|
فرحه ما تمت
مسآكم جوري و رضى ..
اسعدني تفاعلكم الطيب و العطر باول تواجدي و هدأ خاطري كثير الله يسعدكم بدخل بفضفضتي على طول انا عروس مطلقه و هالكلمه باختصار توصف صدمتي عمري 23 سنه على مستوى كافي من دين و جمال الحمدلله لم يمر على زواجي شهرين الا و اهل زوجي بدأت الغيره تشتعل من حب زوجي لي ومن جمالي والخ وبدت المؤامرات من امه وخواته والشكاوي اللي من وراي عند زوجي الين ما خلوه يصدقهم وضغطت عليه امه عشان ننفصل طبعا ماعطاني فرصه اجلس معه وافهمه وانا من الصدمه كنت ابكي وحتى يقول دافعي عن نفسك انا احبك صارحيني ليش بس تبكين قولي لي انتي ليش وليش تسوي لهم كذا! وانا وربي اخاف اساسا منهم ولسى ما تعودت على زوجي لسى استحي اطالعه فكيف فجأه انظلم وهو يصدق ! والان وبعد الظلم والفراق يجوني ويرسلون لي ناس يقولو عريسك يبكي ليل مع نهار يبغاك وحنا ظلمناك !!! ماتتصورو كيف انا مكسوره وفرحتي ماتمت بس اطالع اغراض زفافي وابكي وبصراحه احبه موت ومخبيه ملابس له عندي و سبحته و صورته ما انام الا حاضنتها تعبانه يا حبايب وربي |
اقتباس:
أفرضي أساسيات حق رجعتج له.. أول شي: إن اهله مالهم دخل فيج غير سلام وعليكم السلام .. من باب ابعد عن الشر وغنيله ثاني شي: لازم يثق فيج بحيث ما يصدق أي كلام ينقال عنج.. وهذي أهم الأشياء اللي لازم تصير عشان تردين له.. وإن شاء الله يارب ترجعون حق بعض.. عسى ربي مايفرقكم أبد.. إذا كان الشي فيه صلاح لج |
وش رأي أهلك برجعتك له ؟؟
اقعدي معاه وتفاهموا قبل الرجوع .. مافي أحد ما يغلط ... سامحي وابدئي صفحة جديدة بعد ما توضحي ضرورة انه يثق فيك وما يستعجل بالطلاق مرة ثانية مهما كانت الاسباب .... المشاكل بين الزوجين تنحل داخل غرفتهم بدون ما أحد يتدخل .. يسمع منها وتسمع منه ويتفقوا واذا طلعت مشاكلهم لأهلها أو أهله يقول على زواجهم السلام ... |
اعترافهم بالخطأ في صالحك اكسبي الموقف لصالحك وارجعي قوية بشروطك حتى لايتكرر ماحدث
عودي الى حبيبك وزوجك وسامحيه وعاهديه على عدم تكرار ماحدث يسر الله امرك واعاد فرحتك |
يااختى المفترض لمن قالك الكلام دافعتى عن حالك وبررتى لكن عموما مازلت الكرة بملعبك ليش تتعذبين وهو يتعذب هو طبيعى يصدق اهله لانك انسانه غريبه ولسى داخله والله اعلم ايش قالو وجاك بلطف وقالك احبك بس ابى اسمع تبريرك فالبكا والسكوت كنك مذنبه وهم يزنون فضعف هو طالما طلقه وحدة ارجعى له بس املى شروط قبل كما قالو الاخوات واحترميهم وقدريهم لكن برسميه ولاتكونى ضعيفه والله يفرج لنا ولك
|
اقتباس:
|
ااااااااااااااااارجعب وفورااااااااااااااااااااا
لحبيبك وزوجك وهذا درس تعلمه ان لا يصدق احد بشريناااااااااااا قريبا بالاخبار الحلوه |
ياقلبي عليك ,
لاتزعلين حبيبتي خلاص انتي استخيري وشوفي اللي ترتاحين له طبعا بعد مشاوره اهلك وقرري والله يوفقك واذا هو يحبك جد مااراح يصدق اي كلام ينقال عنك بعد اللي صار , موووفقه |
حتى لو رجعتي شهر شهرين وراح ترجع حليمه لعادتها القديمه اهله ماراح يتغيرون وراح يدورون اي مدخل عشان يتدخلون بينكم -انا ماانصحك بالرجعه وفي النهايه القرار لك واسال مجرب ولاتسال طبيب-
|
مرحبا
استخيري ربك وعطيه فرصه ثانيه وشوفي !! منتي خسرانه شي يمكن يكون فعلا ندمان واهله ندمانين علي ظلمهم لك وربي هداهم .. بس نصيحه انتبهي تحملين على الأقل أول سته شهور لين تستقر حياتك معاه الله يكتب لك اللي فيه الخير إن شاء الله،،، |
| الساعة الآن 05:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©