|
مشكلتي مع بنت خالتي
بسم الله الرحمن الرحيم
السلام عليكم ورحمة الله وبركاته احب اقولك بداية اني عمري 25 و موظفة ، بدخل فالموضوع ع طول انا من صغري أصادق بنت خالتي اللي عمرها 23 و من طفولتنا حنا نحب نلعب مع بعض و نسولف مع بعض بحكم أنه اعمارنا متقاربة باقي بنات العايله يا أكبر مننا بكثير أو أصغر بكثير ، احنا الثنتين بس اعمارنا قريبة على بعض ، المهم كبرنا وبدت علامات البلوغ تظهر علينا و دخلنا الثانوي كل واحدة ترسم شكل فارسها ، كيف راح يكون يا ترى ؟ حلمنا سوى ، المهم في فترة الثانوي تعرفنا على النت انا وهي ، و دخلنا عالم النت طبعا اول مرة نستخدم شات ، كلانا تعرف على شاب و انا تعرفت على واحد وظليت معه لمدة شهور على الماسنجر وكذلك بنت خالتي تعرفت ايضا ، ليما تحت ضغطه خلاني اكلمه بالتلفون مرة واحدة بس ولا عرفت اتكلم خخخخخ يمكن 4 كلمات خخخخ المهم انا بعد هالمكالمة انهرت ، وقلت كيف وصل بك الحال يا بنت ، تكلمي شاب ! وين الاخلاق وين التربية ،،، فحسيت انه النت ما يجيب الا البلاوي والمصايب تركت شيئ اسمه نت نهائي و قطعت علاقتي بالشاب و تألمت كثييييييير لكني جاهدت \حاربت نفسي ، نصحتني بنت خالتي ان ارجع له لكني رفضت ، كلمة في قلبي كنت ارددها الله بيعوضني ، طبعا بنت خالتي استمرت فيما هي عليه ولا اكتفت من واحد لواحد ، وشوي شوي من نت الى تلفون الى طلعات ، وما عادت هي بنت خالتي اللي اعرفها خلاص البنت باختصار صارت داشرة تكلم قدامنا كلنا ولا يهمها ، تميع صوتها تكلم بصوت منخفض بساااااااااعات على الجوال على اساس انها صديقة وطبعا كلهم شباب ، صارت لها مشاكل كثيرة مع العايله يشوفنها بالسيارة مع شاب يكلمونها يوعونها ، تنفضح حتى قدام الاطفال كلمن يعرف سوالفها، ما فيه تتوب يومين ثمن ترجع، انا كنت اشوفها من فوق قمة واحمد ربي اني قدرني اترك الشي من البدايه والا كان حالي مثلها ، كبرنا ومرت السنوات وهي على الحال ، في بالي بنت خالتي خلها تنبسط الحين مردها تعنس من يبيها أ|صلا على سواتها ،،،، انا لي الحلال ان شاء الله بنتظر الحلال! النهاية اللي فاجئني بنت خالتي ملكت قبل شهرين ، من ولد مصلي أخلاق ولد عايله وظيفة سنعة و امه تمدح في جمالها قايمة قاعدة، ،، انا ما قد احد دق باب بيتنا ،الا مرة واحدة فقط ، اختي الصغيرة شافتها حرمة واعجبت فيها ، خطبتها لولدها ، امي قالت لهم تعالوا شوفوا اختها اللي اكبر واللي هي انا ، وسويت شعري استشوار وحطيت ميكب خفيف ودخلت عليهم صدت عني الام صدددددددددددددددددددددة و تغيرت ملامحها حسيت تبي تمشي بسرعة :( خالته مشت بدون ما تسلم علي وانا لحقتها للباب وسلمت انا بس عرفت بملكة بنت خالتي تعبت نفسيا كثييييييييييير :( ما اعرف الشيطان قام يوسوس لي لما اشوف فرحتها الحين اتذكر ايام الماضي ومكلاماتها دلعها مواعيدها ، مغامرتها ، كذبها علشان تغطي اخطائها حسيت بالم ما يفوقه الم ما ودي احسد بس غصصصصصصصصب عنييييييييييي حاولت ايام الملكة والخطوبة اهدي من نفسي واقنع نفسي انه نصيب ما له علاقة بالصلاح والطلاح و اني باكر بتعوضضض لكني اشوف العمر فيني يجرررررررررري وانا ما عندي ايه مقومات ! الحين سؤالي انا خلاص اقلمت نفسي ، او احاول ااقلم نفسي مع وضعي واني احتمال كبير ما اتزوج واظل بنت ،ما دامي بعيدة عنها احس براحة ولا عاد افكر بالموضضوع اذا شفت بنت خالتي اتوتر و تخرب نفسيتي صرت اتجنب اروح اي اجتماع تكون موجودة فيها ما اكلمها علاقتي فيها هذه الايام مقطووووووعة نهائي احس كذا اريح لي احتاج وقت كثيييييييييير هل انا تصرفي صحيح؟ والا اضغط على نفسي واكلمها ونرجع صداقتنا ؟! اصلا مجرد ما اكلمها صوتي يرجف وملامحي تتغير وكلشي في قلبي يظهر علي وهي موب غبية وتفهم ! |
