|
زوجي زعلان من إسلوبي
السلام عليكم
اول مره ادخل واشكي لاحد ماعرفه بس بصراحه قهرني زوجي اليوم وهو يأذن المغرب قاعديقراء اذكاره وكنت انا جالسة على النت وقال لي قريتي اذكارك وقت ايه تو وانا بالمطبخ قال وشلون قريتيهم قلت وانا اشتغل اقراء قال يلا اقري علي الفاتحه بشوف وشلون تقرين قلت له انزلع بس مر يعصب ويطلع وهو زعلان واقوله وش فيك يقول حسني الفاظك معي وهو عادي يجرح وانا اسكت يقولي كلام وقسم يصير بخاطري عمري زعلت او حسسته اني مضايقه..تخيلو لي شهرين وانا ابي السوق وكل يوم يقوم الاربعاء والخميس اوديك واذا جاء الاربعاء يطلع ويا اخوياه او ينام يقول مصدع متعب من الدوام والخميس بعد نفس الحاله وربي ساكته وصابره اقول يمكن مادته ماتسمح او شي بس اشوفه مايقصر على نفسه بشي |
أختي ,, مالذي دفعك ,, لقول ,, مثل هذه الكلمة ,, كما أنّكِ ,, لن تخسري شيئا ,, لو اعتذرتي منه ,, بكلمة آسفة ..
الإحترام ,, بين الزوجين ,, مطلوب ,, الله يصلحك ,, ويهديك .. |
حبيبتي مهما يكوون ومهما وصلت إن زوجج ضايقج أو شي ما يصير تقولين له هالكلمة الرجال حساسين وبطبعهم ما يحبون الزوجة ترمي عليهم أي كلمة يعني انتي يمكن ما قصدتيها أو بالأحرى انتي من كثر ما هو يقولج حجي وانتي تكتمين بقلبج وما تتحجين هالمرة ما تحملتي فقلتي هالكلمة اللي حزت بخاطره وزعلته منج حبووبة ألحين لما هو يرجع اعتذري منه وبيني له إنج ما كنتي تقصدين وإن هالكلمة طلعت منج بدوون قصد وما تعنين فيها شي أبدااا وبالنسبة للمرات اللي يقولج فيها كلام جارح يزعلج انتي اتخذي موقف يعني وضحي له إن هالكلام يزعلج شوفي انتي بسكوتج تبيني له إن عاادي فهو على باله إنج ما زعلتي أو تضايقتي انتي قولي له بهدووء حبيبي هالكلمة تزعلني تضايقني شووي ممكن ما تقولها لي بعد ! وموضووع السووق اتفقي من أول الأسبوع وقولي له من الحين رتب أموورك يعني مثلا الأربعا خلاص الأربعا شووف أمورك ورتبها لأن ما يصير كل مرة توعدني وتخلف و لما بعد تتفقين معااااه وهم يخلف الوعد وما يوديج أيضا اتخذي مووقف منه خلج حازمة معاه شووي بس باحترام حسسيه إن مثل هالأمور لازم يسويها ما أعتقد أخوياه راح يطيرون ما راح لهم اليوم يروح لهم مرة ثانية والنووم أوكي ينام ساعة يريح وبعدها تطلعووون ربي يصلحه ويهديه وربي يسعدج ودي |
مشكلتي طيبه بزياده اي شي يقوله سم امر وربي تعبت منه
ماعرف اجادل ماعرف ارد له طلب لو رديته ارجع واسوي اللي يبي مشكوره ياقلبي على النصايح وان شاء بسوي اللي قلتي عليه لعل ربي يصلح الامور |
معليش حبوووبة أحيي فيج طاعتج لزوجج وقيامج بطلباته بس الحزم مطلوووب يالغالية انتي فكري فيها هو ليش يسوي جذي لأن ما يشوف منج أي ردة فعل تجاه تصرفاته أو كلامه انتي من داخلج تحترقين وهو ما يدري الطيبة اللي فيج حلوووة بس مو لدرجة إنج تتعبين وتتضايقين لازم تاخذين موقف منه شوفيه هو انتي بمجرد قلتي له هالكلمة زعل منج على طووول شفتي اشلون لكن لو هو سكت ومشاها لج مرة ومرتين وثلاث انتي بتقولين عادي زوجي ما يقول شي معناها ما يزعل يعرف إني أمزح معااااه هو بالضبط يفكر جذي فانتي لازم توضحين له هالأمر وموضوع السووق نفس الشي يعني الحياة الزوجية مشاااركة مب معقوول طلباته تتنفذ وكل أومره مجابة وهو على روحة السوووق صار له مدة طووويلة ربي يسعدج غاليتي ودي |
يابعد الدنيا تسلمين على مشاركتك لي الهم وربي ريحتين خلاص من اليوم بغير معاملتي معه
لاني بجد تعبت واذا قال شي بقول شف نفسك كلمه انا امزح بها وانت اخذتها جد اللي تبي على كيفك تمشيه واللي ماتبي توقف عنده وانا ادري ليه زعلان هو لاني طلبت منه يودين السوق وقال ايه بعدين وبعدها فتح موضوع الاذكار بس ان شاء الله بيشوف ملامح ثاااااااانيه خليه يحس شوي.. |
ياقلبي انت انا مابدخل موضوع رفض زوجك وتصرفاته معك
بس بقولك ياروحي مهما صار بينك وبين زوجك من خلاف انتبهي لكلامك انتى تعملي معه بتربيتك ماعليك من اسلوبه معك والفاظه معك يالغلا كلمه انقلعي ماتقال للشخص عادي فما بالك رجال وزوجك بعد الله يخليكم ويسخركم البعض |
ربي يسمعني عنج الأخبار الحلوووة دووووووم
ودي |
الله يصلح حالك ياأختي الكلمة غير مؤدبه الله يصلحك ,,,
اعتذري من زوجك ... الزوج احترميه يحترمك...... |
اقري علي الفاتحه بشوف وشلون تقرين
!!!!! كان قلتيله.. مجنون ..!! اقرا عليك!! من باب الدعابه!! او كان ارفقتي مع كلمة ,,’’ انجلع’’.. ابتسامه عريضه عشان يفهم انج تمزحين!! وبنفس الوقت سويتي اللي تبين!! اصلا سؤاله ماله داعي !! |
| الساعة الآن 01:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©