![]() |
مشكله بنتي ودخلوها الحمام
السلام عليكم
مشكله بنتي الاساسيه انها كثير البكاء وعنيده بشكل ما اتوقع عمرها داخلت 4 من اكثر من سنه وانا احاول اعلمه على الحمام ولكن ما فيه فايده ابد ابد يعني ما قد مره قالت ابي اروح الحمام واتم معها نص الي ساعه في الحمام عشان تقضي شئ ما اكوه وبس اطلع من الحمام ع طول تعمله جربت معها محاولات كثير الجلاسه الا بالحمام بدل ما تجلس عليها تلعب بعا كانها سياره و خارج الحمام الكور , الستكرات , الصور , رسامات كرتون ونجوم وغير وغير ولا في فايده قرءات ان ما نعصب على الطفل ولا اعصب عليها واحاول اهدي من نفسي مع ان قلبي يغلي من الداخل حسيت بالتحطيم سنه كامله ولا تطورت في احدئ الايام سافرنا بلاد الحرمين مكان طاهر ولبستها حفاضه وبعد ما رجعنا حاول ابيها تدخل الحمام ارفضت رفض قاطع تمت اكثر من شهر وهي تعمله كل بره وعناده ذبحني لان كل الاموار بعناد وارجع احاول من جد وجديد والي الان ما في ولا 1 % تطور احاول اشد عليها ان الحمام مكان هالشي شو اعمل قريت سلوك للاطفال واطبق بس عناده وصياحه جاب لي المرض شو الحلول الا تحبب انها نقضي حاجتها بالحمام احس نفذ صبري ارجوكم لا تطنشووني |
ابقولك شي واسالي عنه بنت عمي تدرس تربية خاصه ومره جلست معها تقول انه في صعوبات تعلم الحمام عند بعض الاطفال وصعوبات تعلم الاكل والكتابة يعني كل طفل ممكن يكون عنده صعوبه بشي وهذا طبيعي
فشوفي الموضوع يمكن عند بنتك صعوبة تعلم الحمام!!!!!!!!!!!!!!!!!! |
الي الان
اكثر من شهر قضيته فرغت نفسي لها ولا شئ المشكله عناهااا الله يهديها |
الطفل العنادي يبغي له معامله خاصه لانه فاهم بس يمشي كلامه ماعليك الانك تستخدمي اسلوب العقاب والحرمان من اشياء تحبها مهما صرخت لاتستجيبي لرغباتها الي ان تتتعلم قضاء حاجتها في الحمام الله يعينك |
قوليلها ما راح يقبلو يدخلوكي بلمدرسه او الحضانه الا اذا اتعلمتي علحمام
|
بصراحه بنتك كبيرة وفاهمه عليك كويس أعتقد لازم تتخذي معها أسلوب العقاب لو عملتها برى الحمام مثل ماقالت نور دبي وأذا عملتها في الحمام تعطيها هدية
|
بنتي اصغر من بنتك بشوي و انا اعلمها الحين
أسلوبي يضحك شوي لكن راح اقوله يمكن ينفع مع بنتك لكن إذا تقولي عنيدة يمكن الحزم و العقاب بحرمانها من شي يكون افضل عموما انتي جربي و ما تخسري اسلوبي اني اتحداها بطريقة لطيفة و احمسها انها و انتي بكرامة اذا عملتها بالحمام تقتل الدودة اللي في الحمام :21:و طبعا اتكلم بدل الدودة يعني امثل دور الدودة واقولها ماراح تقتليني و انا اشطر منك :dو تقوم هي تطلق الصاروخ عليها و اسوي صوت الدودة و هي تموت:23: شفتي كيف الأطفال خبلو فينا:15: بس بنتي هذه مو عنيدة لما اطلب منها شي ,,و نفع معها هالأسلوب بدأت لما اكملت الثلاث متأخر شوي بس تعلمت كويس و اتوقع بعد اسبوعين راح تتقن الموضوع جيدا,, النقطة الثانية كم الفترة من بدأت تعلميها للآن (بشكل مستمر)لأنك إذا قطعتيها فعطيتيها الحل الأسهل و هي ان تعملها بالحفاضة و انتي بكرامة ايضا اجعليها تتضايق و تنفرمن نفسها إذا عملتها خارج الحمام ,, |
هلا أختي
حاولي معاها اسلوب الحرمان شوفي هي شنو تحب اكثر شي و كل ما سوتها في نفسها احرميها من هل شئ خليج صارمة معاها لان شكلها عارفه تمشيج علي كيفها مهما صرخت او بكت لا تهتمين **** هل جاء بعدها طفل او طفله؟ ساعات الطفل يبي يلفت الانتباه عشان كذا يسوي هل حركات خليج هاديه و بارده بس حازمه معاها كل مره تسويها في الحمام عطيها الشي اللي تحبها سواء شوكلاته او حلاو يعني كل ما تسوي بره الحمام نحرمها من شي و كل ما تسوي داخل الحمام نعطيها شي حلو هل اسلوب يفيد الاطفال العنيدين وايد **** ديري بالج لا تمشيج علي كيفها :) |
اختي في الحقيقه انت بدات تعليما متاخر واعتقد انها الاولي
والتاخير هو ما جعلها تستسهل عملها بكل مكان فعليك باستعمال السده نوعا ما ويجب عليك خلال فترة التعليم المواظبه وعدم قطعها حتي ترظيك النتيجه همسه اختي احتسبي تعبك لله حتي ترتاح نفسيتك وتجدي الاجر والثواب اسال الله ان يصلح لك بنتك ويقر بها عينك |
ما كتبتي طريقتك بالتعليم ؟
انا ما نفع مع ابني الا لما شلت البامبرز خفيتها بشكل نهائي و حبست نفسي بالبيت شهر حتى تعلم بآخر الشهر بس تدخل ابوه بالموضوع الأب له هيبة اكتر و بسمعه الطفل اكتر من الأم جربي تدخلي أبوها |
الساعة الآن 10:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©