|
علاقتي بأخواتي بدأت تسوء للأسوء
السلام عليكم
انا فتاة غير متزوجه وعمري 27 وغير موظفة عندي اخوات وعلاقتي بأخواتي بدأت تسوء بشكل مو طبيعي كنا زمان نتخاصم زي كل الاخوات ونرجع لبعض واحسن بعد لكن قبل 3 سنوات صارت مشكلة بيننا وامي تدخلت فيها وزادت اكثر المشكلة المهم من بعد المشكلة ليومكم هذا انا ووحده من اخواتي زي الغرباء صحيح عايشين بنفس البيت وناكل مع بعض لكن مانطالع ببعض ولانتكلم مع بعض ولااعرف عنها حاجه وماادري ايش تخصصها والله هالشي تعابني نفسيا ويخليني ابكي واختي الثانية كمان صارت مشكلة بيننا ولي سنة لااكلمها ولاتكلمني وصدقوني هالوضع موعاجبني حاليا مااحس بتجاههم بأي شعور اخوه صحيح اني دايم ادعي ربي انه يجمعني فيهم ويرجعنا زي اول واحسن وبالليل ماانام من كثر ماافكر بهالموضوع احاول ادور طريقة اني ارجع علاقتي بهم لكن مااقدر كبريائي مايسمح لي المشكلة الاخيرة اختي الصغيرة كمان صارت مشكلة معاها وخفت انها تبعد عني زي مابعدو البقية احاول ارجع العلاقة هي واضح عليها انها ماتبغى لانو انا اعرف شخصيتها اذا تخاصمنا وجيت كلمتها تنسي هالمره جيت ابغى اكلمها تكلمني وهي تصارخ يعني مافي احترام لاختها الكبيرة والحين وحده من خواتي مابيني وبينها اي شي احاول اجلس معاها اشوفها تتهرب مني وماتبغى تجلس معاي ملاحظة / اكيد بيخطر ببالكم اني نكديه وحقت مشاكل لاوالله العظيم كثير تصير مشاكل بين الاخوات وصارت بينا مشاكل ونرجع لبعض لكن هالمره احس مايبغو يعطو لي خط للرجعة احسهم مايبغوني يتجمعو كلهم بمكان واحد وان دخلت وسلمت وفتحت موضوع اشوف وحده وحده بدت تقوم لين مايبقى إلا انا بالغرفة وبجد احزن على نفسي وانقهر حاولت اتقرب مافي امل يتمنو اني اتزوج ويفتكو مني وياخذو راحتهم على قولتهم الي يشوفهم يقول كاتمه على انفاسهم ورجاء لاحد يقولي روحو اجلسي معاهم وفاتحيهنم اخواتي وانا اعرفهم يحتقروني لو سويت كذا ويشوفنه ضعف واهانة مني وانا اعرف انو مستحيل بترجع العلاقة زي اول مستحيييييييييييييييييل انا ودي ارجع العلاقة بكل وحده زي زمان نجلس مع بعض نسولف نضحك ونمزح ومع الايام بأحاول اني مااحتك فيهو كثير علشان مايحصل بيني وبينهم اشكال مره ثانية على الأقل لو بغيت اشكي ولااسولف الاقي مين يسمعني مو مين يتهرب مني ولايعتبرني شي ساعدوني انا حاليا احس نفسي وحيييييييييييييييدة لاام ولااب ولااخوات ولا صديقات ولاشي ابغى اكون قوية مو ضعيفة صرت لما اجلس معاهم افتشل لانو لما اتكلم محد يسمعني عكس اول كنت صاحبة المجلس ان تكلمت الكل يسمعني ويأيدني والحين لا بجد شعور يقهر انا ماصرت احب ولاشي ولاشي ولاعندي شي يشجعني على العمل والعطاء والبحث عن وظيفة اتمنى اتزوج وارتاح والاقي مين يسمعني ويحترمني ويقدرني ويفك ازمة اخواتي مني ابغى اعرف ايش سبب الفرقه بيننا وليه كذا صار استغفر الله ياربي غيروني 180 درجة كنت شي بالبيت الحين احسهم بدوو يتطاولون علي بشكل ملحوظ يمكن لانو مافي احد حوالي او يمكن اذا وحده جلست معاي بيحاربونها زي ماحاربوني يارب ارزقني بالزوج الصالح الي يخاف الله فيني ويحبني ويحترمني ويقدرني |
السلام عليكم ..
