|
جفا زوجي
كل ماهممت ان اسطر لكم وضعي
واسرد لكم بعضا من خلافاتي اعتصر الحزن قلبي فمنتصف الطريق فاتراجع خطوة واتوارى انها محاولة جديدة علني هنا اكملها قبل ان الجأ الى خيار (تراجع ) اليكم بعضآ مني اتمنى ان القى منكم ارشادا انا متزوجة من 3 سنوات العلاقة بيني وبين زوجي تمام الحمدلله الا ان زوجي قليل الكلام صامت غالبا جاااااف جداااااا ومايعرف يتكلم معي يعني ممكن ينفخ فيني اذا بيقول حاجة عادية ولمن يكون جالس بالبيت يتصرف كأنه عايش لوحده زي مثلا لوكان عنده اليوم اجازة يروح مشاويره ويجي يجلس مع بنتي شوي وفجأة ما ادري الاوهو بالغرفة نااايم مع اني اكون منتظرته اني اجي اجلس معاه او باجهز له قهوة او اي شي يتصرف غاااااااالبا كانه عزوبي وممكن نكون جالسين عادي وعندي سالفة احكيه عنها فجأة يوقف يالله انا خارج !!! احس ان المشاركة بيننا معدومة هو هذا طبعه حتى مع اهله ممكن يروح ويجي ومايقصر معاهم ولا معاي باختصار هو طيب جدا جدا وكريم لكنه انسان ماعنده اخلاق ومايعرف يتعامل معي يعمل لي نكد على كل شي مثلا خارجين مشوار بسيط يخاصم ليش تاخرتي نازلة سوق ليش تاخذي العربية مالها داعي ادخل السيارة احط بنتي فكرسيها يخاصم هاتي البنت هنا قدام حرام عليك ولمن افهمه ان كدة افضل لها ولي انا ما يفهم يقول انتي كدة تحبي النظام في كل شي عامله والموضوع اللي منكد حياتي الفترة الاخيرة هو في العلاقة بيننا لو مومحتاج ينام معي ممكن تمر ايام وايام ما يلمسني ماتجي ايده بايدي وقبل كم يوم شافني جالسة ابكي ومتضايقة جدا من وضعي سالني خير ايش فيك ؟ قلت له انا مرة متضايقة ومستائة من هالحال ان الايام تمر وانت لو مالك رغبة حتى سلام او حركة لطيفة تديني قال طيب انا ذا طبعي ووالله مشي ونام ولاكاني تكلمت ولاحتى مامسح علي ولاااااا ما ادري ليه كدة يعمل مع اني ما اقصر معه احس بجفا غريب منه وكثير موااقف عجيبة اتمنى اكملها بس الحين قلبي واجعني وسلامتكم |
اختي الله يعينك بس الباين انه طبعه كذا بس نصيحيتي لك لا تيأسي حاولي تتكلمين معاه و طيب حاولي انك تكوني البادية مثلا في يوم سويله مفاجاة بالليل كعشاء رومانسي و جو شموع يعني انت ابدي عليه و ربنا يحل مشكلتك ان شاء الله و يسرلك تمرك يااااارب
|
بعد روحي انتي بسم عليك وعلى قلبك
حبيبتي صارحيه واجلسي معه وصلي له هالشى بمشاعرك وهمسات منك حركي اعماقه وحوسي بداخله لابد ان يكون له نقظة ضعف يتوقف صمته عندها وانتي ادرى بها بس جفاه حاجب عنك كثير امور يابعدهم اول شى لازم تكوني قوية ولا تتحسسين من تصرفاته وخاصا انك تقولين ان هذا طبعه ومع اهله سوي حركات يابنت بدل البكا والدموع حرام عيونك الحلوة تنزل الدمعة غيري المووووووووووووود يمكن هو مل من الحياة التقليدية والروتين خلك في بيتك ملكة زمانك تغنجي تدلعي ميعي سوي اي شى ممكن يفجر صمته الدفين غيري لون شعرك قصتك لبسك خليه دماااااااااار مري من قدامه اغيره صدقيني بيلتفت لك ويرغب فيك وممكن يصمت بس بلحظة ضعف بينفجر بدل مايشوف دمعتك وضعفك خليه يشوف شى يهد حيله بيدك كل شى ياروحي ...بس لابد ان تكوني ذكية بالحيل وانتي فعلا امراة ذكية ورائعة بس لابد انتي الي تتغيرين اتمنى لك سعادة الكون ياقمرررر |
اقري له كلام من سيرة النبي صلى الله عليه و سلم
كلام المشايخ و العلماء في العلاقة الزوجية و الود بين الزوجين بالنسبة لكرسي السيارة لازم يقتنع انه هذا الافضل لبنتك لأنه أمان اكثر لو لا سمح الله صار اي حادثة توددي انت و كوني لطيفة و امدحيه كلما سمحت الفرصة المدح مفتاح قلب الرجل |
صدقيني زوجك أفضل من غيره , وأنت قلتي طيب وكريم ويحبك , بس يمكن طبيعة تربيته جااف أومتأثر بوالده .
