|
أكتشفت أن خطيبتي بتتكلم مع شباب
بسم الله ارحمن الرحيم السلام عليكم ورحمة الله وبركاته أخواني اخواتي بصراحة أنا كنت بشوف في المنتديات عن الخيانة وبقرأ قصص وعجبني المنتدى في مواضيع بتشد الواحد انه يقرأ ويشاركـ فيه اللمهم لا اطول عليكم وندخل في الموضوع موضوعي سار قبل شهرين أوأقل ببدأ بتفاصيل القصة من البداية بعد ملكتي بفترة كنت اتواصل واتكلم مع زوجتي وهي تسكن في مدينة أخرى ومن يوم ماخطبت البنت وبعد الشوفه وانا ارتحت لها كثير وبدأت فعلا أحبها واحاول قد مااقدر اني اسعدها ولا عمري بخلت أو قصرت معها في اي شي بالعكس دئما جنبها ولا بفارقها الا وقت النوم طبعا البنت كانت من اختيار أهلي وأمي والحمد لله أهلها ناس محافظين وناس طيبة من خلال معرفة الوالد لأبوها لأكثر من 20 سنة تقريبا الموضوع بدأ من يوم أكتشفت أن خطيبتي بتتكلم مع شباب من خلال الفيس بوك والأسكايبي والماسنجر وأكتشفت ان في شباب عندها وبتتكلم معاهم في الماسن وقبل هذا أكتشفت انها بتكلم في الجوال شباب ويوم عرفت أقسمت بالله انه واحد يهددها ولا تعرفه ولا بينهم اي علاقة مع انه يوم ردت عليه كانت تكلمني وقفلت الخط وسمعتها تقول (( أهلين كيفك !!)) يعني باين ان الموضوع كذبه بعد ماعرفت كانت تقول ان امها تتصل ابغ اكلهما واكلمك ! اللمهم اتضح الامر وتفاهمنا فيه والشريحه اتكسرت ووعدتني ان ها الشي مايتكرر ابدا بعدها بفترة أكتشفت انها بتدخل النت زي ماقلتلكم فوق وبتخاطب شباب في الاسكايبي وعن طريق المحادثات الصوتية علما بأن حتى اختها بتسوي نفس الشي طبعا انا انفجرت وحسيت وقتها ان الدنيا ضاقت بي ولاعرفت اش الشي اللي اقدر اسويه وحتى اهلي عرفوا بالموضوع وحاولت امي تقنعني انه مجرد شيطان وتأثير من البنات اللي تعرفهم ومن ذا الكلام اللمهم البنت انهارت يوم عرفت اني اكتشفت ذا الشي بس وقتها قلت في نفسي يمكن كلام امي يكون فعلا صح بس وتفاهمنا ان هالشي مايتكرر وحلفت بالله لو راحت لها الاشياء انها تعتبر نفسها مطلقه بالثلاث وهي حرام علي لو جلست على الكمبيوتر أو حتى الجوال او اي علاقة غير شرعية بس ووصلت لدرجة قلت لها حتى لو في اي تهديد أو اي احد كانت بينكم علاقة أو حب صارحيني فيها وأنا بوقف معاك وبحاول أصلح هالشي وننهيه وسألتها كم شي هل أهل مجبرينك على الزواج ؟ فقالت لا بأختياري هل انتي مو مرتاحه معاي ؟ بتقول لا والله انا أحبك ومقتنعه فيك ولا أحد أجبرني عليك فقالت لا انا بس كنت اسوي هالشي بحس بوقت فراغ وكنت بعيدة عن ربي ومقصرة في صلاتي وانا بستعين بالله وبتوب عن اللي صار كله وانا عارفه انه شي خطأ خلاصة الموضوع انا باقي على زواجي شهرين والحمد لله العلاقة تمام وبيننا كل حب انا اوقات بشوف ان البنت ضعيفه وشخصيتها ضعيفة وبتحاول تروح من مشاكل أهلها لها الشي ومن خلال فترة ملكتنا حسيت ان فعلا عقلها وتفكيرها صغير لأبعد درجه فقلت أصبر وأستعين بالله وأحاول أكمل حياتي معاها وأوقات هالشي يضايقني ولا اعرف كيف مع اني ماصارحتها بذا الشي أبغ مساعدتكم كيف أعرف انها فعلا بطلت هالشي ؟ اش الحل اللي بيريحني ويخليني أقدر اعيش واكمل حياتي معاها أو حتى لو وصلت للطلاق مع انه اخر حل ابغ اوصله عشان مايكون فيه ظلم لي أو لها اي سؤال انا مستعد أجاوبكم بس تكفون أفيدوني |
اخي الكريم...
