أهلي دائما جحودين
 

حبيبتي انتي بنفسك قبل زوجك روحي لام زوجك وعلميها بحملك واطلبي منها ماتعلم احد بتحس انك عاملتيها مثل امها بالتالي بتعاملك مثل بناتها
وحرام تقهرين ام زوجك وتخلينها اخر من يعلم واللي بينولد ان شاء الله حفيدها اما غيرها فبكيفك لوما خبرتيهم
اللي ماترضينه لامك من زوجات خوانك لاترضينه لام زوجك
واذا خبرت العايله شالمشكله بالاخير بيدرون وخليها تدعيلك احسن ماتدعي عليك
وبعدين لودروا انك محرصه ان محد يدري بينقهرون حتى لودروا لانهم عرفوا انها ردت فعل لما عملوه معك
ومثل هالامور ماتتخبى الحمد لله انتي مو مسويه شينه
وام زوجك ما اتوقع هي اللي حملت وخبت عليك وبناتها وبنات اختها اكيد موصينها ماتعلم وهي حفظت سرهم وبالتالي بتحفظ سرك
واما ردك عليهم اللي ماتعلمك بحملها لاتباركين لها واذا سألت ليه قولي اصلا مادريت
ومن ناحيه ثانيه لازم الواحد يعالج اموره بالكتمان كما وصى الرسول يعني لاتواخدينهم على كل شيء
ربي يصلح امرك

عااااادي تقبلي الأمر بروووووح رياضية

أهل زوجي يعرفون كل شيئ عني وعن عيالي والبركة في ولدهم

وينشرون أخبارنا ويتشرهون علينا

حتى زواجات عيالهم احنا أخر من يعلم ولا ندري عن يوم الزواج إلا قبله بيوم أو يو مين

ويحملون حريمهم ويولدون ماأدري إلا بالصدفة من الناس

حتى بيوتهم يوم بنوها احنا آخر من يعلم

ولدي الكبير قال لي : تعرفين يمه ليه الله مو موفقني في أموري لأن أبوي يعلم أخوانه بكل شيئ فما يزبط شيئ في حياتي


أولادهم توظفوا والله مادرينا إلا بعدها بشهور بعضهم أعذرهم وأقول عشانهم في مدينة ثانية بس ايش عذر اللي في نفس

المدينة،،،،وأقابلهم عادي ولا أفكر حتى أعاتبهم خذي الناس على قد عقولهم

أختي مدام ان الموضوع او الأشياء سخيفة مثل ماقلتي
فمشكلتك اختي انك معطيتها اكبر من حجمها
يعني إذا وحدة حملت منهم مهي مجبرة او ملزومة و لا حتى من باب الذوق,,,انها تخبرك بحملها او حمل قريبتها
البشارة تكون بالولادة بسلامة , حتى تصليها و تتعافي لها
يعني انتي كذلك لو حملتي , خلي الموضوع عادي اللي يدري يدري من نفسه مو لازم نشر الخبر
..

لاتدققين بالأمور ولاتسألين عن اخبارهم ولاتهتمين بهم وهم سوف يعرفون انك غير مبالية بأخبارهم

وانتي الأمور التي سوف تتضح كالحمل والولادة خليهم يعرفون والأمور الأخرى لاتنشريها ليس من باب سواء سواء ولكن من باب حرية واسرار البيوت

وعيشي حياتك بدون اهتمام بالأمور هذه وسوف ترتاحين

اختي يعني اتني ايش رح تستفيدي لو سوبتي هالشي
فقط انك سويتي نفس الشي
لاتعاملي بغير اصلك
انتي سوي الي عليكي
ولايهمك احد
الله يوفقك ويسعدك

حبيبتي ... انا متزوجة .. واهل زوجي مايعلموني بشيء مع اني اقرب لهم ..


بس ما يهمني عاااااااااااااادي ...

وزوجت اخوي كل شيء نصبة في اذنها ووقحة تنقل حتى شربت الشاي ...

والله انا ما ازعل من اهل زوجي كيفهم يمكن مقروصين من قبل ... وتأدبوا مثل ما حنا انقرصنا من زوجة اخوي وجحتناها ..

وتووووووووووووووووووبه

وعشان كذا لا تلومينهم يمكنهم جربوك او جربوا احد قبلك وانقرصوا