ماهي ردة فعلك تجاه سفر زوجك بدونك .. لااستغني عن آراء اخوتي الرجال
 

السلام عليكم

اذا كان زوجك مضغوط من العمل ومن زمان ماسافر ,,

وقدم على اجازة وقال لك انا بسافر مع صاحبي لاحدى الدول بدون ذكر اسم هذه الدولة كلها فتن من شراب وغيره وقال لك مجرد اغير جو من العمل كم يوم وارجع ان شاءالله ..

وكانت حجته انه ماياخذك معه لظروف الاولاد وارتباطهم بالدراسة وانتي فعلآ لاتستطيعين الذهاب معه بكل الاحوال وهو صعب عليه تروح اجازته وتخلص وهو في البيت ..

وش رايكم ماهي ردة فعلك هل توافقين حتى يذهب زوجك ويغير جو بعيدا عن ضغوط العمل ويجيك بنفسيه جديده أم تقفين ضده وتعترضين ..

ولا استغنى عن رأي اخوتي الرجال ..

انتظرررررركم

لكم المايك

بصراحه حتى لو اوافق راح اكون متضايقه جدا جدا

خاصه اذا كانت هالدوله كلها فتن وشراب والرجال انجرافهم سهل جدا

راح ابين له رفضي في البدايه واقوله انه في مناطق في المملكه حلوه وكلها خضره يقدر يغير نفسيته فيها وفيه ايضا ودول افضل واقل فساااد بدل الدوله اللي في راسه

وانا ما أأيد سفر الرجل لمجرد المتعه والتنزه

اذا الهدف من سفره العمل ماعندي مانع لكن التنزه لااا والف لاا

لأنه بصراحه الرجال ينجرفون بسرعه مع الفتن اكثر من النساء وياما حريم رجعو لهم ازواجهم وهم مسوين البلاوي والخيانات في الدوله اللي رجعو منها

وانتي تعرفين الامراض اللي انصابو منها نساء كثيرات بسبب ازواجهم وسفرهم للخارج

قبل فتره استمعت لبرنامج عن الايدز وكان بمناسبة اليوم العالمي لمرضى الايدز كل متصله تتصل وتقول قصتها يقشعر بدنك منها

وكلهم مسكينا ازواجهم اغلبهم مسافرين برا السعوديه ونقلو لهم المرض - الايدز -

وبعدين حتى انا قاعده في البيت من دون اجازه ولا راحه يعني هو اللي يوسع صدره وانا لا

راح افضي نفسي واقوله خذني معك انا الأولى من رفيقك

انا اللي احتاج للراحه والوناسه موب رفيقك

قبل فتره فيه وحده تقول قصتها في منتدى اخر

زوجها متدين وراح يوسع صدره مع رفيقه في اندونيسيا ورجع الله يسلمك ومعه اندنوسيه زوجته

والادهى من ذلك تقووول راجع وكأنه ما يعرفني كأنه مسحوور

طبعا طلق هالمسكينه وطردها من بيتها هي واولادها والان هي عند اهلها تندب حظها وثقتها الزائده بهالزوج

وانا لما سافرت مره لقيت واحد من عيال البلد سكران ويبوس له وحده ساقطه بين ايديه - المشكله ما احترم نفسه والشيب اللي في راسه -

تعتقدين هذا ما وراه عائله اكيد له زوجه وعيال ينتظرونه

طبعا اانا ما اقول كل الرجال كيذا فيه رجال ما شاء الله عليهم ينحطون على الجرح يبرا لكن الوحده مننا المفروض تقطع دابر المشكله من البدايه

ومهوب عيب اذا الزوج احترم ربة زوجته في عدم سفره


واولا واخيرا السفره للخارج هذي ما اقتنعت فيها بالنسبه للرجال اللي يسافرون لوحدهم من زوجه تعفهم

واقووووووووول عندنا مناطق في المملكه خيااااااااال خاااصه الجنوب روووعه فيه قرى ومدن حلوه ما ادري ليش ما يفضلون الا الخارج!!!!

أنا عن نفسي ارفض وبشدددددة.. مالها معنى سفر الزوج بدون اهله!!!!!!

بإمكانه ياخذ اجازته وقت مايكون الاولاد عندهم إجاااااازة..

وإذا كان ملزززززززم بالسفر للنزهه لحاله.. انا راح اخيره بيني وبين سفرته..

انا مع كاندي في كلامها
اما يسافر داخل المملكه
او يسافر للخارج و انا معاه
يعني زي ماهو مشغول و مضغوط في العمل انا كمان مشغوله و مضغوطه في العمل حتى لو كنت ربة منزل
عندي بيت لازم يكون مرتب و نظيف يوميا عندي غسيل ملابس كوي تجهيز فطور تجهيز غذا اصحي العيال للمدارس
هذي كلها ضغوط على المرأه تحتاج تاخذ فترة راحه منها

انا اتضايق اذا زوجي راح دوامه فمابالك لو سافر!!
لكن ماباليد حيله!!
بس اذا كان مومقصر معاي بكل شي ’’له عيوني’’ لو يروح المريخ الله وياه...

نصيحة لاتعوديه يسافر بدونك والاعضاء جابوا كل الاحتمالات اللي راح يكسبها من سفرته ..
على قولة احلاهم خيريه بين السفر او انتي..
الله يوفقك ويسخر لك..

خيريه بين السفر او انتي..

قويه ي ام عوام!!ا اهو مو بيبي صغير عشان تمنعه
يعني اسبوع بالسنه يسافر فيه .. نوبربلم!!! !!بس على شرط يعوضك