|
تصرفات زوجي تحيرني
السلام عليكم ورحمة الله وبركاته
هذه اول مشاركه لي بهالمنتدى ارجو ان تفيدوني خطيبي كان متزوج وطلق وعنده بنت وحسب علمي انها هي اللي طلبت الطلاق منه بسبب مشاكل بينهم الله اعلم وش السبب واول ما خطبني ما كنت متحمسه للموضوع عشانه مطلق وعنده بنت صعبه اتزوجه وانا بكر بس اخواني امدحوه لي بأخلاقه ودينه وان سبب طلاقه زوجته هي اللي طلبت الطلاق منه تدلع عليه ومقصره بحقه وانها شايفه نفسها عليه وانه حاول معاها ترجع لكن رفضت رغم انها تقرب له وانه يبغى انسانه تفهمه ويفهمها واخذت وقت طويل وانا استخير ووافقت عليه وملكنا والحمد الله الامور مشت تماما و ما بين فتره وفتره يزور اخواني ويسلم عليهم بس انا شاغل بالي ومحيرني انه ما طلب يشوفني ولا مره وهالحين لنا اكثر 9 شهور مملكين ولا كلمني وما باقي على زواجنا الا شهر والمهر اللي سلمه ناقص وقال انه راح يجيبه بفتره انا ما تهمني ما ادري احسه لحد الان يفكر بزوجته اللي تركته محتاره فيه احسه مو متحمس لزواج كثير ومرات اقول يمكن منحرج من اخواني ومرات الومه افكاري مشوشه ومتلخبطه :(:( |
وعليكم السلام ورحمة الله وبركاته
هو كم له من يوم طلقها ؟؟ يعني حتى الآن لم يكلمك ولو لمره حتى أو يقابلك ؟؟!! |
اقتباس:
صار له اكثر من سنه مطلقها ولما اتملكنا صار له ست شهور ويقول لخواني انه منتهي من زواجه الاول ويقول انه ما يبغى يرجعها ولا طلب انه يشفوني لا قبل الملكه ولا بعدها والله انه محيرني ومطير النوم من عيوني من كثر التفكير بهالانسان ماني فاهمه شي احس انه يبي بس يطفش زوجته الاوله وبس ما احس انه متحمس لفكرة الزواج رغم انه على كلام اخواني انه طيب وعلى نياته بس طريقته لاعبه فيني لا طلب يشوفني ولا فكر يكلمني ولاشي الله يكتب لي اللي فيه الخير ادعولي يا جماعه انه يوفقني . |
مرحبا اختي
صراحه الامر غريب يعني انتي شوفتيه الشوفه الشرعيه |
هلا اختي صمتي هوايه لا ما شفته ولا هو طلب اني اشوفه
من قلت اني موافقه عليه ما اخذت يومين وملكنا والله اني مستغربه الامر هالانسان غريب |
اطلبي انتي مقابلته.. حتى لو بالعباية.. من حقك.. و هو اصلا الحين زوجك و حلال عليك..
القريب من العين قريب من القلب و البعيد عن العين بعيد عن القلب |
طيب كلمي اخوانك او امك عادي مافيها شي لان هادا مستقبلك
ولازم تعرفي من دحين والله يوفقكم ويسخرو لكم |
أختي الغالية ,, أمر زوجك فعلا محير و مريب لم يطلب لقائك ولو لمرة واحدة !! نحن لا نستطيع أن نجزم بأنه لازال يفكر في طليقته أو أنه ليس متحمسا للزواج فهو لم يقدم على هذه الخطوة إلا بعدما قرر وحسم الأمر .. ولكن ياغاليتي بما أنه هو لم يقم بأي خطوة تجاهك يجب عليك أن تنتبهي لهذا الأمر وأن تحاولي على الأقل إيجاد حل بسيط لمخاوفك وحيرتك أقترح عليكٍ أن تطلبي أنتي مقابلته فهذا من حقك , ويجب عليك أن تريه ويراك هنا في هذه المقابلة تحدثي بوضوح معه أخبريه عن سبب عدم اهتمامه بلقائك أو رؤيتك على الأقل ! وعدم اهتمامه بأمرك أبدا!! إذا لم تستطيعي فعل هذا أرسلي له رسالة وأخبريه فيها عن حيرة أمره التي هو فيها ليس بالتحديد بل بالتلميح وهو بالطبع سوف يفهم إن لم تستطيعي أيضا فعل هذا الأمر أعتقد هنا يجب أن تخبري شخصا قريبا منكِ جدا والدتك / أختك إنسان قريب منك وتثقين به ولا خير إلا في أهلك عزيزتي خذي رأيه في هذا الموضوع مجرد النقاش مع شخص قريب قد يشعرك بالراحة وقد يعطيك حلا وافيا لما تعانينه أتمنى لك التوووفيق وأتمنى أن تزول هذه الحيرة والغموض عنك في القريب العاجل ودي |
مرحبا..
ما اعتقد انه فيه انسان يقدر ينسى شريكة حياته سابقا وام لابنائه.. لانه طالما فيه ابناء بيذكرونه بالماضي. ولكن بما ان الرجل ذو اخلاق ودين ولا يعيبه شي من مرض او غيره فتوكلي على الله سبحانه. واعلمي انه بيدك تغيرينه وتنسينه زوجته الاولى وتعملين بكل ما يحب ويرضى لكي يرى الفرق ويفضلك. |
اختي انصحك مثل مانصحوك الاخوات خلي اهلك يعزمونه ع العشا والبسي واكشخي وادخلي ضيفيف عادي هذا زوجك يمكن عشانه ماشافك مو متحمس بس لو يشوفك ياقمر ينام عندكم
او اتصلي عليه وتعذري باي شي اطلبي كرت العائله اسألي وين بيسكن عشان الكليه يعني دوري عذر اي عذر ومو لازم يقتنع اهم شي دوري شي تتجرأي فيه عشان تكلميه انا سويت كذا بس زوجي شافني بالملكه والنظره بس بعدها انقطع عني لانه ماعنده رقمي فقمت ارسلت له رساله اسأله عن الكليه وهو خلاص عرف الرقم وعرفت انه بصير يقدر يكلمني وحبيت احمسه والوعه شوي قلت ممنوع لاتتصل لانك مافكرت من قبل بكذا بيتحمس وبيتصل ويمكن كل شوي بعد |
| الساعة الآن 12:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©