|
قصتي في البحث عن ارمله00لازم الفضفضة
السلام عليكم000 ومساءكم رد جميعا أنا أحد المتابعين لهذا المنتدى الرائع من فتره ومعجب برقي الطرح من الاعضاء الافاضل وحقيقة اعجبتني فكرة الفضفضة:dومشاركة اخواننا واخواتنا لهمومهم ولو انني لاأحبذا البكائية المتجاوزة لحدودها 000أسأل الله ان يفرج هم المهمومين من المسلمين أما بعد: فأنا رجل أبلغ من العمر39سنه ومتزوج ولي اطفال وعندي وظيفة مرموقه أصرف منها على بيتي وأعيش حياة أقرب الى المثالية يحسدني عليها الكثير وسولت لي نفسي بالزواج من ارمله بدافع ديني بحت ولم أجد وسيلة أسهل من النت ومواقع الزواج المنتشرة بكثره بعيدا عن احراج الاقارب والاهل فقلت في نفسي (جاءك يامهنا ماتمنا):dوتعرفت على وحده من منطقة ما وأبديت لها الكرم من أول محادثه واستمرت علاقتنا بالمسنجر زهاء ال3أشهر تقريبا وخلال هذه الفترة نشأ نوع من التعاطف وقد بدا لي الصدق من تعاملها معي ويشهد الله اني لم اقابلها أبد وكنت غاية في الكرم معها على أساس ان موضوعنا منتهي وماهي الا مسألة وقت 000ولما أراد الله ان يفضحها أرسلت لي ايميل مع نسخه لايميلات كذا شخص وظهرت عندي على الشاشة فما كان مني الا ان واجهتها بشكوكي ولكنها انكرت ثم مالبثت الا ان استخرجت الايميلات من نفس الموقع اللي تم التعارف فيه بعد دخولي اليه بمعرف انثوي فكانت بالنسبة لي صعقه :23: أثرت على نفسيتي كثير فهجرتها تماما والغيت كل رابط بيني وبينها000وأوكلت الأمر لله وكفى بالله هاديا ونصيرا 000لكن المؤسف انه صارت لدي عقده من هالموقف :30: هذي قصتي باختصار وأرجو أن لاأتهم بالسذاجه فتقديم نية الخير من صفات المؤمنين 000وصلى الله وسلم على نبينا محمد:21: |
مافهمت اخوي قصدك انك ترغب بالزواج لسبب ديني؟
|
هلاآآآآبك اختي الفاضلة انطلاقاً من قول الرسول صلى الله عليه وسلم ((الساعي على الارملة والمسكين كالمجاهد في سبيل الله)) وابتغاء الاجر من الله سبحانه وتعالى 000 اعتقد المسألة واضحه اختي000بارك الله فيك |
ليه يا أخي تصير لك عقدة ؟؟ أصابع يدينك ما هي سوى وبعدين انت ما بينت وش المشكله اللي لقيتها فيها ؟ انت قلت من موقع زواج ، أكيد كذا شخص في موقع الزواج راسلها على انه راغب بالزواج منها ، أنا مافهمت موضوعك لأنك لم توضح بصوره كامله .
|
انا ماني فاهمه ليش انتوا يالرجال تاخذون من القرآن والسنه مايروق لكم ومالا يروق تتجنبونه..
