|
خطيبتي مو مقدره ظروفي...
السلام عليكم ورحمة الله وبركاته:
كتبت قبل كذا موضوع واستفدت كثيرا منكم فأسأل الله أن يوفقكم دنيا وآخره ... عندي مشكله بأدخل فيها مباشرةً وإن شاء الله ماتبخلون علي بآرائكم ربي يسسسسسسعدكم... خطيبتي تعلم بحالتي الماديه ومن قبل أخطبها قلت لأبوها قول لها إني مو موظف وإني على قد حالي فهل تقبل بي؟؟ وكلمها وقالت انا قابله به وبعدها بعت سيارتي عشانها وبعت لاب توبي وجوالي وأي شي أملكه عشانها وعشان لاتحس اني أقصر عليها بشي والله العالم ... وألحين زواجنا محدد بفضل الله تعالى وكل شي سويته وربي شاهد انه لآخر ريال أملكه وقلت لها بس أتوظف أخليك ملكه بس اصبري علي وقالت مو مشكله ... لكن المشكله اللي أواجهها إنها فكل مره تقول بكم حجزت وبكم سويت وبكم وبكم؟ والدقاقه بكم وهذا قد ايش وهذاك قد ايش؟؟ وكل ماذكرت لها حاجه سكتت وهو مو عاجبها وأكثر الأحيان تتكلم وتقول قليل أو مايكفي أو أو ... طبعا هالشي يقتلني ويقهرني أحس إني مالي داعي في الحياه لمن تقول لي كذا وأبكي قهر ... الله يرضى عليكم ويوفقكم وش الحل؟؟ قولولي ايش أسوي مع إني دايم أقول لها ماعليك راح أعوضك راح أعوضك تقول طيب وتسكت وبعدين تفتح مواضيع مثل هذي.. ايش الحل؟؟؟ هل أزعل عليها مررره؟؟ أو أكلم أبوها فهالشي؟؟ مع ان أبوها مررررره متسااااااهل بس خايف أكلم أبوها وتزعل علي وخايف أسكت يزيد الوضع ايش الحل يا إخوان هي ماتدري إني الشعر يكثر في وجهي وما أروح الحلاق لأجل أوفر الفلوس لها... |
لا لاتكلم ابوها طبعا
طيب هو مجرد كلام و ما اصرت عليك بشي ,,لانه صعب الوحدة تلقى اشياء ناقصة في زواجها ووقت الدلع لأن ما بعد الزواج اشد و اكثر ,, يعني هي الحمدلله راضية بوضعك ووافقت عليك و مافي من كلامك دليل انها تجبرك على دفع اكثر مماتستطيع انما المشكلة من التذمر,,,كلمها فقط و بين زعلك و تضايقك من هالكلام ,,لكن برضو انت اغرقها بالثناء و الكلام الجميل حتى تعوض جانب عن جانب ,,يعني صعب تكون في وضع قليل المادة و قليل الحب لكن ابد لااااتكلم ابوها ماله داعي |
اقتباس:
|
أخي ,, هذا ماقبل الزواج ,, كيف ستتحمّل ,, المصاريف ,, وطلبات مابعد الزّواج ,, وأنت مازلت ,, بلا وظيفة ؟؟
ذكّرها بالصّبر ,, فما بعد الضّيق ,, إلا الفرج ,, إن شاء الله .. مبروك ,, مُقدّما,, والله يوفّقك ,, ويسهّل أمورك .. |
اقتباس:
مشكور أخوي على مشاركتك.. الاشراف : يحضر المنتدى 2 ـ التعرض لمجتمعات أو بلدان أو جنسيات أو قبائل أو دول أو حكام أو حكومات معينة, أو انظمتها وكذلك النقاش السياسي أو الحزبي أو المذهبي, والمقارنة بين رجال الدول ونسائها بالذم أو المدح. بالتوفيق,, |
طيب انسى هالموضوع شوي اخوي وقول لنا من تصرافتها باينه انها تبادلك الحب
يعني تهتم فيك ماتحب تزعلك غير موضوع ترتيب الزواج هل كانت ترضى بالقليل؟ وكم عمرها |
اقتباس:
وعمرها 22 |
عادي مافي احد كامل
حاول تغير الحديث لما تكلمك عن الأشياء الناقصة او خجلها بقولك لكن مع ذلك تحبيني صح! و من هالعبارات و مرات ازعل عليها على خفيف والله يوفقك بوظيفة تعوضك,,سبحان الله الزواج يأتي بالرزق دور حتى لو عمل مو في مجالك احسن من ولاشي |
الله ينتقم من السبب
والله ياخوي انا مثلك جامعي عمري كله راح وانا ادرس والحين عاااااااطل بنمرة واستمارة !!!! وبخصوص زوجتك . . ترى الأمر بسيط قولها قد ايش انت مسوي وقد ايش انت تعاني وكل هذي المعاناة والقلق واالتعب عشانها صدقني راح تحس انك شاريها البنت اذا شافت الرجال يباها بكل مافيه تنسى كل شيء فـ الدنيا وتهتم فيه هو وبس |
الله يفرجها عليك..مشكلتك بسيييطه..الحمدلله انك راضي فيها وهي راضيه فيك..ويكفي أن نيتك طيبه وتتمنى تعوضها عن كل شئ هذا بحد ذاته يسوى الدنيا ومافيها بس صبرك عليها صغيرة وعروس وأكيد تسمع من هنا وهنا عن تردد (بكــم ذا وكم هذا؟؟؟)
أنا بوصيك بأمر وأن شاء الله تنحل مشكلتك..حلها بالوظيفه صح..طيب أكثر من الدعاء والإستغفار..قول يارب كما رزقتني بالزوجه الصالحه أرزقني بالوظيفه الطيبه..اللهم أرزقني رزقا" حلالا" طيبا" مباركا" خيرا" كثيرا" فيه.. إذا سألت الله ودعيت خل ظنك حسن..يعني يكون شعورك أن فعلا الوظيفه قادمه قبل تنزل يدينك وتنهي دعواتك صدقني الدعاء والإستغفار عجييييب..واحد من أخواني يبحث عن وظيفه وضاقت فيه الدنيا ومره حصلت موضوع عن الإستغفار قصص كاتبها واحد أنه كان يبحث عن وظيفه وأكثر من الإستغفار وجاءت له أكثر من وظيفه بنفس الوقت وصار يستخير أيهما يختار...أخوي صار يستغفر وأنا صرت أدعي له بآخر الليل وأنا متيقنه الإجابه..وسبحان الله رأيت رؤيا فيه ولما فسرتها قال الشيخ وظيفه بعد شهرين أوثلاثه تقريبا وجاءت له بسبب أن الله استجاب دعائك.. والأسبوع القادم أول اسبوع بيداوم فيه وأنت أحتسب الأجر اي ريال تصرفه عليها فهو صدقه..تخيل كم مره تصدقت ماشاءالله..إذن رزقك قادم لامحاله.. |
| الساعة الآن 08:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©