السلام عليكم ورحمة الله وبركاتة
اختى وحبيبتى من ترك شئ لله عوضة الله خير منة اضعاف مضاعفة فالله سيعوضك بتركك الشات وعدم تماديكى فية واعلمى ان الله ليس بظلام للعبيد وسيعوضك الله خيرا فقط اصبرى لاتحملى نفسك اكثر من وسعها فالزواج رزق من الله ( لو علمتم الغيب لخترتم الواقع ) حبيبتى ارضى بما كتبة الله لكى ولاتقنتى من روح الله ان الله على كل شئ قدير واعلمى ان الله خير لا يفعل الا الخير وما يدريكى لعل الله يخبئ لكى خيرا كثيرا ولكنة يريد ان يختبر صبرك ورضاكى بما كتبة عليكى وسيجزى الله الصابرين بغير حساب هدأى من روعك واصبرى وابدئى بالحديث مع ابنة خالتك ولا تحاولى الالتفات الى مكائد الشيطان والنفس فقط تذكرى صلة الرحم وان الله سيحاسبك عليها حدثى ابنة خالتك ولاتحاولى ابدأ اى شئ لانة ليس هناك اى شئ انتى فقط حساسة وتأخذين الاشياء بحساسية واجعلى فى نيتك ثواب صلة الرحم وستجدين كل شئ مختلف حبيبتى عليكى بالاستغفار (استغفروا ربكم انة كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا ) وعليكى بالدعاء والقنوت بين يدى الغفار وابكى بين يدى ربك وتضرعى اية فهو القادر على كل شئ وعليكى بالدعاء (ربى لاتزرنى فردا وانت خير الوارثين ) ( ربنا اتنا فى الدنيا حسنة وفى الاخرة حسنة وقنا عذاب النار ) يقول الفقهاء ان حسنة الدنيا هى الزوج الصالح او الزوجة الصالحة وحسنة الاخرة هى الجنة اختى اجعلى من ليلك وقت للتضرع لله عليكى بالثلث الاخير من الليل حيث يتنزل ربنا جعل وعلى ينادى هل من داعى استجيب لة فالله سبحانة وتعالى ينادى فى الثلث الاخير على من يريد ان يستجاب لة فكونى من اهل السحر واسالى ربك بما شئت ولا تستعجلى الاجابة فقط ابدئى وستجدى الخير كلة باذن الله اصبرى اصبرى اصبرى اصبرى اصبرى ( ان الله مع الصابرين ) وهذا يكفى ان يكون الله معك استغفرى الله ( استغفر الله الذى لاالة الا هو الحى القيوم واتوب اليه ) ( لا اله الا انت سبحانك انى كنت من الظالمين ) اللهم فرج كربك اللهم ارزقها بالزوج الصالح عاجلا غير اجلا واسترها واصلح لها فى دينها ودنياها واجعلها من الصابرين اللهم ااااامين احبك فى الله السلام عليكم ورحمة الله وبركاتة |
ياقلبي عليكي الحمدلله انك بطلتي من هالخرابيط
وترى الزواج قسمه ونصيب لاتقولي كدا ودايما استغفري وادعي بنيه الزواج والله يرزقك بالزوج الصالح اللي يسعدك ويهنيكي يااااارب |
الله يرزقك بالزوج الصالح وانتي قلتي بنفسك الشيطان بدا يوسوسلي
انتي توك صغيييييييييرة والعمر قدامك إن شاء الله وبنت خالتك الله يصلحها ويرده للحق وفهمت من كلامك انه المفروض انتي الي تتزوجين لانك مرضيه ربك وبنت خالتك المفروض ماتتزوج لانه عاصية ؟؟! على كذا حبيبتي كلن ياخذ جزاه بالدنيا ويعرف منه الصالح والطاااااااااالح !! الله سبحانه وتعالى قسم الارزاق بين عباده جميع وله حكمة في ذلك لاتدعين للشيطان فرصة يغنطك من رحمة الله والحساااااااااااااااااب ماهو بالدنيا !! الله يثبتك ويرزقك من وااااااااااسع فضله |
