|
خايفه من زوجي !
السلام عليكم
اتمنى ان يكون الجميع بخير ,,, مشكلتي انه التفكير بيوصلني لمرحلة الاكتئاب ,,, زوجي جاته وظيفة اداري باحد المستشفيات وانا ماكنت متشجعه لعمله بس توكلت على الله واقنعت نفسي انه الوضع راح يكون تمام ,,, زوجي وسيم جدا جدا ويهتم بمظهره وانا احب اهتمامه بمظهره من قبل لا يتوظف بالمستشفى وللاسف هناك فيه اختلاط وانعدام مستوى الحياء بشكل فضيع حتى انه كان يجي يحكيني عن بعض الممرضات اللي واضعين مكياج كامل وكانهم رايحين سهره ,,, ويتكلم عن تصرفات بعض البنات المسيئه,,, المشكله الان الشك ياناس تسلل لحياتي وانا احس اني مخنووووووووقه زوجي كان اول يفتح ايميله او ما سنجره قدامي والحين لا ,,, واللي زاد شكي انه اليوم اخذ اللاب توب ودخل غرفة النوم وجلس على الماسنجر وانا التهيت مع الاولاد ,,, طبعا قبل كم يوم دخلت سجل المحادثات وشفت محادثه لايميل مكتوب فيها صباح الخير واليوم لقيت حاذف محادثته ومخلي المحادثات اللي خاصه فيني طبعا هنا زاد الشك والتفكير حاولت بشتى الطرق افتح ايميله ما قدرت ,,, والشي الثاني سالته قبل كم يوم عندك حساب في الفيس بوك قال لا ولما عملت بحث لقيت ايميله طيب ليش يكذب اذا هو واثق انه مو مسوي غلط ليش يكذب ,,, طبعا ما حبيت اواجهه وما اعطيت الموضوع اهميه وقتها لكن موضوع على موضوع خلاني احس انه فيه شي غريب بعض تصرفاته صارت تحيرني وتخليني بدوامة تفكير ,,, اليوم قلتله قريت في منتدى عالم الحياة الزوجيه عن وحده خانها زوجها الخ ,,, وطبعا قلتله عن قصه انتشرت في الايميل عن وحده خانت زوجها الخ وقلتله من دق باب الناس دقوا بابه ,,, واللي ما يخاف من الله ربي يبتليه باهله يا باخته او زوجته او حتى بنته حسيت وجهه برد ما ادري ليش,,, انا طولت عليكم والمي زاد عليه والله من شدة التفكير انه الجزء الايسر من صدري يالمني بشكل فضيع ما ادري كيف اتصرف او كيف ابعد الشك اللي يمكن يكون ماله وجود وغيرتي مهيئه لي الموضوع الله يرضى عليكم انتظر ارائكم ومقترحاتكم وان لم يوجد فدعواتكم لي براحة البال ,, |
حببتي دعي الخلق للخالق
لا تشكي لي ابكي لك انا زوجي رافض فكرت انو يقبل اضافتي في الفيس و عنده بنات حدث و لا حرج أظن انو كل عيال ادم زي كدا بس ايش نقول حسبي الله و نعم الوكيل |
اقتباس:
قريب من بعد توظيفه بالمستشفى اللي انا كارهته وكارهه سيرته والله مو قادره انا ونفسي ابكي بس الدموع متحجره بعيوني حتى انه اصابني غثيان من شدة التفكير ,,, يعطيك العافيه على ردك |
استودعيه الرحمن وانتي انشغلي عنه بشيء يفيدك خليه هو يلحق وراكـ مو انتي يالغاليه ..
شغلي عقلك وفكري تجذبيه من جديد بدون مايحس .. ربي يحفظ لك زوجك ويرده لك أحلى من الاول .. |
انا حاسة فيك عزيزتي بس ايش حقول غير حسبي الله ونعم الوكيل
الله يعينك |
اختي قبل يروح لدوام استودعيه الله ولا تكثرين عليه اسئله اذا اخبرك بشي حصل من وحده بالمستشفي لاتبيني له الانفعال بالعكس خوذي واعطي معه بهدواء دون تشنج ولاتخلين الشك يدخل قلبك والله تغذبين كذا واذا علي الفيس بوك عادي اختي مافيها شي يمكن هو ماقالك بس علشان يتحاشي اسئلتك بس يمكن يبين عليك الزعل وبس وربي يوفقك ويحفظ لك زوجك
|
لا حول ولا قوة إلا بالله
اكثري من الدعاء و الاستغفار حاولي أن تملئي بيتك بذكر الله و العبادة ربما يتذكر الآخرة وربما إن كانت مجرد شكوك يطمئن قلبك بذكر الله |
لحن المعاني..
