بعطيكم الزبده,,,,,,,,,,جيت مررره وخلالالاص وصلت هددتها بالطلاق لاننا ما نصلح لبعض وان زواجنااا غلط تعدلت الاموووور مرررررره تقريبا اسبوعين الى ثلاثه وبعدها رجعت حليمه لعادتهااا القديمه ومرررررررره بعدهاااا قلت لهااا بتزوج ومن ذا الكلالالام (وانا اصلا نفسيا غير مقتنع بزواجي من الثانيه) ونفس الكلام ابشر وابشر وتعدل الوضع بس ثلاثه اسابيع تزود تنقص ورجعت نفس عادتهاااا الموت والقهر اني احب بنتي وامووووووووووووت فيها وهي تبون الجد اللي ما خلتني اطلقهاااا والحين انقهرت مررررررررره والمشاكل والبرود ما زال مستمر وبالعربي تعودت وسار الامر عندي عادي انا اللي ابسط نفسي بعض الاحيااان اشتريلي غدااا عشانها ما تزينه بعض الاحيان عادي تعودت واخرها ورب البيت اليوم جيت من الدوام ولقيتهااا نايمه ورحت شريت غداااي ولا صحيتهاا عشان ما ازعل نفسي والله يعين ....... انا هدفي الحين اني اعطيها حق الله ولا اقصر عليها بشي عشان رب العالمين واربي بنتي حياااااااااااااااتي ... بس انا شخصيا قلت لازم اشوف لنفسي حل : قلت اتزوج وجيت ولا زبط الموضوع معي لاسباب شخصيه كثيره قلت اخذ مسيااار ونفس السالفه ما اقتنعت فيه مررره ما صلح لي احسه كذبه المهم بديت بالعربي اتعرف ع البنات من النت للاسف واقولها من القهر للاسف لقيت الرومنسيه والحنااان حتى لو كان كذب بس كان شي حلووووووو ووقفت من ذي السوالف بسرعه بس اتوقع اني برجع للسوالف ذي مع اني عارف انكم غير موافقين بس ما يحس بالجمره الا واطيهااا بس للحين ما انحلت المشكله انا شاااب لي حقوووق بدنيه نفسيه روحيه ....الخ وش اسوي مقهوووووووووووووور ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!! ورب البيت اني صادق بكل كلمه قلتهااا عشان ما يجي واحد يقول انك تبااالغ انتضر ردودكم بكل شغف وصبر انا عارف ما فيه تنسيق الوااان ولا اخرااج مقهووور ومستعجل قلت يمكن القااا الحل |
بســـــــــــــيطه مشكلتك انت قولها حبيبتي ابغى اتغزل فيك وتغزلي فيني افتقد هالشيء واحبه منك يا ام بنوتي وانت ابدأ دق عليها وسمعها كلام حلو وذكرها بالايام اللي تعجبك وكانت هي بطلتها ..
بسرعة بتتأثر وبتسوي كل اللي يعجبك .. وامدحها اذا كشخت .. وقول اليوم ابيك تكشخين مثلآ بنطلع مع بعض او اي طريقه اهي تفهمها منك .. بالمناسبه مشكلتك جدآ سهله وانت من يحلها بالاساليب والطرق اللي تناسب زوجتك .. ومثلآ سالفة الغداء قولها ليه حبيبتي ماسويتيه يرضيك اموت جوع ولا انتظر المطعم وزحمه وانا تعبان .. ربي يوفقك ويسخركم لبعض.. |
أنت غلطان تماما في موضوع محادثة البنات على النت وبصراحه حاجتك للكلام الحلو ماهو مبرر لارتكاب المعاصي ولا تعطيك الحق إنك تشبع رغباتك خارج إطار العلاقة الزوجيه تبغى زوجة تهتم فيك إذن ساعد زوجتك على فهم المطلوب منها والقيام فيه وإذا هي ماتبغى تبذل مجهود لارضائك روح تزوج عليها زوجه ثانيه لكن مو تقعد تشحت كلام الحب في الشات والمسنجر وتضحك على بنات خلق الله بالكذب |
لا حول ولا قوة الا بالله .. كل الصفات الجيدة توازي صفة سلبية واحدة يا أخي احمد ربك واترك الخرابيط وعش الحب مع زوجتك بالحلال وفهمها واضغط عليها لتكون لك كما تريد انت لا كما تريد هي !! حاورها ناقشها هددها قل لها اذا ما تعدلتي بتزوج عليكــــــــــ |
حاول تشغل زوجتك بما ينفعها ويثقفها من هذه النواحي ولا تنسي ان تشغلوا انفسكم بطاعه مع بعضكم وتتركوا ما يحدث النفور بينكم من المعاصي
فالحياه ليست كلها حب وكلام في الرومانسيه مع انني اقدر شعورك وطلبك جيدا وانت عندك نعمتين يجب ان تقدرها وهي انك عندك الزوجه الحلال فاذا لجأت الي الحرام زادت امورك سوءا ولم يقنعك الله ابدا بما عندك من الحلال فلا تلجأ ابدا الي هذا الطريق فهل ترضاها لزوجتك فخاف الله انه كما تدين تدان وماتفعله قد تراه في زوجتك او تراه من ابنتك فاتق الله النعمه الثانيه ان زوجتك تتأثر بكلامك وتغير من نفسها حتي ولو لفتره قصيره فاستمر في وعظها ولا تيأس ولا تغلظ وحاول ان تبعدها عن المسلسلات والافلام فهي تستحوذ علي جل اهتمامها فلا تتوقف عن نصحها وتقويه دينها |
