|
كيف يبدأ صباحكم
مراحب للجميع
حبيت اطرح سؤال واتمنى من اخواتي الأجابه بصراحه حتى انتو اخواني جاوبو بنيابه عن زوجاتكم:17: هل تصحي مع زوجك قبل خروجه للعمل؟؟ او يصحى ويطلع وانتي في سابع نومه:25:؟؟ وشنو يكون دورك من اول مايصحى لحد مايطلع؟؟ تحياتي اختكمJ |
اقتباس:
|
هلا اختي دمعة مفارق
شرفتي صفحتي انا مثلك وحتى لم اكون زعلانه اصحى واسوي نفسي نايمه ههههه لكن هو يدري اني صاحيه الله يخليكم لبعض يارب تحياتي |
اذا صرت مروقه يبشر بالفطور والسنع والبخور خاصة اذا كان عندي مشوار والا شغله <<:22:
واذا صرت زعلانه مرات أحن عليه واصلح له ساندوتش على الماشي يعني بدون نفس ومرات اصلح نفسي نايمه طبعا قبل لا يصحى اكون مشيكه على ملابسه والصاله مرتبه وهيك واذكره قبل لا يطلع بالأشياء الي بالجدول لأننا لازم نرتب اشغالنا ومواعيدنا بجدول بس حتى لا صرت زعلانه ارسل رساله اذكره لأنه من النوع الي ينسى وطبعاً انا الغلطانه اذا نسى قرقرت واجد بس مواصله وودي اهذر |
سواء داومت أو ما داومت
ما عمرها قامت قبلي أصحى وأطلع وهي بسابع نومة وفي العطل أصحى وأفطر وهي بسابع نومة :) وإذا كان عندها دوام بتكون مشغولة بنفسها الأمور تساهيل |
عن نفسي لسا ماصرت عند بيت زوجي بس متعودة اصحى قبل خطيبي يعني هو دوامو 9 انا اصحى 8:30 واجلس اتصل في سنه عشا يصحى لان نومه ثقيل وبس يصحى واجلس اتكلم واتاكد انو مارح يرجع ينام خلاص اقوله بس توصل طمني خلاص اول مايوصل ويكلمني ارجع انا انام
اتوقع هالموضوع عادة ولما تسويه المرأة لزوجها عشانها تحبو |
اقتباس:
لي ساعتين ادور بلمنتدى ابي اسولف ...ولقيت موضوعك . يعطيك العافيه . |
هل تصحي مع زوجك قبل خروجه للعمل؟؟
عن زوجتي هيا و العوامل المحيطه من (هرمونات , مزاج , حالة صحيه , زعلانه , الخ الخ من عوامل الحريم) اذا هيا صحيت قبلي خلاص تقوم و لكن لو انا صحيت قبل خلاص تستثقل انها تقوم عشان على بال ما تتزين اكون قد طلعت و انا افضل انها ما تصحى معايا لما اروح الدوام عشانها لو صحيت بدري يتأخر الغداء!!!! وشنو يكون دورك من اول مايصحى لحد مايطلع؟؟ هيا دايما تكون متحمسه انها تسوي فطور و كلام كثير و لكن انا دايما اقول لها اني انا ما افطر (فطوري كوب قهوه و كيكه) و اعتقد هذا اللي يخليها تكسل انها تصحى خصوصا اني استمتع اني انا اسوي قهوتي بنفسي |
.. من يوم تزوجنا لليوم , وأنا أصحى قبله .. وأجهز ملابسه .. واجهز البيت .. وأجهز له الفطور ..
.. وصرنا عائلة .. وشرفوا الاطفال .. ولازلت أصحى بدري ^_^ علشان أجهزهم للمدرسه .. ,وأوصلهم للمدرسه , وبعدها أرجع البيت , واجهز أغراض زوجي , وفطوره .. وأودعه .. وأنظف البيت .. .. وأخذ لفه سريعه على المنتدى .. وأرجع الى شغل بيتي .. وتجهيز الغذا .. والاستعداد لاستقبال زوجي والاطفال الساعه وحدة ونص .. |
شكرا لكل من تفاعل مع الموضوع
وربي يخلي كل زوجه لزوجها والعكس وربي يقدر الكل على اسعاد الطرف الأخر تحياتي ولا عدمناكم |
| الساعة الآن 11:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©