بداية الله يفرج يهمك وحاسة باحساسك جدا .. ونصيحتي من مجربة عمر كامل في مثل هذه الأوضاع .. 1- تأكدي أن الله لن يغير ما بقوم حتى يغيروا ما بأنفسهم ... ومن هذا المنطلق لا تحطي في بالك كرامتي وكبريائي .. صفي نيتك وربي بيعينك وينصرك .. كنت أضغط على نفسي وأعتذر لو ما كنت الغلطانة ... وما بطلت الا لما صار فيه تمادي في استغلال هذه النقطة فصرت أعتذر فقط في حالة أخطأت ... وحتى الخطأ ما صار بيني وبينهم خطأ لأني صرت كافة خيري شري .. لا أبدي رأي ولا اناقش فيما لم أسأل عنه .. 2- شوفي ايش اللي فيك مخليهم يزعلوا منك ... هل هي المكابرة الزائدة - هل هو تزمت وتعنت زائدين بالرأي بحيث لا ترين غيره ... بمعنى هل تؤمنين بالرأي الآخر ولا انتي بس اللي على حق ؟؟ 3- لو كنتي فعلا على حق هل تتنازلين ولو قليلا من اجل سعادة الطرف الآخر خصوصا وأن هذا التنازل لا يفسد للود قضية ولا يغير من شيء في الموضوع ؟؟؟ 4- كوني صادقة مع نفسك وحكميها ولا تأخذك العزة بالإثم - لو كنتي أوردت امثلة على الخلافات لساعدتك على تطبيق بعض النقاط - ولكن هذا الشيء راجع لك ولمدى راحتك في التحدث عنه مع الغرباء ( أعضاء المنتدى ) 5- اذا كانت والدتك حقانية فاطلبي منها التوسط بينكم واجلسوا في وقت كل منكن غير منشغلة جلسة صراحة مع اشتراط ضبط الأعصاب وعدم رفع الصوت وعدم مقاطعة احداكن لأخرى .. ( ليست كل العوائل تنفع لها هالطريقة ) 6- من المفيد أن تكتبي قبل تلك الجلسة ما يضايقك في ورقة ومناقشتها واحدا واحدا مع أخواتك .. 7- لا تقولي ابدا أن العلاقة مستحيييييييييل ترجع فأنتي لا تعلمين الغيب .. فوالله أنني كنت في حالة مقاطعة مع أختي مدة 3 سنوات .. مقاطعة تامة تخيلي .. والآن هي أقرب أخواتي الى نفسي وكاتمة أسراري ... بل هي نفسي الله يسعدها ويسخر لها .. وهل تعلمين كيف عادت العلاقة ؟؟ لأني دست على كبريائي وأردت أن يتغير الوضع فأعانني الله وتغير .. 8- الحي بالدعاء فوالله لا يضيعك مع تصفية النية والعمل ... وقد ترتفع مكانتك أكثر من ذي قبل أيضا ... يعلم الله اني انصحك من قلب مخلص فأتمنى ان تزيلي عن قلبك القسوة التي خلفتها الجفوة ... ولا تنسي أثر الهدية في اصلاح ما كسر ... طمنيني عنك فحالنا قريب من بعضه دمتي في حفظ الرحمن ،،، |
يارب يالله اسالك بكل اسم هو لك سميت به نفسك ان تعود هذي الانسانه بعلاقتها باخوانها وان تزيل همومها وغمومها وتفرج كربها وكرب جميع المسلمين يااااارب |
ايش سبب المشكلة اختي طيب؟
وكم عمرك وعمر اخواتك؟ |
ليه مين فينا علاقته كويسه مع اخواته واهله. انا علاقتي فيهم زي الزفت. الله يكون بعوننا كلنا.
