|
زوجي يريد الزواج بإمرأه اخرى
السلام عليكم ورحمة الله وبركاته
اخواتي المتزوجات كيفكم حبيت استشيركم انا زوجي اليوم خطب وحده جامعيه وعمرها صغير وانا احس في نفسي شوية :(زعل مع ان عمري 27 وهي عمرها 20 ابغاكم تواسوني وتخففون عني وابغا تجاربكم الناجحه برجوع ازواجكم لكم والتوفيق من الله الحمدلله على كل حال |
اختاه على الرغم من ان الامر يبدو لكى وكأنه مصيبة تحل بك
لكن اقول بصراحة تامة ربما بعد شهور قليلة يكون الامر قد احدث تقاربا بينك وبين زوجك رغم زواجه الجديد لا تقولى كيف ؟؟ ولكن هذا ما سيحدث ان شاء الله |
أختي ,, الحذَر ,, لا يمنع القَدَر ...
ولكن أوصيك ,, بإصلاح تقصيرك ,, في حق ربّك أولا ,, ثمّ نفسك ,, ثُمّ زوجك ,, والدُّعاء في جوف الليل ,, وآناء النّهار ... |
حاولي معرفه السبب الي خلاه يبحث ويتزوج باخرى
واكسبيه لطرفك الله يفرج همك |
حبيبتي مافي وحده جامعيه وعمرها 20 هذي لسا ماخلصت الجامعه او ان عمرها اكبر من هيك اذا كانت مخلصه الجامعه
غيري لوكك وتدلعي ع زوجك رسايل وسهر ليل وحركات واكلات يعني ادهري وانتي فليها سواء اعرس او قعد لأنك بتجذبينه كذا او كذا ربي يخليه لك ولا يحرمك شوفته كرري اللهم اجعلني في عينه كما يحب .. |
اختي الواثقة بخالقها
عادي الله يوفقه لكن يبغالك تأخذي أمر زواجه أنه من حقه الشرعي وعلى مايقولون الحب للأولية إلا اذا كان الثانية قلبت كيانه وهذا لايلاحظ الا بعد مدة أي عدة أشهر ليتم التأكد من ذلك وبالتوفيق لك |
اختي لازم اولا انك تصبري لانه زوجك شكله ناوي
عشان كده اقولك حاولي انك تخليه بصفك ولا تبيني له الزعل اللي بقلبك عشان لا تطفشيه منك وانا مع ليل العناء حاولي غيري من شكلك ومن تصرفاتك لانه في شي اكيد اللي خلاه يشوف له وحدة تانية والله يكون بعونك ويحنن قلبه عليك ويجعل المحبة دايمة بينكم |
عزيزتي انا زوجة ثانية يعني ييت على وحدة متزوجنه قبلي و اكبر مني ب 12 سنة و تزوجها و هي مطلقة و عندها عيال و خدني انا بكر و بعد زواجي ب20 يوم زوجي قام يحن لزوجته الاولى و صار هاملني انا و وحيدة في البيت بعد 3 شهور من زواجنا طردني لاني اشتكيت من تقصيره و الحين مخليني مثل البيت الوقف لاني متزوجة ولا مطلقة فلا تشيلي في خاطرج راح يتزوج و يستانس كم من يوم و يرد لج و يتمنى رضاج |
اشكر كل من رد وخفف عني بس انا غيرت فشكلي وهويقول مو عن تقصير يبغى يتزوج بس هو الجواز في راسه واغلب العائله كلهم اللي معاه ثانيه واللي ناوي يتزوج الثانيه وهو يقول ماهم احسن منو
|
و الله ما دري شقوولج حبيبتي وايد رياييل يتزوجون بدوون أسباب غير شرع الله وربي حلل والله قال رغم إن زوجتهم الأولى يمكن يكوون ما فيها شي بالعكس ولكن شتقوولين هو الآن مصمم خلص وأبدا مثل ماتقولين ما عطاج أسباب بس اللي مستغربة منه انتي بعدج صغيرة !! انتي قدر الإمكان لا تبيني له زعلج وكدرج لأنه بهالحالة راح يصمم أكثر خلج قريبة منه ومعاه حركات و حاولي تضيفين أشيا جديدة ف حياتكم ومسألة إن العايلة كلها متزوجة وهم ما هم أحسن منه اسمحيلي هذا مب حجي يعني لو العايلة رموا روحهم في النار هو بيرمي روحه وراهم !! تبقين انتي الأصل صدقيني و مرده بيرد لج عاجلا ولا آجلا وعلى قولة القايل : ما يعرف قديري إلا لما يجرب غيري ربي يطمن بالج ويريحج ويكوون معااااااج ودي |
| الساعة الآن 03:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©