|
عاجل زوجي كسر عطري
وش اسووووووووووووووي بزوجي والله قهرني مساء الخيرات سجلت بالموقع يوم شفت مشاكلكم بعد توفيق الله تنحل وتيسر قلت يا رب يسر أولاً أحب أعطيكم فكرة عن زوجي هو عصبي قبل ثلاثة أيام كنت نازلة من السيارة وكانت ماسكة بيدي عمل كبير قاعدة أصلحة لاخته لمناسبة مقامه في مدرسة اخته نزلت ونسيت شنطتي بالسيارة وأولادي قاعدين ينزلون إلا ويشوف الشنطة ويرمها عند باب الشارع شافها واحد من أولادي وجابها لي وهو متعجب من شغل أبوه اعطانيه وهو يقول ماما بابا رمى شنطتك في الشارع نزلت اللي بيدي وفتحتت الشنطة إلا ولاقي علبة العطر منكسر وكنت توني مشتريته يعني مليان ولقيت الأي فون متبلل ألا وأنا اعصب وبصراحة بكيت من القهر وصار لي 3 أيام وانا ماكلمه وزعلانة مع اني قلت له حرام عليك اللي تسويه فيني ولا يصلح تسوي هالحركات قدام أولادك ولالالالالاتكلم ولارد علي و قبل اسبوع تقريبا اولادي قاعدين يلعبون في العاب بالابتوب بتاع اختهم وصار بينهم خلاف ورتفعت اصواتهم سمعهم ودخل عليم بغرفتهم وركل الشاشة برجلة لحد ما تسكر الابتوب بقوة وخربت شاشته قلت له اللي خربته صلحه ورفض قال مانيب فاضي لك ارسلته مع اخوي صلحه بـ 350 ريال مع اني والله مازعلت بلمرة الأولى لكن الأخيرة عجزت اتحمل وقررت ما اكلمة مع انه ماينفع معاه الزعل لانه يضل مهمشني وعادي عنده لو أجلس شهر ماكلمة الأمر عنده عااااااااااااااااااااادي وش الحل برايكم |
الأخت الفاضله
يبدو لي أن كل ما ذكرتيه وسردتيه عن زوجك ليست هي المشاكل بحد ذاتها ولكنها نتيجة لمشاكل أخرى وخلافات بينكما . أظنك تتعاملي مع زوجك معاملة الند للند هل من الممكن أن تحدثينا أكثر عن حياتكما , وهل هناك مشاكل تعتقدي أنها هي السبب فيما وصلتم إليه ؟ ولماذا زوجك يعاملك بهذه الطريقه ؟ |
الله يصلح حالك ويفرج همك..
لا تكلميه .. عادي.. لأنه لزم يعرف أن سلوكه خاطي.. وفي نفس الوقت أهتمي فيه وطلباته واحتياجاته.. وأهتمي بلبسك وكشختك.. عشان يصالحك.. وساعتها تكلمينه بهدوء وتقلينله أن هذي السلوكيات مي من طبعك .. ارجع مثل أول .. حتى لو كانت قديمه .. الرجال مايحب إلي تقله أنت دايم كذا .. انسي وافتحي صفحه جديده.. بس ماراح تنفتح إلا لما يفهم أنك موعاجبك هذا السلوك الي قاعد يسويه.. بعدين هو ما رمي الشنطه كذا.. أكيد في سبب.. ومهما كان هالسبب لازم يعاملك بحترام قدام اولادك.. عشان أنت أمهم .. كيف يحترموك .. وكيف يسمعون كلامك.. وهو يشوفون أبوهم كذا يسوي.. حي مشاكلك بحذر وهدوء من غير صراخ.. |
برأيي لما يكون رايق كلمي بهدوء و قولي له:
" حبيبي أريد ان أطلب منك طلب ، أريدك ان تخفف من ردود أفعالك عند الغضب خاصة أمام الاطفال ، لأنك لو ركلت الشاشة الآن و كسرتها ابنك و بنتك سيفعلون هذا الشيء ، يجب ان نكون قدوة لأطفالنا لأنهم سيقلدونا لما يكبروا ، و الله يستر من ايام المراهقة ، الآن هم أطفال و بريئين لكن بعد عمر الـ 13 السيطرة عليهم صعبة جدا !! و ذكريه بأحاديث الرسول صلى الله عليه و سلم عن أبي هريرة رضي الله عنه أن رجلاً قال للنبي صلى الله عليه وسلم: أوصني ، فقال له عليه الصلاة والسلام مراراً: "لا تغضب" رواه البخاري. و قال : "علِّموا ويسروا ولا تعسروا، وإذا غضبت فاسكت، وإذا غضبتَ فاسْكُت، وإذا غضبت فاسكت" رواه الإمام أحمد. و قال : ""إذا غضب أحدكم وهو قائم فليجلس، فإن ذهب عنه الغضب وإلاّ فليضطجع" رواه أبو داود " ارسلي له هذه الاحاديث بايميل أي كلام لعلماء و شيوخ افاضل في هذا الموضوع مفيد لا تترددي بالموعظة الحسنة و لكن تجنبي الكلام وقت الغضب دائما تعاملي معه بهدوء |
سؤال..
هو عصبيته في البيت وخارج لبيت؟؟ ولا عصبيته عندكم فقط؟؟ لو كان مايقدر يظبط عصبيته بالبيت وخارج البيت.. راح اقول لك: تحملي وهذا اللي ربي كاتبه لك.. وحاولي تمتصين غضبه.. واصبري عليه..وانتي زوجته.. ولازم انتي تتحملينه .. وهو جنتك ونارك.. لكن لو كان عصبيته في البيت فقط هذا لنا كلام ثاني..:25: |
الله يعطيكم العافية على تفاعلكم وتوجيهاتكم شكرا لاختي ماريا 13وشكرا لخوي حلم الامان *اما عن رد اخوي ابو حكيم فوالله ماعندي اي مشكلة بيني وبينه وقت مارمى الشنطة حتى يوم يكسر شاشة الابتوب لكن هو طبعه كذا اذا عصب يرمي اي شي ولا يعتذر ابداً ومثل هذي المشكلة أنا عارفه نجلس على هالحال يعني ماحد يكلم الثاني وبعدها أنا اناقشة بالمشكلة وبعدين يقول مادريت ما دري ايش وتنتهى السالفة ولما اقوله ليش ما اعتذرت يقولي مادري ماهو لازم مابيننا رسميات من هالقبيل |
الطبع غلاب .. بس لازم يسيطر على نفسه عند الغضب
اليوم رمى شنطة بكره كسر شاشة بعد بكره انت وعيالك في الشارع لازم وقفة حازمة حتى يعرف ان الخطأ لا يعالج بمثله ولو عنده شيء يريد قوله وقت غضبه فليقله ولا تكون افعاله هي التي تسبقه يا اختي .. لازم يدرك بأنه أخطا ولازم يعد بعدم تكرار سلوكه خاصة امام ابنائه لأنهم يأخذون منه .. اليوم أباهم وغداً هم لازم لازم لازم |
اكرر شكري على تفاعلكم اما بالنسبة لقولتك يااحلاهم العصبية تظهر بشدة عندي وعند اهله اما بالنسبة لاهلي فهو الرجل المثالي ولا يصدقون انه بكل هالعصبية وانا بصراحة ماحب يطلعون اهلي على كل امر من عصبيته وغيره بالعكس دايما امدح فيه |
طييييييييب وش اسوي عطوني حل والله اني محتارة يعني سكوتي وزعلي اعرف مارح يعطي نتيجة |
ام زوزي..
الموضوع عادي جدا .. انصحك بالهدوء ومناقشته بأحترام .. وعليك بالنصيحه والابتسامه الطيبة .. واصبري .. |
| الساعة الآن 04:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©