أنا بقولك شي , أبحثي في قوقل عن البوصلة الشخصية وشوفي شخصية زوجك ,وكيف تتعاملين معه , صدقيني , راح تستفيدين , ودوني كل مايتعلق بشخصية زوجك , وتجاارب غيرك وكيف تتعاملين معاه. بس وااضح أن زوجك شماالي شرقي , لأن من مميزااته مايحب دموع المرأة ولاتأثر فيه وعصبي بس طيب ,مارااح أكمل أنت رااح تدورين وتكملين . الله يسعدك مبادئ ,وأسمك مرة معجبني . |
عشان تلقي السعادة اللي تبينها لازم من مجهود وصبر كبيررررر بما انه زوجك رافض التغيير فاتغيري انتي عندك وايد طرق بس الاهم لا تستسلمين وادعيله ربي يهديه و ربي يوفقك.....
|
كأنك أنا جالسة اكتب قبل 4سنوات
تماما لما كان لنا 3 سنوات بنفس السيناريو بالضبط وبكل التفاصيل حتى مقعد السيارة نفسه بحذافيره حصل لنا بس الزيادة ان بنتي بكت بالطريق ولف السيارة بسرعة وعطاني اياها بقووووة ممكن اسم زوجك لايكون متزوج علي:d شوفي ياعسل أول شيء كثري استغفار ثاني شيء ادعي وادعي وادعي ملك القلوب ييسرها لك ثالث شيء:d انتي حساسة جدا صدقيني ولابد تعرفين هالشيء عندك يعني عندك حس مرهف ورومانسية وتحبين الحياة الوردية بس هي كواقع غير موجودة انظري لحياتك بس منظور آخرـمنظور واقعي ربي وهبك زوج كريم جدا ويخاف الله فيك ويراعي بنتك مجرد انه ماقصر هذا دليل الحب لأن تعبير الرجل عن الحب يختلف تماما عن المرأة بالنسبة لدموعك تصرفه جدا طبيعي انت لو قريتي كتاب الرجال من المريخ والنساء من الزهرة كان الدافع لتأليفه الكتاب موقف مثل موقفك كانت زوجته تكبي فهو طلع عن البيت لأنه كرجل يحب يتصرف الاخر نفس التصرف لو مر بنفس الموقف لكنه تفاجأ أن زوجته تضايقت من ردة فعله فأنت لا تنتظرين منه الحنان لأن هذا ينتمي لنا اما المشاركة فطبعا مستحيل تكون بكل تفاصيل الحياة لأنكم شخصين مختلفين بس فيه اشياء مهمة مثل مواعيد النوم والاكل وجلسة القهوة او الشاهي وهذا مايصير الا بالتعود يعني لما يروح ينام لاتنتظرينه يناديك>>أتذكر واحد بالمنتدى زعلان انه يدخل ينام ولا تنام معه زوجته يعني ينتظرها تجي من نفسها فأنت لما يدخل ينام ادخلي معاه لحد مايتعود بما انك تحبين تشاركينه بادري ولاتنتظرينه يبادر تحبين تكون بينكم ملامسات بادري ولو بشكل غير معلن لاتحطين حواجز بينكم يمكن مثل مانتي تنتظرين هو ينتظر بس هو رجل وهالاشياء صعبة عنده غير عن عندك ولاتنتظرين ترحيب حار خصوصا بالبداية بس شوي شوي لحد مايتعود الله يسعدك ويوفقك يارب |
يجب أن نعرف هل هذا طبعه من اول من يوم , أو هذا تغير فجائي .. بعد فترة من الزواج ..
|
اصبري يااختي اصبري
ولا تيأسي خليكي عم تحاولي انتي تقربي له ماازحيه ربي يعينك ويوفقك |
اقتباس:
اهلا اختي الاميرة وزي ماقلتي ان هو طبعه كذا الله يجزاك كل خير اختي |
| الساعة الآن 09:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©