يسأل عن طليقك أوطليقتك ليتزوجها أو لتتزوجه...
 

الأفضل ما يتكلم الطليق او الطليقه بشيء

ويطلبون من السائل انه يسأل احد ثاني

أهلا أخي غايتي الرضا
طرا على بالي هالسؤال أمس
كنت أقول في نفسي .. ماذا لو اتصل بي شخص يسألني عن زوجي السابق !!!
بماذا سوف أجيب !!
بصراحه أفضل الصمت .. لأن لو ربي كاتب إنه بيتزوج هالشخص مهما ذكرت
من عيوب فلن تقف في وجه مشيئة الخالق هذا أولا ..
ثانيا لا يجوز الحديث في مساوئ أي شخص مهما كان ..
ثالثا ممكن يفهموك غلط ..
هذا بالاضافه إنه كلنا فينا عيوب وكل أحد له وجهة نظر، واللي ما يصلح معك ممكن يصلح مع غيرك
وفي الأخير ما يصح إلا الصحيح ..
شاكره لك طرحك وموضوعك الجميل
تحياتي،،،

غايتي الرضا النقطتين الاخيره اسمحلي اعارضك عليها ممكن انت و طليقتك ماانسجمتوا سوا تنسجم مع شخص ثاني وتتوفق معه وانت بعد -- من وجهه نظري لو احد يسالني راح اقول الموانع الشرعيه مثل مرضه النفسي اللي خدعوني اهله فيه وماابغى احد ينخدع مثل ماصارلي ويصير عندها علم بدون تشويه في السمعه والانتقام اما المشاكل اللي بيننا ماراح اذكرها ابد واتمنى له كل التوفيق -

(غايتي الرضا رجال مو حرمه )يادانيه

اوه آسفه أخوي غايتي الرضا سامحني ما دريت !!
خلاص سويت تحرير :d

شكرا مطلقه صغيره على التوضيح

ما أأدري إذا بيصير معي كذا أو لا بس لو حصل ما أظن أني بقول لهم أي شي عنه أبداً أبداً لا من قريب ولا من بعيد واذا انا تركته فما أتمنى أي أحد يسألني عنه وعن أي شيء من أخلاقه لأني مهما قلت بتكون شهادتي مجروحه وماراح ياخذونها الا إني مبالغه أو كاذبه في كلامي بحكم اني طليقته ، وأتمنى ما أكون في هذا الموقف .

أصلا اللي يسأل الطليق أو الطليقة ما يبحث عن الإنصاف .. المفروض يسأل اي شخص آخر ليس طرفاً في العلاقة الزوجية .. لأنه لا يضمن نزاهة الجواب ..
انا عن نفسي .. سوف اعتذر له واطلب منه ان يسأل شخصاً آخر ..