علي وشك ال 40 و هو يتماطل
 

السلام عليكم
اخوتي الاحبه اتمني ان تساعدوني في مشكلتي:
انا بنت علي قدر من الجمال و عندي شهادة عالية و وظيفه مرموقه و الحمدالله ... و من عائله اصيله و ذي سمعة طيبه .. مشكلتي انني كنت لاهيه في الدراسه وايد لدرجه انني ما انتبهت للعمر اللي يطوف ... الخطاب كانو يجون بس للاسف الاهل ما كانو ينصحوني افكر فيهم و دوم كانو يقولون راح تحصلين احسن
لين مضي العمر و وصلت 37 ... تعرفت علي انسان طيب و خلوق و من عايله زينه و وظيفه مرموقه يعني مو ناقصه شي و الحمدالله و مثل ما كان يقول حبني وايد ... في البدايه كنت متحفظه في الحب .. بس عقب شفت منه الحب و الحنان فبديت احبه
العائق بيننا في الزواج انني من فئه بدون الجنسيه و هو في السلك الدوبلوماسي و مركزه ما يسمح له يتزوج من غير مواطنه ... علي العموم هو اتكلم مع اهله و اهله وافقو علي و هو بدا يعدل من وضعي علي اساس احصل علي اوراق تساعدنا نتزوج ... و بعد سنه و نص من الصبر اوراقنا تعدلت و تجهزت ... بس شفته هو يتماطل ... يعني الحين اكثر من 6 اشهر اوراقنا جاهزه و هو مسافر لدوله خليجيه لاسباب العمل و ما يرد نتمم الزواج ... اهله يضغطون عليه انه يتزوج (هو عمره 45) يعني مو صغير ... و هو دوم يقول لي: احبج و مستحيل اتزوج غيرج بس لازم اخلص شغلي عشان افضي للزواج ... بس لمتي؟؟؟
انا تعبت ... صار لنا سنتين من تلاقينا و هو مسافر صار له 3 اشهر ... و انا علي شرف ال 40 من عمري ... يعني حتي قاعده افقد الامل انني اصير ام .. بس هو و لا يهمه
المشكله انني كل ما اتكلم معاه يقول الله كريم .. و ما اوصل لحل
تعبت ... هل انساه و ابدا صفحه جديده في حياتي ام اصبر ... علما بان اهلي ما يساندونني وايد و سلبيين .. انا اللي اشتغل و اصرف علي عمري و شايله همي
ساعدوني برايكم الله يجزيكم

انا احاول ما اضغط عليه .. بس المشكله انا حاسه انه هو خايف من فكرة الزواج و الالتزام ..
مابي اضغط عليه بس مابي بعد اصبر اكثر لان العمر يطوف
شكرا علي نصيحتك

يعني هو ما سبق له الزواج؟؟

تي لا تضغطي عليه بطريقة تدايقه
جيبها من ناحيه انك تبغين الامان والراحه والايام تمضي وهالكلام
اما الضغط عليه مارح يجيب نتيجه

لا هو ما سبق له الزواج .. لانه اول شي وايد كان مشغول بعمله .. و ثاني شي كان يهتم باخوانه بعد وفاة الوالد

عزيزتى الحل هو ان تتصلي به وتخبريه انه تقدم خاطب لكى ومواصفاته جيدة واهلك يضغطون عليكى للقبول اذا كان متمسك فيكى ويحبك سياتى ليتزوجك واذا تحجج انسيه واشطبيه من حياتك ةفقطار العمر يجرى من حقك ان تتزوجى وتصبحى اما هل تضمنى اان تزوجتم بعدسنتين ولاقدر الله لم تستطيعى الانجاب هل سيفكر ان لايتزوج عليكى للانجاب اسفة ولكن خوفي عليكى