ستارتين مختلفتين في غرفة واحدة
 

السلام عليكم جميعا
إخواني وأخواتي الأفاضل
بدي رأيكم بهالموضوع
عنا في البيت غرفة نوم للضيوف فيها سرير مزدوج وكبير
وفيها أيضا شباكين ( نافذتين )
الشباك الأول محطوط عليه السرير يعني مو باين من الشباك إلا ربعه الفوقاني والباقي مغطى بالسرير
أما الشباك التاني عادي
فأجتني فكرة ما بعرف اذا بتطلع حلوة ولا لأ مشان هيك بدي رأيكن ؟؟!!!
شو رأيكن اذا عملت الستائر في الغرفة كل وحده شكل
يعني إلي محطوط عليها السرير يكون شكل الستارة متل نص دائرة من فوق وبعدين أطراف الستارة نازلين على جوانب السريرhttp://images.aarabladies.com/media/images/face478O.jpg
متل هالشكل مثلا
والستارة التانية
عادية
http://www.karbell.com.sg/images/curtain15.jpg
متل هالشكل مثلا
مع العلم انو الستارة الاولى بيكون قماشها من فوق شيفون والجوانب النازلة ساتان
والتانية بتكون الستارة كلها شيفون والمركزيه إلي تحتها ساتان
ما بعرف اذا وضحت الفكرة
بدي ارائكم ومقترحاتكم على السريع لو سمحتو
وشكرا كتييييييييييييييير سلفا

إذا كان نفس اللون مو مشكله

اذا الغرفة كبيره وكل شباك بجهة

وبتحطين جلسه عند الستاره البعيده عن السرير

ممكن يطلع حلو

طبعا الستارتين نفس اللون بس يمكن أنا ما وضحت هالشي لأني انشغلت بفكرة الموديل ونسيت أوضح الألوان فشكرا على التنبيه
والغرفة صراحة مو كبيرة عادية 5أمتار في 6 أمتار
وعند الستارة التانية البعيدة عن السرير في كرسيين جلد وبينن طاولة يمكن اخليهن ويمكن اشيلن على حسب
شكرا كتير على ردك السريع
يعطيكي العافية

يعطيكي العافية أختي بنت مكة
عن جد احترت
أنا كمان نفسي يكون شكل الستائر واحد
الستارة التانية إلي اخترتا هي الاساسية يعني هي موديلا كتير عجبني لأنو حلو وبنفس الوقت سهل غسله وتنظيفه وإذا خليت الستارة الاولى بنفس شكل التانية ما رح يبين الموديل لأنو السرير رح يغطيه
مشان هيك فكرت بفكرة الستارتين المختلفتين
على العموم رح انتظر بقية الاراء ورح أعمل برأي الأغلبية
شكر كتير على نصيحتك مشرفتنا الغالية

أختي الغالية الاوزون
شكرا كتير على التشجيع
اليوم إن شاء الله رح أروح على محل الستائر واتفق مع المحل على التفصيل والتركيب
وبس تجهز الستائر وعلقها رح أصورها وأفرجيكم النتائج بإذن الله
إن شاء الله تطلع حلوة
على فكرة أنا أختها لأمة البديع ورح حاول أغير معرفي لأنو عم تصير لخبطا بيناتنا
على العموم شكر كتير على رأيك
أختك أمة التواب