احب ان اوضح لك بعض النقاط يمكن تفيدك.. اهنيك على اهتمامك لزوجك والخوف عليه. واعلمي ان الشك شي وارد وطبيعي بين الزوجين .. صحيح ان اغلب الوظايف التي يوجد فيها اختلاط خاصة المستشفيات لاتخلو من احتكاك بين جنسين.. ويمكن ان يتطور الاحتكاك الى علاقات.. مابي اضيق صدرك اكثر بس هذا الواقع..ونصيحتي لك سوي ألي اقولك. خليك قريبة منه كثير وحاولي انك توضحين له الثقة فيه وانك واثقة منه وتفهمينه انه أعلى من الاشياء هذي والنصيحه بأسلوب راقي وحاولي انك تكرهينه باي شي يحصل بالمستشفى.. لانه اكيد اذا وجد منك الاهتمام والنصيحه والاسلوب الحلو مراح ينظر للاشياء الثانية .. |
طيب حبيبتي
انتي تقولي انه وسيم جدا جدا ليش لابسك الدور كثير؟ انتي لا تقنعي نفسك انه وسيم اعتبريه عادي ويمكن انتي لوحدك الي تشوفيه وسيم يمكن غيرك مايعطيه وجه وهذا شى طبيعي ان الزوجة لمن تحب زوجها تشوفه اجمل واحد انتي تخلي عن فكرة وسامته عشان ترتاحين في ناس فيهم وسامة وسامجين وماينعطون وجه وفي ناس مافيهم جمال لكن كل ماتكلموا معك وتحدثوا ازادووا روعة وجمال شى طيب انك تذكريه بالله لمحات جميلة بس هدي عمرك ياحبيبتي شوفي الحين فيك الم وجالسة تعذبين نفسك يعني وحدة تركض ورى متزوج وش تتوقعين منها او مثلا زوجك لو طلع له علاقات الله يستر تتوقعين انه بيتزوج وحدة طلعت معه وسلمته كل شى واذا زوجك يخاف الله تاكدي لو يكون وسط ملكات الجمال يعرف ان الله فوقه ويراقبه تدرين بقولك شى .. زوج صديقتي ماشاء الله عليك متدين وسبور بنفس الوقت يعني دين وكشخة واهتمام بالمظهر ومايطالع بالحريم خير شر اسال الله ان يثبته ويحفظه لزوجته واولاده المهم تقوله يابو فلان بالله مالفت انتباهك فلانة والممثلة علانة وماشتفت ذي اشلون يقولها انا اعتبر اي امراة تعرض جسمها باالاسواق وطالعة بنية الفتنة كييس الله بكرمك نفايات قالها لو تكون عريانة بالشارع ماعطيتها وجه ولا تهز فيني شعرة لانها بكل وضوح جمسها يطلع عليه الكل وهي مع الكل وتروح وتتجاوب مع الكل وانا مابي غير الشى الي اتمتع فيه لوحدي وحلال وش ابي فيهم ماشاء الله تبارك الله ولاحول ولاقوة الا بالله انتي ياحبيبتي شيلي من بالك سالفة الممرضات والمكياج يعني وحدة جاية الدوام على قولك كنها جاية سهرة وش تتوقعين منها؟ وياليت تشيلي منك مرض وسامته ترى الرجل مو بجماله ولاعمر الجمال كان عند المراة العاقلة ضروري بالرجل صدقيني الدين والاستقامة وتحمل المسؤولية والصدق هو الي يشد المراة وسامته ماتشفع له اذا كان انسان بدون اخلاق ودايما اذا شفنا انسان خلوق ويخاف الله نقول سبحان من احسن خلقه وخلقه الخلق متبوعة بالخلق شيلي من بالك حبيبتي هالوساويس وعيشي سعيدة مع اطفالك وارتاحي وريحي اعصابك شوفي نفسك بالمرايا قولي انا احسن منه واجمل منه لا تخلي سالفة وسامته تاثر عليه وزي ماقلت لك يمكن انتي بس الي تشوفينه وسيم الناس اذواق الله يوفقك ياحبيتي ويهدي سرك |
شوفي حبيبتي الرجال سوا تقريبا الا ماشاء الله وقوت ايمانه لان الايمان درجات ناس عندهم عادي يسوون علاقات وناس عندهم خوف من ربي مش لانه متزوج انتي برايك زوجك من اي نوع يعني ممكن يوم من الايام يسوي علاقات محرمه مهما كان مكان عمله اللي يبي البلا يلقاه غير كذا اذا عيالك كبار حاولي قد ماتقدرين تضبطين وقتهم يصيروا بلكثير 8 نايمين وانتي اقعدي معه طول الوقت الين ينام طبعا هلفتره تدلعي وخليك على سنقت عشره حتى الشغلات اللي مستحيل تلبسينها البسيها وكل ماشفتيه راح للنت الهيه يعني ادلعي سولفي وانتي وفهمك ؟وصدقيني خليك على هلوضع وشوفي كيف يتغير ولاتنسين اذا طلع استودعي الله فيه وفي سمعه وبصره وفؤاده وان الله يصرف قلبه وعقله عن جميع نساء العالمين وانه يسخره لك تسخير العبد لسيده استودعي الله والله ماراح يخيبك وادعي كل ماذكرتيه ادعي ان الله يسخره لك ويصرف البنات عنه
|
| الساعة الآن 12:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©