|
تم عقد الزواج وغير مرتاح .. نصائحكم (مستجدات بالرد 43 )
السلام عليكم ومساكم الله بالخير جميع ابدخل للموضوع مباشرة انا شاب كنت ابحث من فترة على زوجة مناسبة لي وبعد البحث دلوني اهلي على بنت اهلها طيبين والبنت طيبه ووو المهم روحنا نخطب وشوفت البنت طبعا البنت جميلة ولكن ليست بالجمال اللي كنت احلم فيه وكذلك ليست بيضاء بالمرة وايضا ليست طموحي طبعا اهلي حاولوا فيني وانا بنفس الوقت محتار البنت طيبه و بعض المواصفات اللي كنت ابيها لقيتها فيها مثل السن والطول وطيبة اهلها المهم في اثناء الشوفة لم اشعر باي شعور تجاه البنت لا شعور يحمسني ولا شعور يبعدني يعني الموضوع عادي و استخرت عشرات المرات ولكن نفس الشعور عادي لا فرح ولا كره . في النهاية توكلت على الله وعقدت القران عليها ولكن في الملكة انصدمت بلونها احسها مو بيضاء وجمالها حلو ولكن مو زي توقعاتي وكأني توي اشوفها . طبعا الحين احنا مملكين ولكن الشيطان يلعب في عقلي وما ارتحت واحس اني ظلمت نفسي وارتبطت في بنت لا تناسبني واحياننا اقول هذا وسواس الشيطان وانا محتااار وربي ما ارتحت وحقيقة لم اشعر بذاك الحب تجاه هذي البنت بالعكس علاقتنا عادي جدا وكأننا مو زوجين طبعا البنت اصغر مني ب 8 سنوات تقريبا وبيننا مكالمات ورسائل وتستحي احيانا واحياننا لا ولم اعرف افسر هذا الشعور اللي ماخلاني ارتاح ولا اقدر انام من التفكير خايف اني تورطت او يمكن حالة طبيعية في هذي الفترة مع العلم ان زواجنا بعد شهرين واحنا الان خلصنا شهر من تاريخ الملكة ارجووووكم ساعدوني فأنا في امس الحاجه لنصائحكم والله يرعاكم |
[QUOTEاثناء الشوفة لم اشعر باي شعور تجاه البنت لا شعور يحمسني ولا شعور يبعدني يعني الموضوع عادي ][/QUOTE]
دي الجمله توضح انو كانت فيه شوفة شرعيه اقتباس:
واتاكد مدام استخرت الله كثير وربنا يسير وسهل ان شاء الله البنت فيها الخير الله يسعدكم والف مبروك قول اعوذ بالله من الشيطان الرجيم |
طيب أنت ماشفتها يوم الملكه !!
وبصراحه حرام تظلم البنت معاك أذا مو مقتنع من الآن أفضل من بعدين الله يعين البنت رحمتها والله بعدين نصيحه لاتدور الكمال لأنه مستحيل تلقاه كل واحد فيه عيوب فنقص بالشكل أفضل من نقص بالعقل أو الخلق!! بعدين العيوب اللي ذكرتها أشوفها بسيطه واحس ملكتكم توها مالها فتره طيب ماتقدر تأجل الزواج شويه حتى تتأكد أكثر من مشاعرك !؟؟ وودي أسألك سؤال كم نسبة اقتناعك فيها ؟؟ |
يمكن بتقارنهاا مع وحدة ثانية ؟
|
اقتباس:
كيف انصدمت يوم الملكة بلونها وشكلها وانت شفتها (( الجمال مو كل شي )) تانى شي لو مو مقتنع 100 % ليش كملت واتاكد مدام استخرت الله كثير وربنا يسير وسهل ان شاء الله البنت فيها الخير الله يسعدكم والف مبروك قول اعوذ بالله من الشيطان الرجيم[/QUOTE] مشكووورة اختي على الرد وبالنسبة للشوفة وفي الملكة فكان اللبس يختلف لان في الملكة لبس يختلف بما انها صارت زوجتي اكيد بيكون اللبس يضهر جسمها اكثر |
عفوااااا صراحه !!! بنات الناس يا اخي مش لعبه .. ما عجبتك بالشوفه ليييه لييييييه تاخذها ؟؟؟
هي مالها مشاعر ؟؟ مش هي هتحمل لقب مطلقه ؟؟ وتقل فرصها بالزواج ؟؟؟ ما عجبتك تعجب غيرك اما والله تنتظر لين تملك عشان تقول بعدين لا خلاص مش عاجبتني والبنت بالله !! تخيل اختك بهل الموقف ولا بنتك الي ما ترضونه على اهلكم لا ترضونه كمان على بنات الناس ! |
اخي غريب00
شعورك قد يكون طبيعي 00 الحب لا يأتي بهذه السرعه00 وخاصة أن نحن لا نختار00 بل نتخير من الموجود00 الراحه ضروريه جدا00 تبغى بياض00 اخاف تكون عقده لك في المستقبل وتظلم البنيه معاك00 الله يكتب لك مافيه الخير |
نسبة اقتناعي فيها 65% المشكلة مو بس في صفاتها المشكلة في الشعور اللي قاعد احسة تجاهها وكأنها مو زوجتي شعووور عااادي جدا |
يعني في احد ببالك كنت تتوقع يكون شكلها مثله؟
|
اقتباس:
تشتاق لها00 وش شعورك عند زيارتها ؟ |
| الساعة الآن 05:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©