أريد أن أعرف شعوري الحالي
 

السلام عليكم ورحمة الله
خواتي كيفكن وحشتوني ..اخواني كيف حالكم
مدري هل عشان احتاج اكلمكم فتحت الموضوع او في شى صاير لي وماني عارفة وشو
http://www.66n.com/forums/showthread.php?t=217011
كنت حابة اكمل النقاش بنفس الموضوع بس لقيته مقفل وماني عارفة ليش!!!
انقطعت الاتصالات بيني وبين زوجي بالجوااال وسكرت هذا الباب لاني صرت اخاف تصير اي مصيبة
ابد ماسمعت صوته بعد المشكلة الا مرة وحدة وعشاني سافرت مع اهلي من ديرة لديرة فالظاهر انه دق عشان حس انه عيب مايدق عشان يطمن رغم اني ارسلت له رسالة وطمنته على وصولي
بس عمتي الي هي ام زوجي اتواصل معها بالجوال
وسالتني هل في شى جديد قلت لا ياعمتي مافي الا سلامتك ..ومابغيت اعلمها بشى ابد لاني باختصار
مابي اتعب اهله ولا ابي اتعب نفسي واستحيت منها ولاني اغليها مابيها تزعل لا على ولدها ولا علي
الحقيقة انا ماكنت حابة لاكتب لانه يشوف كل حرف اكتبه بس صرت انساه طول اليوم ولا جا ببالي احاول اتناسى باي طريقة حتى وزني زاد من كثر ما اكل وانام بالليل الحمد الله صرت انام بدري واصحى بدري
والله كنت لا اكل ولاشرب بس تفكير فيه ليل نهار ولا جيت انام لابد اخذ منوم واصحى الصباح وقلبي يعورني
كنت اول مااصحى من النوم وعقلي مافيه الا زوجي
الحين اذكره بس احيانا ومو طول اليوم ..هل احاول انسى ولا افكر واكذب على نفسي ولا انا فعلا تغيرت
طبعا الي يعرفون قصتي اكيد بيحللون شخصيتي ولايهون الجميع
فديتكم الله يخليكم لي يارب ولايحرمنا من جمعتنا بجنات النعيم ...بالحقيقة والله ماني عارفة وش فيني ولا عارفة احلل نفسي بس..انا متغيرة كثير
احبكم في الله حبايبي ................

أختي صابرة بدنيتي

تعرفي الغريق اللي يحاول يتعلق بقشة ؟
إنت كنت زمان مثل الغريق اللي يستنى ( قشة ) في وسط المحيط عشان يتعلق بها
لكن إنت انصدمتي إنه القشة هذه ، طلعت ( اسفنجة ) ،، فكانت السبب في إغراقك في محيط الحياة ..

و من حسن حظك ، إنك بديتي تتعلمي كيف تسبحي و تحركي يدينك و تكتشفي قدرات في داخلك ما كنت عارفتها

فإنت حاليا ، في مرحلة .. بتستمدي ( قوتك ) من داخل نفسك و ذاتك ..

أتمنى إنك تستمري في طريقك ، و حاولي تنشغلي بالأهل ،،
و إنك توسعي علاقاتك مع الآخرين في حياتك ، حتى ما تلقي وقت ( فراغ ) لنفسك

ربي يوفقك و يسعدك و يرزقك الطفل اللي يملأ حياتك سعادة يارب

بالضبط مثل ما قالت روح الطير بديتي تخرجين من الدائرة الي وضعك فيها

وضغط فيها عليك بقصد منه أو بدون قصد

قلت لك من قبل الكره بملعبه الآن

اتركيه هو يتحرك وانتي تفرجي فقط

وعلى ضوئها قرري

سرني أن أجد اسمك

وسلامي

هلاااااااااااااااا بك ياروحي كيفك يالغالية
بشريني عنك وعن السنوكر وكيفك مع الغربة
والله اكثر شى ودي اسلم عليكم
فديتك
لا الحمد الله وقتي صار مليان ويمكن عشان كذا بديت اتناسى شوي
الله يسعدك ياحبيبتي ويرجع سالمة غانمة باذن الله ويحفظك انتي وولدك وزوجك

يابعدهم اني يا ذكريااااااااااااات ياحبي لك ياحبيبتي
والله احبك احبك في الله
وسبحان الله لا شفت معرفك يفز قلبي لك
يارب يخليك يارب
انا رميت له الكورة على قولتك حبيبتي كيفه يسوي الي يبغى
مانتي ملاحظة ياذكريات انه ماعندي سالفة ودي بس اسال عنكم وحشتوني
وحتى ماصرت ادخل المنتدى الا اوقات الصباح لانه وقتي شغلته بمشاغل الكون
تصدقي يمكن ادخل البيت اصلي واخذ وجبات وارجع اطلع اللتهي في امور لنا شخصية برى
دخلت راسي بكل شى في الليل احط راسي احس اني دايخة وانوم على طول
رغم اني الفترة الي قبل هذي كنت برضة بين اهلي وناسي ومشغولة بس كان مستحوذ تفيكيري لو يجيون حولي الاف البشر ..افكر فيه لا اخفيك بس مو دايما وسرعان ماحس بان المرض بيجيني حق التفكير والسرحان فيه اغير او اقوم اصرخ او اطلع فورا من البيت .................ادوخ نفسي بس في النهاية ادوخ
اول ماكنت استطيع اسوي كذا او كنت احلم اني ارتاح واريح اعصابي ولو لثواني
احس قلبي اندفن بين ضلوعي واحتاج من يطلعه ولا اقولك خلييييييه يندفن عساه مايقوم
المهم ذكريات ياروحي والله ماعندي تعبير مناسب اعبر عن الي احسه بس لو تشوفين ملامحي بتعرفين على طول وراح تحسين فيني ....ذكرياااات يسرني. ويسعدني ويرسم ابتسامة على وجهي كل ماحسيت بحسك في المنتدى ..اسال الله ان يجمعني بك وبكل احبابي بالجنة
اميييييييييييييييييييييييييييييييييييييييييييين

هلا سمو
ايوا حبيبتي انا هي فديت روحك
مافي شى بس وحشوني الاخوات ووحشتوني كلكم وقلت في نفس الوقت اقول الشعور الي فيني
وبالمرة اسلم عليكم

والله ياجماعة احلى شى واروع حاجة واصدق احساس في هذا المنتدى االاكثر من رائع هي المحبة في الله
فكم من ناس احبهم في الله واحبهم كثير وافكر فيهم رغم اني ماعرفهم واسعد لطلتهم بكل المواضيع
وربما هناك ناس ايضا تحبني في الله ودعت لي في ظهر الغيب وانا بعد دعيت لهم
ما اجمل الحب في الله ياااااااااااااااااااااااسلام حب طاهر بريئ بدون اي مصالح ولا اهداف
يارب يجمعني فيكم بالجنة يااااااااااااااااارب

طيب بشري وش صار بينكم

مافي شى ياقلبي انا عند اهلي
وهو عند اهله وبينا احيانا مسجات او اذا صرت بطلع اعلمه بمسج
فديتك على اهتمامك تسلمين