ياااالبى قلبك لا لاترجعين لبنت خالتك
تري بعدين بتعيش بوضع نفسي سيئ عشان ماضيها الاسود :(:( إنتبهي إنننننتبهي (فيما معناه قالوا يارسول الله مالشي الذي لاتدري به الناس قال: الذي لم يكن!) يمكن تنفضح لاقدر الله عند زوجها ! خليك شريفه عفيفه إلين يجيك نصيبك و25 توك ماشاءالله :) إسسستغفري كثيييير وبيرزقك ربي وداعتك ماتسلكين هالطريق وهي ماعليك منها إقري قرآن كثير وبتحسين إنك مقتنعه بحياتك وماتبين تقربين بنت خالتك ياحيي إنتي عسى ربي يعوضك ويكملك بعقلك عساك تنخطبين بأسرع وقت بالرجل الصالح لايضيق صدرك ماتدرين وش تاليتها لبنت لخالتك الله يهديها ويحفظك. |
عزيزتي فضيلة
قد يكون هذا اختبار من رب العباد لاتجعلي للشيطان مدخل يدخل لك منه انتبهي عزيزتي الشيطان في البداية قدرتي عليه وهذا هو جاك من باب ثاني . بنت خالتك هذا نصيبها هي ارتكبت اخطاء كثير بس ربي غفورا رحيم وماتدرين يمكن تابت لله توبه نصوحة صفي نيتك ودايم ادعي ان ربي يكتبلها الخير ويستر عليها ويرزقها اذا دعيتي لها بالخير يكون لك نصيب من الدعاء مثلها عزيزتي اتمنى من كل قلبي ربي يكتبلك الخير في امور حياتك كلها ويرزقك من حيث لاتحتسبين تحياتي |
يمكن ربي اراد سترها بالزوج الصالح
وانتي ربي أكيد بيعوضك يكفي انو ربي ابعدك عن هالطريق إلي كلو خراب ومايخلف الا امراض نفسية بعدين وعلى فكرة مو كل وحده متزوجة فرحانه ومبسوطة مع زوجها |
الله يبعتلك بالزوج الصالح وقد ما تقدري اتجنبي بنت خالتك لانها الشيطان نفسو
|
ان شاء الله ربي يعوضك
والزواج ياغاليه قسمة ونصيب اذا شوفتها تدايقك لاتضغطي على نفسك |
حبيبتي ماحبيت اطلع من دون ما أرد عليك
انتي صار عندك سوء ظن بالله بعد خطوبتها .. اختي لا تتمادي في التفكير كذا انتي كنتي تتمني انها تتوب وينصلح حالها يمكن هذي فرصتها تتزوج انسان صالح وتتغير احوالها لاحسن هل انتي تبين تقطعين رحمة الله عن عباده؟ ماتدرين في المستقبل وش راح تكون حياتها لكن اكيد الانسان مبتلى (فكري في الامراض وفي الرزق وفي الذريه يمكن تمنع منها) صدقيني لو مستقبلا يصير لها مصيبة انتي اول من راح تتأثر وراح تدعين لها بكل جوارحك ان الله يرفع عنها .. هذا من ناحية بنت خالتك.. اما من ناحيتك فأنتي كيان مستقل ومختلف عنها ليه تربطين تعاستك بسعادتها !!؟ سبحان الله تخيلي انها ماتقربلك وماتعرفين قصتها ابد ولاعندكم احد من العائلة بأخلاقها ووصل بك لعمر لـ 25 وماتزوجتي هل ستحملين نفسك كل هذا الحزن والاسى اللي في قلبك الحين ؟؟ لا طبعا لكن الظروف اللي حولك ..اللي انتي معطيتها اكبر من حجمها مخليه تفكيرك مشوش والشيطان استغل الفرصه علشان يخرب دينك اللي ما قدر عليه ايام زمان .. انتي الحين في اختبار أهم شي ثقي بالله وثقي بنفسك بقووووة (وتذكري لا تربطي سعادتك بالزواج فها أنا تزوجت في سن صغيرة جدا وبعد سنتين طلبت الطلاق لانه يستخدم الممنوعات بينما بنت عمي اكبر مني بأربع سنين ماتت من البكاء عندما علمت بخبر خطوبتي لانها لم تنخطب وانا اصغر منها وسأتزوج لكن سبحان الله ها أنا اطلب الطلاق.. بينما هي رزقها الله زوجا محترما وأصبحت الان أما) شوفي الارزاق كيف !!:17: اختي اعذريني اذاكان كلامي متداخل في بعضه لكن حان وقت الصلاه لذلك مستعجله واتمنى اشوف ردك على كلامي:22: |
| الساعة الآن 06:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©