انت غير مطمئن اطمئنان كامل لها؟؟؟ والامر من فترة واخرى يعكر عليك حياتك...؟ اذا كنت كذلك ... فالزواج قسمة ونصيب... الله يرزقك ويرزقها.. |
السلام عليكم ..
سيطاردك هذا الموضوع طوال فترة زواجكما فيما بعد ... سواء تابت ام لم تتب وستظل دائما تتسائل اذا ما كان لها علاقة هاتفية او نتية بأحدهم وسينعكس ذلك على حياتكما |
السلااام عليكم اول شي انا توني مسجله بهذا المنتدى<<توني جديده
وعلى خطيبتك باااين عليكم تحبووون بعض حييييييييييل والله يوفقكم دنيا واخره بس الي ضيق صدري انهااا ليش تسوووي معاااك كذا بس احب اقووولك ترى البنت تحتااااااج لحنااااااااااااان كثيرررررررر صدقني مع انهاااااا لها علاااقه معاااك..والشيطااان باشياء زي كذا حررريص جدا خصوووصا اذا كاااان لها لاب توب لوحدهاااا يعن خااص فيهاااا.. بس بقووولك ترى الشيطاان هو الي لعب بعقلهاااااا وسهل لعب الشيطااان.. والحل انك اذا تزوجت مااااتحط لها لاب توب خاص فيهاااا قولها انا وانتي بواحد نلعب وهي بتـــــفهم قصدك وبتتذكر الي كانت تسوييييه من غلط وبتتقبل هالشي والجواااال خلك انت مراااقبهااااا من وين لوين بس من غييييير لاتلااااحظك عشان ماتصير لك مشاااكل معهااا بس انا عندي سوال من بعد الي شفته منها قصدي بعد الزووواج بيكون فيه شك من ناااحيتك لهاااا والله يوفقكم وجعلها مااااااااااااتشوف غيرك يارب |
والله ياأخوي أنا ماأبغى أظلم البنت
ولكن بما إنك تأكدت من أفعالها هذه وليست شكوك بل تأكدت وبإعتراف منها خصوصا انك تكلمها وهي مستمره في علاقاتها فأخي هذه إمراه لن تأمنها على بيتك وسيظل الشك حتى بعد الزواج :: فاللي هذا أوله ينعاف تاليهـ وبوجهة نظري ولو كنت مكانك وتأكدت من تصرفها فكل منا في طريق .. :: لا اريد ان هدم علاقتكم لكن هذا رأيي الله يسهل لك الخير |
انا مع رأي الاخت رسيل
حتى جوابها ما كان مقنع لما سالتها .. يعني حتى لو مقصرة وكل شي .. انت موجود عشانها دايما ! كيف تروح لغيرك ؟! لو انها من جد تحبك ما تسوي كدا .. اتوقع حيكون الوضع صعب عليك .. لانك حتشوف نفسك لا شعوريا تفكر انها بتسوي شي بس انت استخير وادعي .. وان شاء الله ربنا يكتبلك اللي فيه الخير |
صعب مادام ان باااقي لهم بس شهريييين صعب التسرررع من جد صعب
|
أنصحك بالتريث و الهدوء
والجلوس مع نفسك والاستماع لصوت ضميرك الداخلي بصدق وحساب موضوع الزواج من كل جوانبه فالزواج ليس حباً فقط وكلاماً معسولاً فقط واترك العواطف جانباً واستخدم عقلك بوعي وعمق حتى ترى الإجابة تسطع داخلك ::: الأمر ما زال بيدك وأنت صاحب القرار أرى أن تستخير كثيراً ::: كان بودي أن أقول رأيي الخاص ولكني احتفظت به لنفسي وهذا حسن |
أخوي لاتتهاون بمثل هذه الأمور اذا كان هذا أوله فراح ينعاف تاليه من هذا الاستهتار وعدم الامبالاة بمن ستصبح زوجتك .. إذن كيف سيتم الاعتماد عليها بتربية أطفال وجيل مسلم صالح
والذي من المفترض أن تترك كل شي سيء في عزوبيتها من طيش.. أعتقد حتى القاضي اذا أخبرته بما حدث ووو ألخ سيقوم بإرجاع المهر وهذا من حقك لأنه تم غشك أتمنى أن لاتغضب من كلامي لكن أعطيك وجهة نظري وإضافتي التي أرى أنه من الواجب وضعها لك وأتمنى لك التوفيق |
أشكركم على الردود انا ان شاء الله بستخير أكثر من مره مع اني استخرت كثير وبحس ان اموري كلها ماشية
وتمام الحمد لله واوقات بقول ذا يمكن أختبار من ربي ولازم أصبر واتحمل وان شاء الله فتره وبتروح الله يكتب لي اللي فيه الخير لاتنسوني من أفكاركم ودعائكم لي |
| الساعة الآن 10:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©