|
سبحان الله ووالله قعدت اقرى المعرف اكثر من مرة عشان اتاكد انى مش اانا الى كتبته
نفس قصتى بالظبط والمشكلة ان اختى اصغر منى بسبع سنوات وعاملة نفسها متدينة وتصلى الفجر وتقرا القران اكثر منى وتسمع اشرطة دينية لكت للاسف علاقتها بى لى اكثر من عام لاتكلمنى وتنطنش على قدام الكل حتى زوجة اخى واانا كل ماجلس فى مكان هى تقوم وتبدى تكشر وترمى فى كلام يهز البدن حكيت مع امى وابى مافى فايدى وهم يشجعونى انى اطنشها وخلاص لاحول ولاقوة الا بالله |
اختي بينك وبين اخواتك صدقيني مافي كرامه
والله كل ماكنتي قريبة منهم يحبوكي اكثر روحي اشتري هديه بسيطه لكل وحده مع كلام حلو لا تقولي كرامتي ما تسمحلي بين الاخوات مافي كرامه وشي ثاني وهو الاهم المتخاصمين لا ترفع اعمالهم لله والخصام يقطع الرزق والزواج يعتبر من الرزق فكيف تبغي الله عز وجل يرزقك بالزوج وانتي في خصام مع اخواتك استغرب امك كيف ساكته عن الوضع الى الىن انا عندي اخوات وكنا نتخاصم يوميا تقريبا بس خصامنا بالكثير يطول ساعه بعدين خلاص نكلم بعض ولاكان كان في مشكلة وبدون اعتذارات وحواجز وكرامه اختي روحي انتي قوليلهم انا بدونكم ما اسوى شي انتو اخواتي انتو سندي بهالدنيا بعد رب العالمين انا مالي غيركم افضفضله وان كنت اخطأت بحقكم اعتذر ضميهم واحضنيهم حسسيهم بحنانك انتي اختهم الكبيرة حسسيهم انك تحبيهم وانك ما تنامي الليل وانتي تفكري فيهم الله يصلح الاحوال ويفرج الهموم يارب |
اختي بسألك وجاوبيني بصراحه انتي لما تتزاعلين مع اخواتك تقولين كلام يجرح ؟
اعتقد انهم يسوون كذا لانك لما تتزاعلي معاهم تقولي لهم كلام يجرح وتبقى هالجروح بقلوبهم ماتروح ومايقدرو يسامحوك لانهم باقي يحسو جرحوهم تنزف منك عندي اختكنا كذا قبل مانتزوج تدرين مين السبب بكل لمشاكل اللي بيننا امي الله يسامحها تربيتها وم على هذي افضل وهذي اسواء الافضل محبوةبه ويمدحنها والايسواء يضحكون عليها ويسبونها خلنا نتنافس على المراكز هذي لدرجة اننا نتضارب ونهين بعض ونكذب على بعض اه قدايش هذيك الايام كانت صعبه والحياه كانت مستحيله فيها |
بقولج شي انا اختي اللي اكبر مني بتسع سنين آذتني في نفسي كثير
وصارت كثير مشاكل ومشدات من بينا صرت اتجنبها واذا جت بيتنا ما ابي حتى اشوفها لاني كرهت اذيتها حقي وتعبت منها وما ابي انضر منها الحين الامور احسن بس مرات اتجنبها عشان احمي نفسي من شرها اكيد اخوتك انضروا وانجرحوا وخلاص يبون ما ينجرحون مره اخرى لا تفهمني غلط انا ما اتهمك يمكن انتي بعد انجرحتي منهم اذا كنت تردين تغير الحال فبدأي بنفسك اولا راجعي نفسك ودروي سبب المشاكل انا اختي ما تغيرت لكن انا اللي تغيرت |
حبيبتي الله يهديك إنت وأخواتك .
حاول ما أمكن تلاقي حل (مثلا ابتعد عيهم لفترة خليهم يتوحشوك، ،والله الواحد ما بيعرف معزة إخوات غير لما يبعد عنهم يا رب يزرع حنان في قلوبكم |
| الساعة الآن 09:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©