|
أخاف بنتي ياخذها أبوها أو الخاطب يرفض أنها تعيش معاي
السلام عليكم ورحمة اللة وبركاته
انا عندي موضوع واتمنى منكم تساعدوني برايكم لاني والله العظيم محتارة في اتخاذ القرار طبعا البعض يعرف تفاصيل قصتي ولكني سوف أطرح بعض منها باختصار انا مطلقة عمري 29 وعندي طفلة الله يعافيها معاقة عمرها ست سنوات أبوها متنازل عنها وإعاقتها كانت أحدى أسباب طلاقي منه هو ولد عمي . أتمنى منكم تنصحوني الان تقدم لخطبتي رجل متزوج عمره 36 سنة عنده خمسة أطفال لا أعرف باقي التفاصيل لانه الموضوع لسه في البداية ولكنه يرغب بالزواج من مطلقة. اللي خايفه منه أخاف بنتي ياخذها أبوها أو الخاطب يرفض أنها تعيش معاي , وأريد أعرف هل في أشياء ممكن أشرطها عليه من البداية لاني خايفة أعيد تجربة زواجي الاولى. والله مب عارفة شلون أفكر أو اتخذ أي قرار اتندم عليه وكل ما أشوف بنتي أبكي , وأمي تقول تزوجي عشان بنتج ماحد راح يدوملج. شوووووووووووو تنصحوني |
مرحبا ميثى
حبيبتي الله يكون بعونك ويعوضك خير يارب استخيري وان شاء الله ربي يكتبلك الخير يارب وطالما انو ابوها متنازل عنها ما يقدر ياخدها منك وبالنسبه للخاطب تقدر تحطي شروطك وازا وافق يصير تمام ويارب تتوفقي يارب بحياتك انتي وبنتك يااااااااااارب |
في جميع الأحوال إياك أن تحرمي بُنيتك الغالية من حضنك
وفقك الله |
اسمعي روحي تزوجي وكلام امك صح الله يخليها لك
بنتك ياتكون معك او مع امك تقدري تجيبيها بأيام مايروح زوجك لمرته الاولى وتجلس معك نجي لشرووطك لازم لاتتنازلي عنهااا بيتك مستقل طبعاا ونفقه وكل شي لزوجته طبعا لك ولازم يحرص على العدل كلام تاااني مافيه يقولك خليك مع اهلك واجيك بالويكند مافي<<<متأثره من قصص المنتدى ههه واسألو عليه زين هو كفو ولا لا واستخيري كثيييييييييير |
اختي ميثى اكيد صعب هالقرار في البدايه لكن تذكري بنتك لازم تجيبين لها اخوان عشان يحنون عليها و تلقى احد حولها ويهتم فيها فكري في المستقبل اذا ابوها تنازل عنها بسبب اعاقتها فما بالك باخوانها اللي من ابوها مستحيل يتقبلونها لكن انتي تقدرين تربين عيالك على حب اختهم لاتتركين بنتك تتجرع مراره الوحده لازم يكون لها سند في الدنيا فكري في كلامي زين واذا هالخطيب انتي واثقه انه رحوم وماراح يظلمها توكلي على الله -
|
الله يكتب لك التوفيق ـ تأكدي من أبوها أولا ـ بتبقى معك بعد زواجك ؟ أو بياخذها ؟
وتأكدي أيضاً من الخاطب الجديد هل سيقبل وجودهت معك ؟؟ حتى تكوني على بينه من البدايه وبعد ذلك قرري بعد الإستخارة ـ وفقك الله و كتب لك الخير .. |
تزوجي ربي يوفقك ويغنيك من سعته
اشرطي بيت مؤخر ووجود بنتك معك وبالنسبه لبنتك مااتوقع ابوها ياخذها اكيد زوجته ماهي فاضيه لبنتك |
حبيبتي استخيري والله يكتب اللي فيه الخير
وطالما طليقك اتنازل مايقدر ياخدها واشرطي بيت لحالك وبنتك معاكي ونفقه واذا حابه مؤخر عشان تضمني حقك طالما هو متزوج والله يوفقك |
اقتباس:
الله يكتب لك الخير ومافيه يارب،،، |
وعليكم السلام ورحمة الله وبركاته
حبيبتي ميثى..طليقج من المستبعد انه يا خذها اشرطي على الخاطب ان بنتج معاج...لاتتخلين عنها ابدا اذا رفض وجودها...فما عليه حسوفه رفضيـــه هذا مافي قلبه رحمــه اشتبين فيه؟ لاتقوين امي تضغط علي بالحجي وان لازم اشوف حياتي بنتج اعتبريها كل حياتج..اذا تزوجتي واحد رفض وجودها معاكم بتخلينها عند منو..!! امج...! امج ماراح توفر لها الحنان اللي راح تفقده باستغنائج عنها بنتج لاتخلينها..وربي بيعوضج خيـــر صدقيني الله يساعدج ويكون في عونج..ويرزقج بالرجل اللي يراعيج ويراعي الحلوة الصغيرة..,,, |
| الساعة الآن 07:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©