|
اكمل بالجامعه ولا ارجع لـ آمي
السلام عليكم
انا طالبه مستوى اول بـ آحد جامعات المملكه المشكله اني قدمت على الجامعه وكنت متحمسه يقبلوني ولما انقبلت قعدت اصيح لاني ببعد عن اهلي وادرس عند اختي بمنطقه ثانيه بس في عندنا اقارب انا ببداية الامر خفت وبكيت اول اسبوع جامعه اصيح ابغى امي بالرغم اني متفوقه ومن العشر الاوائل على المنطقه بعدين الحمدلله مشت اموري ورجعت للاجازه لاهلي ولما جيت برجع للجامعه كان اختبارات الشهريه صرت اذا فتحت الكتاب ابكي وابكي وابكي واتخيل ان امي بيصير لها شي واتخيل اني برسب واقعد افكر كيف بستحمل هنا 4 سنوات بعدين رحت بيت خالتي ارتحت عندهم واختبرت وجبت درجات كويسه اخوي قال لو رحتي بيت خالتي راح احولك على الجامعه اللي عندنا انتي اصلا عنيده وفاشله وووو بعد ماقال كذا نفسيتي تعبت وصرت بس اصيح وانا اصبر نفسي اقول لا انا متفوقه وكل بداية شي صعبه امي قالت لو في امكانيه تعالي احس امي حست اني تعبانه مع اني ماقلت لها شي واحاول دايم ابين لها اني مبسوطه الجامعه اللي بمنطقتنا يدرسون تحضييري عشان يدخلون القسم اللي انا فيه بس الجامعه اللي ادرس فيها لا علطول دخلت القسم الحين انا خايفه احول واتخربط بالرغم ان الجامعه اللي درس فيها بيحصلون على الاعتماد الاكاديمي وفيها مسارات نادره وسهله وصديقاتي كويسات بس انا اول مااواجهه صعوبه خلاص اصيح واصيح يجيني شعور فرح فحاءه وعلطول يتحول لحزن بالليل اذا احد هاوشني شفتوا كيف البزران يصيحون يبون امهم كذا انا اذا شفت البنات بالجامعه اقول ياحظهم يرجعون يشوفون امهم <خبله الكل قال جامعتك احسن واقعدي كل اخواني واخواتي تغربوا ودرسوا ومرت السنين بسرعه بس مادري انا مو قادره اتاقلم او لاني بالبدايه انا حساسه من اي كلمه اصيح واقعد افكر اقول مو كافي اخوي مغترب بعد انا اروح عن امي يعني لو اخوي يقول خلاص اسكني ببيت خالتي راح ابدع بقسمي واحبه وتروح كل مشاكلي اخواتي يقولون طنشي اخوي وروحي عند خالتي انبسطي بس انا حتى لو رحت بظل خايفه وانا اقول ابغى امي وبنفس الوقت الفرصه تجي مره مابي اضيعها ولا اكمل بهالجامعه مرات اذا قريت عبارات تفاؤل ارتحت بس اول مااسمع احد يقول ليه جيتي هنا تقدرين تحولين خلاص تصككككر الدنيا بوجهي وهاتك ياصياححححح يعني مايجيني الشوق لامي والبيت الا اذا احد زعلني انا داخل نفسي اقول انا قادره بس خايفه خايفه من اول ماجابوا لي طاري التحويل وانا دموعي قضت انا مستخيره وارتحت قبل لااقدم بهالجامعه وواثقه في ربي بس مدري ايش اللي يحصل من جد شعور غريب لو يحصل واحول وانا اكون جايبه معدل عالي واختلفت الخطه من جامعه لجامعه كيف بتكون المعادله مرات يجيني شعور يقول ياشيخه وش تبين بالدراسه بس ارجعي لالا انا ششششششششششاطره <بتنهبل |
انتي اخر العنقود شكلك
اختي فرضا انك تزوجتي ورحتي مع زوجك بلد غير بلد اهلك ومافي احد لا خواتك ولا خالتك ايش تسوي تفكري بالطلاق مثلا؟ اختي كل شي بدايته صعبه لازم تتأقلمي لو حابة تكملي وشاطرة لي تضيعي سنه من عمرك تحضيري وانتي قادرة تستفيدي من هالسنه القرار بالنهاية راجعلك ربي يوفقك ويسعدك |
لا بس انا خايفه اني افشل او مااقر اكمل يعني تجيني وساويس
في تحت بنات صغار |
وعليكم السلام ورحمة الله وبركــــــاته ..
يااختنا الكريمة .. مجهولة بزماني .. ربما أنك عاطفية ,, وهذه أول مرة تغادرين منزل العائلة وتغتربي .. وتبعدي عن والدتك .. وهذا شعور يخالج كثير ممن يغتربون في بداية الأمر .. #أستمدي القوة ممن سبقك من أخوتك ,, #أعطي لنفسك ايحاءات ايجابية أنك ستتفوقين باذن الله .. وتعودي لوالدتك مرفوعة الرأس .. متخرجة بإمتيـــاز .. (كما تخرجتي من الثانوية ,, ماشاء الله تبارك الله ) وحالة التذبذب التي تعانين منها وقتيه بإذن الله .. وتعلمين أن من في مدينتك .. يتمنوا أن يكوني مثلك بدون تحضيري .. اما الوساوس ,, فتعوذي من الشيطان .. ولاتلقي لها بال .. #أشغلي وقتك وخالطي قرابتك وزميلاتك .. (لاتجلسي لوحدك وقت طويل) فكري لمابعد التخرج ,, وتخرجك بإذن الله سيكون قبل غيرك.. ستمر الأيام ويبقى هذا الموضوع ذكرى .. وهانحن على نهاية فصل دراسي .. فكري بعقك ودعي العاطفة .. وفقـــــك المولى .. آسف للأطــــالة .. |
يا حلوة
أنا الوحيدة من أخواتي تغربت طوال حياتي عن أمي و أهلي عشان دراستي و كنت مثلك في البداية و أول مرة تركتهم ، صياح و بكاء لحد ما قابلت وحدة من زميلاتي اللي تعرفت عليهم في الجامعة و قالت لي ، في سنة التخرج راح تتمني إنك تجلسي أكثر دام إنك استختري و الحمد لله أمورك مشيت تمام ، فلا تتراجعي و أمك راح تكون مبسوطة بنجاحك و بشهادتك العالية :) |
الله يوفقك ويكتب لك الخير وين ماتروحي
وربي انتي بنت حلال وربي إن شاء الله بيسهل لك طريقك نصيحي لك لاتتركي جامعتك وتخصصك علشان ترضي فلان وعلان امك الله يحفظها لك مابتفرح برجعتك قد ماراح تفرح اذا تخرجتي من جامعتك وجبتيلها شهادة حلوة :22: تحملي واضغطي على نفسك امك كل يوم كلميها ولو امكن كل شهر روحيلها وقضي ربوع وخميس وجمعة عندها وعند الاجازات لكن لاتتنازلي بسهولة عن مستقبلك :( انتي انسانه حساسة وشعورك طبيعي جدا لكي 18 سنة عند اهلك وفجأة تبعد عنهم اكيد بتصيحي اقتباس:
|
أول شيء شاكره لكم وقفتكم
معي وحفظت الردود عندي وباذن الله أكون قدها يأرب تمر السنين بسرعه بس أنا خايفه من الاختبارات والمعدل يأرب ييسر أمري والشئ الثاني ترى زوج خالتي يكون محرم لي لأنه عمي ومافي أحد إلا هو وخالتي بس وهم كبار بالسن بس أخوي حقير حقير »تصارخ |
| الساعة الآن 05:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©