امنيتي الفستان الابيض فهل تتحقق بعد هالعمر
 

السلام عليكم ورحمه الله وبركاته
اول مرة اكتب بهالقسم موضوعي والله يشهد اني تعبانه نفسيا من الدنيا واللي فيها المختصر اني عمري
33 ولم اتزوج انخطبت كثير ولم يكتب الله نصيب لاسباب كثيرة لامجال لذكرها غير النصيب
الفترة هذي بنت اختي الصغيرة جاها عريس ماشالله كويس الطامه الكبري اني احس بالقهر مهما اخفيت
مشاعري وضحكت وباركت شي داخلي محررروق يقولي انتي خلاص راحت عليك حتي الشياب
والمتزوجين ماعاد يدورون الا الصغار وياشماته الناس فيني اللي بتترحم علي واحسها الحين بوجه اهلي
اللي تقولي ان شالله تتزوجين قبلها واللي تواسيني
الشي الوحيد اللي كسبته بعزوبيتي بري بامي الحمدلله لانها تعرضت لجلطه اقعدتها والله اني اسهر معها
واحضر لها ادويتها كل يووم انا الوحيده بااخواتي واخواني التسعه اللي ماتزوجت واخوي الاصغر تزوج من 2
سنوات الحمدلله انا راضيه بقضاء الله وبقدرة لكن وساوس الشيطان ماتركتني
احس ان ايماني ضعف درجه صرت اتكاسل عن صلاه القيام علما اني قربي من الله اكثر شي يريحني
ودايما ادعي الله لكن الي الان ماصار شي يفرحني اتمني يكون لي بيت واسرة واولاد ماادري يمديني
اكون ام اولا ليش صارت البنت الجريئه مطلوبه واللي تلبس مشخلع وعريان يتهافتون عليها الحريم والمتدينه
محد يبغاها
ماساتي الاهم هم اهلي اخواني واخواتي ماعندهم تواصل وعلاقات كويسه مع الناس كل واحد منزوي
ببيته ولا واحد يعزم الثاني بيته ومافي ابخل منهم حتي بالاعياد مايجتمعون عشان لايقطون
بالله من اللي بيناسب هالعيله الكريمه :dاحيانا البنت تكون عاديه وتنحطب عشان سمعه اهلها احس اني
تحملت الكثير اختي الاكبر تزوجت ورجعت تطلقت وتزوجت واحد ثاني صحيح مهي مرتاحه بس ممشيه
حالها اخوي الاصغر مني بسنه تزوج والحين بنت اختي احس شكلي مسخرة وبقوة يارب ارزقني الصبر
والرضا بقضائك وقدرك وانه لايياس من روحك الا القوم الكافرون الحمدلله انا محافظه على ديني ونفسي
وصلاتي والصدقه لااتركها وبنت اختي ماشالله العبايه مزركشه والضحكه تسمعينها من علي بعد متر
بالسوق والصلاه الله اعلم بحالها وحصلت عيله كويسه وعريس وسيم مع انها سمرا مرة وانا المشهود
لي بالجمال والاخلاق والدين وجامعيه خللت عند اهلي وماجاني الا المترديه والنطيحه ولااعجبتهم اللهم لااعتتراض

اهلا وسهلا كيفك؟

تصدقين انا حاسه انك عن قريب راح تنخطبين >>> احساسها ما يخيب

قال رسول الله صلى الله عليه وسلم - تفائلوا بالخير تجدوه-

ابغى منك حاجه انسي الموضوع ولا تنسين في عرس بنت أختك اشتري لك فستان حلووو وملفت للنظر وسوي ميك اب حلوو وسوي تسريحه حلووه وخليك واثقه من نفسك

وابتسمي مع الناس اللي في الزوااااج

صدقيني راح تنخطبين ان شاء الله بعدها

واذا تقدم لك احد لا تحطين شروووط قوية اهم شيء السكن المستقل فقط

والمهر لا يكون ثقيل

الله يوفقك حبيبتي وقدامك العمر توك في بداية شبابك اجل ايش تقولين عن اللي في الاربعينات ومابعد تزوجو؟

مشتاقه 2 وكاندي الله يسعدكم والله اني ماتشرطت ابد غير البيت مالنا اي شروط واغلب اللي جوني يستكثرون علي هالشي واحد بغاني اعيش مع اخوة ببيت واحد يعني البيت لاخوة ورفضت ويوم رفضت راحو لبيت ثاني وجابو شقه بكل
سهوله بس البنت رفضته سبحان الله يمهل ولايهمل حتي البيت استكثروة علي الحمدلله انا مارفضت الا بعد استخارة
وتوكيل امري لله وسبحان الله حلمت اني افصل فستان وخطوبتي بشهر 4 وانا بالحلم استعجل الخياطه عشان تخلص
الفستان ويوم صحيت قلت يمكن عشان خطوبه بنت اختي واضغاث احلام

الله يهديك ويرزقك بزوج الصالح
بس ليه كلامك كدا عن بنت اختك?
خلي النفوس صافيه والقلب ابيض
واعلمي ان الزواج نصيب وتوفيق من الله يعني لاهو بالجمال ولابتعليم!!

أختي بإمكانك الذهاب لمواقع الزواج

فيه مواقع لمن يريد الزواج تحطين معلوماتك ومعلومات الشخص اللي تبغيه بعدين تتعرفي عليه ومن ثم تعطيه رقم بيتكم يكلم ابوك وهكذا .........

اما بالنسبة هل المواقع التي تروج للزواج حرام او حلال فلا اجد مايجعلها محرمة
بالعكس انتي جادة في الزواج يعني منتي داخلتها علشان تضحكي على الرجال

اتمنى نصيحتي تفيدك واذا كانت اختي مثلك أنصحها بمثل نفس النصيحة رغم ان بعض المواقع اللي للزواج غير موثوقة لكنه يعتبر حل من الحلول

أولا اتق الله ولا تستبقي أقدار الله , ثم اش عرفك أن اللي متزوجين مرتاحين ..

ربما صرف الله عنك زيجات سوء .. فلو قدره الله لك لكنت تأففت واعترضت لست مرتاحه في زواجي

ليتني عزباء ..

أكثري من قول ( ربي اني لما أنزلت الي من خير فقير )

مع هالراي ليس كل ما يلمع ذهبا وليس كل المتزجين سعداء


كم وكم زوجة ابتليت بزوج خائن ،، لا يعرف الصلاة،،، سليط اللسان

ورب العالمين قد ابعد عنك سوءا كثيرا

انظري الى رحمة الله بك كيف صرف عنك عوار الراس وابدلك ببر والدتك اطال الله عمرها

اسأل الله العظيم جامع الناس ليوم لا ريب فيه ان يفرح قلبك و يجمع بينك وبين ابن الحلال عاجلا ً غير آجل
وان يرزقك منه بالذريه الصالحه آمين أمين أمين