يعني لمايجي واحد يبي يعدد مثلا يقلك اتبع السنه لكن شوف بعد مايتزوج ينسى انه مذكورفي القرآن وجوب العدل وان لايميل لواحده من زوجاته...اغلب المعددين مجرد مايتزوج الثانيه ينسى زوجته الاولى لا ويقطع نفقتهابعد ويطالبها باالتنازل عن حقوقها الشرعيه..او يرمي الزوجه الثانيه بعد مده من الزواج ومايعترف فيها يمكن واحد في الميه من الرجال يكون عادل كل العدل بين زوجاته وباالنسبه لحديث الرسول صلى الله عليه وسلم(الساعي على الارمله والمسكين...الخ)الي بعض الرجال فاهمينه غلط وباالطريقه الي هم يبونها هذا الحديث معناه انك تتكفل بهذي الارمله هي وعيالها وتوفرجميع احتياجاتهم وتمشي لهم مصروف شهريا من غير ماتتزوجهاوالمسكين كذلك في هذي الحاله بتكون كالمجاهد في سبيل الله...وليس معنى الحديث تزوجوا الارمله باالذات..لان لو تزوجتها يسقط عنك حكم المجاهد في سبيل الله لانها اصبحت زوجتك وواجب عليك نفقتها..وهذا الكلام مومن عندي روحوا اسألوا مشايخ وانا جامعيه ودارسه الموضوع هذا لاني تخصص دراسات اسلاميه واتمنى من بعض الرجال مايفسروا احاديث السنه والقرآن لصالحهم بالمعنى الي يعجبهم ومن جهه ثانيه يتكلمون مع بنات العالم عن طريق المسن والجوال وخيانة رب العالمين وزوجاتهم بحجة الزواج والمفروض من الاساس ان لديك رغبه في الزواج ابحث عن الزوجه بطرق اخرى ومحترمه وصحيحه وليس عن طريق مواقع الزواج تقدرتبحث عنها عن طريق امام مسجد مثلا او تسأل احد اصدقاؤك...عشان تمشي اجراءت الزواج بطريقه صحيحه بعيد عن خيانة ربك وزوجتك واولادك...وتكلم اجنبيه عنك وانت عارف انه حرام..وتقول أتبع ماامربه رسولناصلى الله عليه وسلم...انت بعيد جدا عن المنطق.. |
دافعك للزواج منها ديني بحت! ! !
مادامك تطبق الاحاديث والأدله اللي من الدين ليش ما حسبت حساب انك مسوي علاقه محرمه عن طريق النت!!! صدق من قال تاخذون من الدين ما تشتهون فقط لا حول ولا قوة الا بالله الله يكون في عون زوجتك شكلك هالثلاث شهور اللي تكلم فيها صاحبة الماسنجر لاهي عن زوجتك عاطفيا وجسديا الله يأجرها في مصيبتها ويخلفها خير منها |
الله المستعان ولاحول ولاقوة الا بالله
الله يغفرلنا ويحفظنا والله يهديك ويهدينا الى سواء السبيل |
الله يجزاك خير على نيتك باعفاف ارملة ورعاية يتامى
لكن مالداعي انك تكلمه بالماسنجر و3 شهووووور وهي غريبه عنك ماكان المفروض تتقدم لها مبااااااااشرة ؟؟! |
ان كانت النيه هي العفاف واكتساب الاجر بالانفاق على ارمله وايتام فثق بالله وتوكل عليه .. ولاتنسى انما الاعمال بالنيات ... الحديث لا مبرر لهذه المرأه المتلاعبه ان تفعل ما فعلت ولكن لاتندم على شيء مضى وانتهى وافتح افاق جديده وتناسى كل ما مر بك سابقاً والله يعوضك بأحسن منها !! |
اقتباس:
أهلا وسهلا كلامك صحيح المفروض ماتصير عقده ولكنها بالنسبة لي تجربه مريره لن تتكرر بأمر الله:11: بالنسبة لقصتي كتبتها وانا مستعجل عين في الكيبوورد وعين في الباب وقد يكون فيها جوانب نقص:) لكني تأكدت عبر انكارها بادئ الامر انها ماراسلت غيري خلال الفترة والشئ الآخر ذكرت اني دخلت نفس موقع الزواج اللي تعارفنا فيه بادئ الامر وبمعرف انثوي ودخلت معهم في المسنجر واتضح لي ان اخلاقهم جدا تعبانه وكانت الرسالة المنسوخة ل9ايميلات بتاريخ حديث بعد 3اشهر 000عموما احنا في دنيا فيها الخير وفيها غير الخير 000شرفني مرورك000بارك الله فيك |
| الساعة الآن 07:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©