|
شعور صعب اذا خطيبك مايحس فيك
السلام عليكم ورحمة الله وبركاته ...
انا ذكرت لكم قبل كم مشكله والله يعطيكم العافيه ساعدتوني وصار كل شي أوكي.... بس الحين انا دائما ابكي من خطيبي والله تقريبا كل يووووم لانه ابد مايحس فيني واحسه اناني مايفكر الا بنفسه والمشكله انوو اختي نفس الشي مملكه وخطيبها ماشاء الله يهتم فيها ويسوي لها كل الي تبيه انا ماابي اقاارن بس قل اهتتمامه حدني على كذا والله تعبت واهوو يقربلي ويدري انه ابوي متوفي وحتى اخوان ماعندي وفي اشياء كثيره تنقصني ودي يسويها لي بس مرات اراضي نفسي واقول مو لازم يسوي بعد الزوااج لاكن اهو حتى مشاعري يتجاهلها مثلا.. انا نظري ضعيف والبس عدسات وعندي ثنتين ونكسرت وحده وتضايقت عليها حيل وجيت قلت له وقال والله ؟ يبي لنا نسوي لها عزه وقسم باللله تضايقت واختي صار لها نفس الموقف وقال لها ولا تتضايقين وشرا لها وحدهـ والله اكتب وانا ابكي ومرا ت احسه بخيل مايشتري لي شي ومره قلت له ابي عطر لانه ماعندي قال ايه اوكي وسوا نفسه نسى ولا شرا من عيد الفطر قايل لي ومرات يقو ل بجيب لك وبسوي لك وقول من غير فعل ومايسوي لي ولا شي الحب مو بس بالكلام بالفعل واهو يدري انو انا محتاجه يجيب لي ويسوي لي لاكن مااافي احسااس والله اخر مره دمعتي طاحت واهو جنبي من موقف مثل وجها ولا اهتم انا تعبت ودائما يكرر اكرام النفس هواها يعني اي شي يشتهيه يروح طيران يتريه حق نفسه وانا لو بغيت شي بالموت يجيبه اناااني ومرات احسه بخيل شنو اسوي بعمري واشياء كثيره ماذكرتها ادري طولت والكلام مو مرتب بس من القهر الي فيني واذا ماعليكم امر عطوني حل اقدر احسسه انو اسلوبه معي غلط انتظر ردودكم بفارغ الصبر ....:*.*:. |
انتظر الردود لاتبخلون علي :(
|
الله يعينك اختي...
هاذي مشكلة اغلب الشباب.... يفكرون انه لمن يعطي البنت كل اللي تطلبه راح تتكبر عليه...وانا واحد منهم لكن ماهي لذي الدرجه.... أنا من رأيي أنك تتجاهليه فتره ولاتكلميه عن مشاكلك هو شكله يبغى يسير عادي بالنسبه لك خليه يحس بهذا الشعور لعل وعسى يحس لانه من كلامك قلتي انه يحبك وهذا أهم شي... صراحه قاعد أكتب وانا حاس فيك لكن اصبري... ربي يسعدك ويخلي خطيبك ملاك في عينك.. |
اقتباس:
يعطيك العافيه اخوي ... اهو يحبني لاكن انا بالنسبه لي الحب مو بس بالقول بالفعل واهو يبخل علي بورده وربي ولا مره زراني في البيت الا وايده فاضيه وخطيب اختي كريم كل شي يجيبه حتى امي كله تمدح فييه والهداايه مايجيب لي الا مره وحده في بداية الملكه والحين ولا شي وربي لو يجيب لي نص ورده افرح فيها :*.*: |
ياكثر الزوار ومحد يرد الضاهر مافي حل لمشكلتي .:*.*:.
|
والله يا أختي ولا أحسنلك من أنك تنسي وتعيشي حياتك..
أنا زوجي ما يتصل ولا يسأل بس خلاص أنا كمان زهقت ونسيت حكاية الإتصال, حتى الجوال بديت أنسى مكانه... إنسي الهم ينساك... |
اقتباس:
هذا ما أعيشه حاليا ........:( |
اختي لاتقارني نفسك مع احد
بس قبل مااكتب حبيت اعرف كم صارلكم مملكين؟ وكم باقي على الزواج؟ وكم عمرك وكم عمر خطيبك؟ |
يعطيكم العافيه على الردود عاشقة الغالي
لنا مملكين خمس شهور وباقي على الزواج تقريبا شهرين وعمري 18 وعمره سته وعشرين |
| الساعة الآن 07:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©