محتاجه رأيكم في حماتي
 

انا محتاجه نصيحه ..
انا عندى 22 سنه ومتزوجه من 7 شهور
زوجى انسان اخلاق فوق الوصف ومحترم جداااااا
وبيحبنى اوووى وانا كمان بحبه الحمد لله ومش بيزعلنى ..
لكن للاسف ربنا رزقنى بحماة صعبه ولسانها مش كويس
ودايما تشتمنى وتشتم اهلى وبتغلط فيا على طول
وكنت متحملاها واقول معلش علشان خاطر زوجى
واقول يمكن بكره ربنا يهديها لكن دايما بتهينى وانا والله مش برد عليها
واسمع الفاظ منها عمرى ماتخيلت اسمعها ومع ذلك مش برد
دايما تشتكى لزوجى منى وتتبلى عليا بحاجات انا معملتهاش بس زوجى عاقل
وعارفنى كويس وواثق فى اخلاقى ومش بيصدق كلامها
واللى تاعبها انه بيعاملنى كويس وبما يرضى الله وهى مطلقه من زمان واتعودت ان هى اللى تنهى وتؤمر
وعاوزه تمارس اسلوبها ده ف حياتى انا وزوجى لكن زوجى كان يصد اسلوبها ده
ولما حست انها ف كل الحالات مش هتقدر تفرق بينى وبينه بقينا كل يوم فى مشاكل وخناق
وتقف ف الشارع وتشتم فيا انا وهو وكمان جابت بنتها وبقوا يشتمونا ويقلوا ادبهم علينا واخر حاجه عملوها
انهم طاردينا من البيت وعاوزينا نخرج واحنا ظروفنا لا تحتمل ايجار شقه حاليا ..
انا بجد تعبانه اوووووى والمشكله انى حامل ودايما بعيط بسببهم ونفسيتى تعبانه وخايفه على البيبى من الجو ده
فعلا مش عارفه انا وزوجى نعمل ايه انا نفسيتى تعبانه من حماتى وبنتها ومش قادره اكلمهم
لانى زعلانه من تصرفاتهم اوووووووى ونفسى اعيش ف جو هادى انا وزوجى ..
ياريت حد يفيدنى برأيه فى حالتى وادعولى ان ربنا ييسرها لزوجى ويرزقه
واحنا نسيب البيت اللى كل شغلتى فيه انى اتهان وبس ..

الله يعينك يااختي
الي فهمته انك عايشه معهم بنفس البيت صح؟
اختي يعني بفتره الخطوبة كيف كان تعاملها معاكي نفس الشي ولا تغيرت بعد الزواج؟

الله يعينك ادعي لها بالهدايه

ياه اختي دانتي فكرتيني بايام عمرها متتنسي من عمري للي بتمري فيه هو داته اللي مريت فيه وانطردنا كمان ومكانش عندنا حاجة بس ماتخفيش اصبري اكيد و خليك مع زوجك فالحلوة والمرة ربنا حيفرجها عليك بس اوصيك رغم اللي عملوه فيك حماتك وبنتها ماتقاطعهاش خلي لما تهدى الامور وابقي كلميها او روحيلها عشان بعدين راح تقول انك فعلا بنت ناس لانه الزعل راح يروح والدم عمره مبيبقى ميه ده نصيحة من مجربة .........والله يوفقك

شوفي حبيبتي ماعندك حل هذي امه وهذي اخته زوجك يمووت فيك بس ممكن يتخلى عنك بس مايقدر يتخلى عن امه ام زوجي كانت مثل حماتك والمشكله كان زوجي مع امه رضيت رضي زعلت قام بالحرب علي بس صرت اقلل كلام معاها واذ طلبت شي اقول حاضر وغير كذا اسكت حتى لو غلطت على اهلي اضحك والله مدري وش يصير لي بس اضحك لها تسبني ومااستوعب اضحك وبعدين افكر بكلامها اثاريه سب
حاولت اكسب قلبها بالهدايا فلانت صرت ادعي ربي اكفينيها بماشئت وادعي ربي سخرها لي والله والله والله انها تعاملني افضل من بناتها الان وتحبني واشوف حبها لي بعيونها وصارو بناتها يغارون مني صح تجربتي قليله ثلاثه سنوات بس احسها صح انتي حرام تكسرين قلب زوجك وتعيشيه بين نارين روحي اشتري هدايا لحماتك واخت زوجك وروحو استسمحو منهم بتقولي ماغلطنا عليهم هم سبونا هم طردونا اقلك خذي هديه وروحي اعتذري وريحي زوجك والله مافي شي يكسر ضهر الرجل غير هذي المشاكل خليك انتي الفاهمه وزوجك مارح ينسى صبرك عشانه ولا تنسي احتسبيه ماتفعليه عند الله وربي ما يخيب رجاك مو عشان زوجك بس تسوي كذا لا قولي انا بروح اعتذر عشان زوجي يرضي امه وربي يرضى علي لاني حافضت على زوجي وجاهدت عشان بيتي وخليت زوجي يصبر على بر امه ويصل رحمه عسى ربي يوفقك الى مايحبه ويرضاه

طنشيها وماتفكريش فيها ابدا واقولي لها حضر ياطنط طلباتك اوامر وبس وربنا يكون في عونك
لااله الا الله