منتدى عالم الأسرة والمجتمع - طفلي غلبني ما الحل

.. أهلين أم سامي ^_^

.. لا شنو تعاقبيه , هذا طفل لا يعي ما سوف تفعليه به , ولا يعي لماذا قمتي بمعاقبته ..

.. هو بس يحتاج منك اهتمام ورايه زائده لا اكثر , لانه كثير الحركه , وممكن يسوي اي شيء ..

.. ومثل ما قالت لك الاخت ( اولادي أحبابي ) بموضوعك السابق , هو بمرحلة الاستكشاف , وكل شيء

يحطه بفمه , وكل شيء يلعب فيه , ويلمسه , وهذا دليل ذكائه ..

.. أبعدي عنه كل شيء خطير , وممكن يؤذيه , وجيبي له العاب ذكاء , وخليه ينشغل فيها ..

.. جيبي له لعبه البرج , وهي عباره عن مكعبات ملونه , وتكون بشكل أسطوانات او مكعبات , وتتركب على بعضها

من الكبير للصغير ,, وبكذا طفلك راح ينشغل وهو يركبها على بعضها , وكمان المكعبات الكبيره , ( اللوجو ) ينشغلوا الاطفال فيها ..

.. والافضل تكون العابه كبيره , علشان ما يحطها في فمه , وتصير مشكله ..

.. ولازم تنظمي وقتك , انك ما تكوني مشغوله طول اليوم عنه , لانه كثير الحركه , وممكن يلعب باي شيء

.. اشتغلي شغل البيت وقت الا هو نايم , وكوني فاضيه وقت الا يكون صاحي ويلعب ..

.. ولما تحطي الالعاب , كوني انتي واخوه معاه تلعبوا , وبعدين تسحبي شوي شوي ..

,, واطلبي من اخوه يكون مراقب له , يعني لما يقوم ويروح للتفاز مثلا , يكون اخوه يبعده عنه , ويخبرك ..

.. الله يخليه لك , ويحفظه من كل شر ..