|
ابغئ اهلي يحسون فيني شوي
مساء الورد وربي اكتب لكم ودمعي علئ خدي انا عمري 21 سنه ادرس سنه 3 بالجامعه صديقاتي لهم من يوم دخلنا الجامعه وهم يقولون نبغئ نتجمع بالملاهي والملاهي نسائيه طبعآ امي قالت لا ماتروحين لحالك ليييييييييييييييييييييييييييييييييييييه ما ادري احيانآ اقول خايفه علي وأحيانآ اقول ماتثق فيني والاخير احس انه صح مع اني والله العظيم ماعمري كلمت رجال ما اعرفه لدرجة ان سواق الباص ما اتكلم معه اخلي ابوي يتكلم معه واذا دق بالجامعه اخلي صديقاتي يردون عليه هذا طبعي ممكن علشان اني خوافه وخجوله قبل3 اسابيع المفروض اننا نطلع قال ابوي لا انا عندي داوم وبالفعل كان عنده داوم قال قولي الخميس اللي بعده وانا صدقته وقلت لصديقاتي خلاص الخميس اللي بعده ويوم جاء الخميس اللي بعده قال لا كذبت عليهم وقلت مشغولين عندنا عزيمه قالوا خلاص الخميس اللي بعده قلت طيب وقلت لامي وابوي قال ابوي لا عندي دوام قلت الاربعاء قال ماراح اعطيك فلوس قلت عندي فلوس قال لالالالالالالالالا وامي قالت مستحيل اخليك تروحين لحالك قلت خلاص تعالي معي وقلت لصديقاتي علشان يجيبون امهاتهم وتقعد امي معهم لاني ماراح ارتاح اروح العب وامي بالحالها طبعآ لما قلت لامي خلاص تعالي معي قالت ماله داعي تروحين مو لازم قولي ما اقدر بالله وش باقي ماقلت لي 3 سنوات وانا اتعذر مو معقوله والمشكله انهم كل مره يأجلونها علشاني وش اقوووووووووووووووووووول لهم وربي مالي وجهه وما اقدر اقول اهلي يقولون لا استحي لانهم اكيد بيقولون اهلها معقدين انا اللحين تناقشت مع امي وانتهئ النقاش باني بكيت وطلعت وجيت كتبت لكم قبل شوي يوم تناقشت مع امي قلت لها والله العظيم يوم الاربعاء ماراجع البيت لاعطي السواق فلوس وينزلني عند الجامعه قالت لو سويتيها ماعد راح تروحين الجامعه انا اقول هذا الكلام ابغئ اخوفهم ولأ انا ما اقدر اخطي خطوه برئ البيت لحالي وانا حالفه اذا ماودوني والله ما اكلمهم ولاراح اطلع معهم عند احد تكفوووووووون كيف اقنعهم |
طيب اختي ماعندك اخت او بنت خاله او شي اهلك يأمنو تروحي معهم؟
|
في كثير اهل نفس وضعك انا معلمة وعمرى 30 سنة وممنوعه نفس حالتك ويمكن اكثر كمان واذا خرجنا طبعا مع ماما لازم وتكون تعرفهم ودا نادر طبعا مااتذكر انى رحت بيت صديقه ليا الا مره واحده من زماااااان ايام الدراسه ولانهم مقربين وعادى الا يعزمنى اقولهم اهلى مايرضوا والا يبا يتكلم يتكلم انا عارفه انو من مصلحتى ومن الخوف عليا الزمن دا مافي امان وفي الاخر اهلى وعلى عينى وراسي
بصراحه من اسبوع نزلت مع مكدونالدز ندخل دورة المياه المهم وقت الظهر ودخلت واتفاجت من البنات وعمايلهم جالسين في دورة المياه الله يكرمكم يتمكيجوا وايش عطور والشعور بره وحاله مره مو طبيعيه كلهم بنات طالعين من الجامعه وخرجوا قدامى وركبوا تاكسي والله اعلم فين راحو الله يهديهم يارب وقتها قلت الحمدلله اهلى يمنعوا يمكن بنات يسحبونى او يخلونى اسوي شي مو تمام والصاحب ساحب ياما بنات ناس وعوايل ومحترمين اتخربوا مع صاحبتهم لاتفهمى من كلامى انو انا اشك في صاحبتك او اخوفك منهم بس رضى اهلك اهم من اي طلعه لاتزعلى ولا شي وقوليلهم بصريح العبارة مااقدر اهلى مايرضوا لا تلفي ولا تدورى ريحى نفسك زى هيا مره وخلاص |
عاشقة الغالي
عندي اختي المتزوجه بس مشغووووووووله وماعندي اقارب بالرياض و انا ماعندي مانع ان امي تجي معي لكن ابوي كذا عناد لا وبس ليه ماادري يطلع مليوم الف عله بنت مكه مااقدر اقول لهم الصراحه احس نظرتهم لي راح تتغير وربي عندي اختبار ولا ركزت بس قاعده افكر وش اقول لهم |
اقتباس:
مصلحتك فوق كل شي والله ماحد يفيدك في الدنيا قد اهلك وشهاداتك اسالى مجرب ولا تسالى طبيب والله يوفقك |
اقتباس:
كان من الأول قلتيلهم وحاولتي بعدها تقنعي أهلك وافقوا كان بها رفضوا لازم ترضخين للأمر الواقع وماتكبرين السالفه وتنكدين على نفسك أعرف كثير ناس كذا وهذا مو عدم ثقه فيك لأ؟؟ بس من خوفهم عليك لأن الزمن هذا صاار يخوف |
مااااشااااء الله اللي فهمت انك تبغي تطلعي مع صديقاتك
وين الناس |
اقتباس:
البنت عرضت على أمها تخرج معها بس أمها رافضه والله حسستيني كأنها أرتكبت جريمه !! |
اقتباس:
الله يصلحك |
اختي زعلانة عليك
والله يكون في عونك بس ايش حتسوي هدول اهلك ولازم تطيعيهم والله دكرتيني بامي كنت زمان كل ما قولها ابغى اروح لصديقتي او اروح لمكان مع صديقتي كانت تجاوبني وتقول لما تتزوجين وتكوني مسؤولة من زوجك ساعتها روحي لاي مكان تبغينه ........ |
| الساعة الآن 07:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©