|
ما سر الزعل المفاجئ والحمل المفاجئ
السلام عليكم
أنا أول مره اشارك في منتدى عموما انا عندي مشكله ان شاء الله بسيطه اتمنى تردون علي لانها مضايقتني انا متزوج من ثلاث سنوات وزوجتي زعلت علي فجأه لكن مع الزعل فجأة كلمتني من بيت اهلها تقول انا حامل وش سر الزعل المفاجيء والحمل المفاجيء مع اننا نحاول من سنه انها تحمل بدا الشك يداخلني مع اني اثق في زوجتي بس ابي ارتاح تكفون ريحوني ابي رايكم |
كيف يعني زعلت فجأة ؟ شنو دليلها في الزعل ؟ كانك تطرح حزوره
|
زعلت لاني مقصر في الصلاة والدوام واهتمامي بنفسي
على كلامها اوكي تزعل ودايم تزعل بس ليش المره هذي راحت لاهلها |
بحكم إني امرأه وافهم التفكير الساذج حق بنات جنسي فراح اقول لك إن في احتماليين لتبرير تصرفها الاحتمال الأول هو إن زوجتك زعلانه بالفعل منك بسبب تصرف بسيط أنت غلطت فيه أو بسبب كلمة أنت قلتها في غير محلها وهي حرمه حساسه بزيادة فهي زعلت وراحت بيت أهلها وعلى بالها إنك بتفهم لوحدك سبب زعلها أو إنك بتظل تتحايل عليها وتستعطفها بالجوال عشان تقول لك لكن ردة فعلك البارده خيبت أملها ثم اكتشفت بعدها بالمصادفه موضوع الحمل فقالت لك عليه والاحتمال الثاني هو إنها عرفت إنها حامل من قبل الزعل وبغت أنه تستغل الموقف عشان يصير معها موقف رومانسي مثل اللي في المسلسلات فقامت تسوي تمثيلية الزعل وراحت بيت اهلها عشان لما تقول لك من هناك إنها حامل تطير إنت من الفرحه وتجيها ركض وانت محمل بالهدايا والعطايا وتقول لها شبيكي لبيكي وتقعد تتحايل فيها وتراضيها عشان ترد معاك تماما مثل ماهو الحال مع الحوامل اللي في المسلسلات لكن السحر انقلب على الساحر :d وقمت أنت تشك فيها بسبب تغير مزاجها وبسبب الاخبار المفاجئه |
مشكوره اختي عفراء
طيب وش اسوي الحين |
اقتباس:
هذا كله وماتبغاها تزعل ؟؟؟؟!!!!!!!!!!!!!! اما بالنسبة لروحتها بيت اهلها فهي الظاهر تعبت من الكلام معاك فحبت تضغط عليك نفسيا أكثر بروحتها لبيت اهلها ويمكن بسبب تغيير الهرمونات عندها من وراء الحمل فكرت إنها ماعاد تقدر تتحمل وضعك اكثر من كذا فراحت بيت اهلها |
اقتباس:
تروح تصالحها طبعا وتردها للبيت وتقطع على نفسك وعد لها إنك تهتم بصلاتك ودوامك وبنفسك لأن وضعك تغير الحين أنت على وشك تصير أب ووراك مسؤولية بيت وتربية ابناء وتلتزم بوعدك هذا طبعا مو تقول لها كلام أنت مو قده |
طيب معليش لا تفهميني خطأ
وشلون صارت حامل واهي عند اهلها ابي اعرف كيف |
اقتباس:
:eek::eek::eek: أنت شكلك راح تجيب لي جلطه وش هذا السؤال أخوي ؟ أنت من صدقك تشك فيها وفي عفتها ؟ أخوي الحمل مايظهر غير بعد اربعين يوم على أقل تقدير من يوم الأخصاب وكثير حريم مايعرفوا إنهم حوامل إلا بعد شهرين أو ثلاثه هي كم صار لها زعلانه في بيت أهلها ؟ وهل مشكلة الإنجاب كانت منك أو منها ؟ |
كفيتي و وفيتي يا عفراء
|
| الساعة الآن 11:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©