[COLOR="Blue"]ان كانت زوجتك من مستخدمي النت...حاول تخليهاتكشف شي من محادثاتك مع البنات بس بشرط ماتكون المحادثه في كلام فاذح...وتحدث مع البنت انك تحب زوجتك بس مو معطيتك اهتمام لهذ السبب صرت تدور عليه...ومن هذا الكلام خل حديثك كله عن زوجتك وانك تجي من العمل وهي نايمه والاشياء الي تتمناهافيها..وخل المحادثه محفوظه عشان تشوفها
او انك تحاول تخطب اي بنت او توصي اهلك يخطبولك حتى لوماتبي تتزوج ثانيه بس اوهمهم انك تبي تتزوج ويطلع الخبر...واذا زعلت اشرح لهامعاناتك معهاخصوصانومهافي النهار.. ابصملك باالعشره انهاراح تتغير 180 درجه ومو مؤقت بعد راح تتغيرللابد بعد ماتحس انهاراح تخسرك بجد خصوصا ان مكالمتك مع وحده غيرها..وهي اساسا عارفه انهامقصره معك..بس مو مهتمه لانهاتجهل نتيجة اهمالها وماشافت منك اي ردة فعل جديه..بس اذا عرفت بانحرافك وانك بديت تروح لغيرها وقتها تحس وتفهم ان انتقاداتك السابقه لها جديه ..لكن لو بتجلس تكلمها عشان تتعدل وفي نفس الوقت معطيهاوجه ومبين لها انك ماتفكربغيرها صدقني ماراح تتعدل دامهامتاكده انك ماراح تروح لغيرها بعض الزوجات يهملون في اهتمامهم في الزوج ونفسها على بالها ان الزوج ماينتبه لهذي الاشياء خصوصا اذا ماشافت عليه انحراف بسبب اهمالها..مستحيل تتعدل الين ماتشوف بعينهاوتسمع بأذنها او يتزوج عليها..[/COLOR][/COLOR][/COLOR] |
عاقبة البرود ماهي زينة.....
|
اقتباس:
أيقظ احساسك وعلشان رب العالمين لا تعصيه بالعلاقات لا تفكر توفي حقوق زوجتك امام رب العالمين من جهه وتعصيه في علاقات انترنت لا توازن بين انك وفرت حقوق زوجتك كامله اذا انا اديت واجبي سأبحث عن الكلام الرومانسي مع فتيات اخريات فأنا استحق ذلك بالمقابل وفكر أيهم افضل زوجة تحافظ على بيتك وتصونك او فتيات الانترنت اللي اغلبهم اصلاً شباب ينتحلون شخصيات بنات :25: المرأه ضلع اعوج لا تحاول عدلها بالقوة فتكسر ولا تهملها فتميل اكثر انا من وجهة نظري انك في نعمة ان زوجتك تسمع كلامك فترة 3 أسابيع ثم تعود لعادتها القديمه فتعود لتعديلها من جديد احمد ربك يا اخي الكريم انا اتمنى تراجع نفسك فالمرأه المثالية التي تبحث عنها لن تجدها في الانترنت ولا في محادثات الفتيات تقبل مروري |
مشكلتك أخي لها سببين ...
السبب الاول طبعا زوجتك السبب الثاني وسوسة الشيطان ... زوجتك ساعدت شيطانك عليك وهذا ماله حل غير الاستغفار .... استغفر كثير أخي ...قال بعض الصحابة بما معناه بأنهم كانوا يروا ذنوبهم في طبع زوجاتهم ودوابهم ....يعني اذا ما ارتحت مع زوجتك وعاندتك استغفر ربك ...واذا سيارتك ما اشتغلت استغفر ربك :) ما أقول انك مذنب عظيم وحالتك حالة ... لا ... لا سمح الله ...لكن أخي من منا بلا ذنوب ....وصدقني مجربة وجربها أكثر من شخص أعرفهم واستفادوا .... الاستغفار والدعاء ... ادعي ربنا يسخر لك زوجتك ويهديها ويقرب بين قلبك وقلبها ....... من يقدر يساعدك أكثر احنا العباد وللا رب العباد اللي خلقهم ويعرفهم ويقلب قلوبهم بين اصبعين من أصابعه جل وعلا ... وتأكد أخي انه ما تفعله على النت ستجده بخلق زوجتك ..مزيد من البعد ومزيد من الجفا ... بينما تأمل في هذا الحديث قال لنا البدوي أخذ بيدي رسول الله صلى الله عليه وسلم فجعل يعلمني مما علمه الله عز وجل وقال: (إنك لا تدع شيئاً إتقاء الله تعالى إلا أعطاك الله عز وجل خيراً منه). رواه أحمد (5/363) وإسناده صحيح ورواه البيهقي هذا أول الحلول عندي لمشكلتك ....تأكد أنك أعطيت هذا الحل حقه أولا وان لم يجدي نفعا فاعمل بما قالته الاخت ليه الغرور ....فالزوجة تفعل المستحيل لارضاء زوجها اذا كان عندها الدافع الكافي :d واخر الحلول أن تجد لك زوجة ثانية ...قلت أنك حاولت ولم توفق ...حاول مرة ومرات حتى تجد من تعفك ...لا تترك نفسك ضعيفة بلا تحصين وعرضه للحرام مهما كان الثمن اللهم اغنه بحلالك عن حرامك وبفضلك عمن سواك وسخر له زوجته |
طيب انت شو عملت لتحاول تغيرها
النصيحة والتهديد ماحابو فايدة مافكرت باسلوب اخر يتوافق مع زوجتك ماعرفت مفتاح قلبها كل امراة وكل انسان اله مفتاح لقلبه متى عرفته دخلت قلبها وعملتلك كل الي بدك اياه |
| الساعة الآن 03:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©