|
محتاره زوجي يرفض السفر والخادمه معنا ...
" السلام عليكم ورحمته وبركاتهـ "
منتداي العزيز اعرض عليكم مشكلتي وانا متاكده أن شاء الله انكم بتساعدوني الي الا الله ثم انتم ... شوروا علي منذ ان ولدت طفلي الثاني عمره الان4 شهور وانا اود السفر لكني انحرمت منه بحكم ابني صغير ويحتاج الرضاعه الطبيعيه والعناية والسفر يعيق ذلك بالنسبة لي كما ان لدي طفله عمرها سنتين و9 اشهر ... وقد اضطر زوجي للسفر بدوني مرتين.. المهم الان نخطط لرحلة لخارج المملكه اقصد دولة الامارات العربية المتحده ( دبي ) وذلك في بداية الاجازة بعد اسبوعين لكن تفاجاءت اليوم انه يرفض اخذ خادمتي معي في السفر ويقول اتركيها سالته مالسبب: يقول ابي اخذ راحتي معك اولا. ثانيا: لااريد ان نأخذ فندق بغرفتين نظرا للتكلفة انتو عارفين دبي واسعارها . ثالثا والاهم : ان خادمتي باسم اخو زوجي يعني صعب تطلع من البلد من غير تصريح ... ارجوكم ابغى حل لمشكلتي اليوم لما تناقشت قلت له مستحيل اسافر بدون شغاله !!! كيف امسك بنتي وولدي بنتي مازلت صغيره وتبي لها :30: متابعه واهتمام ولاتنسى انها ترضع وتلبس حفاظ الله يكرمكم وابني :15: يريد من يحمله ويهزه ويرضعه ويعتني به ويغير له حفاظ فقال لي انا علي البنت:23: وانت عليك الولد :15: قلت له انسى اسافر بدون خادمه قال خلاص اتركي الصغار...:11: عند اجدادهم قلت له مستحيل اتركهم ولدي يرضع مني وبنتي ماستغني عنها مقدر انام بدون ماتكون عندي الله لايحرمني منهم قال : خلاص بسافر لحالي اجلسي مع عيالك:( ان الان في حيييرة من امري ابي رايكم اجلس مع عيالي واحرم نفسي السفر خاصة اني مضغوطه دوام وظيفه وتربية صغار واترك زوجي يسافر لوحده والا اروح مع زوجي بدون شغالتي واتلخبط معاهم تعرفون المولات والاسواق وكل الاماكن محتاجه احد يساعدني ... دمتم بسعادة وراحة بال ... |
وعليكم السلام ورحمة الله وبركاتهـ يااختي قرات مشاكل عدهـ هنا بسفر بعض الزواج وحدهم فلتعتبري منها .. ولاتحرمي نفسك فرصة التنزهـ مع زوجك والقرب منه خصوصاًمع ضغط الدوامات .. وإنشغالكم بأعمالكم وحتى لا يعتاد زوجك على السفر دوماً بدونك فقد سبق مرتين وهذه الثالثهـ وبصراااحهـ فعلا هي تقيدكم .. وستصبح كالرقيب عليكم فنصيحتي لك دعي شغالتك عند أهلك فرأيي سافري انتي وأطفالك .. واستمتعي بوقتك وهو سيساعدك وفي السوق ضعيهم في العربية ألإثنين < اعتقد لديك ويعني تقدري تدبري نفسك مو صعبهـ صح ستكون ممله نوعاً ما لكن تكوني بقرب زوجك وهو الأهم وحتى لايشعر زوجك على الأقل بإنشغالك عنه بأطفالك :: لا تحرمي نفسك من شان الشغالهـ |
يابنت الحلال كلام زوجك منطقي و انت بعد حطيتي الكلام اللي وافق هالمنطق
الخادمة مو باسمكم و لا بترتاحوا و بتكلف غرفة! عزيزتي انت امهم و لازم الأم تضحي شويااات و تتعب مافي امومة بدون راحة بالنسبة للولد الصغير الله يحفظه راح يكون اصلا نااايم اغلب الوقت و يدوخ من العربة و المشي في المول فماراح تحسي بتعب و بنتك الصغيرة ايضا خذو لها عربة او خذو عربة ام نفرين لتكفيهم اثنينهم و اي حركة و تعبث تقوم به ,,خلاص زوجك راح يساعدك باللي يقدر عليه في المولات تقدري تغيري حفائظهم و بعدين تعطي الصغير رضعته كل اربع ساعات لتتطمني انه ما يجوع او يتضايق و الحمامات و انت بكرامة هناك مريحة و مهيئة لتغير الحفائظ يعني خليك حركية و مرنة مو كل حاجة تصعبيها ,,راح تصعب انا سافرت من كم شهر دبي و عندي بنتي عمرها 4شهور و بنت الثانية سنتين و8شهور و ايضا بنت خمس و نص!! بدون خادة و الحمد لله من كثر الدوران و المشي بالمول و الحركة و اللعب يرجعو الفندق دايخيين و يناموا على طول.. خذي سريرين اطفال من الفندق اطلبيهم من خدمة الغرف و صدقيني بما انه زوجك قال بيساعدك ودق على صدره فثقي به و لاتروح عليك السفرة,, |
تبريرات زوجك وحلوله جدا منطقية وواقعية فعليك الاختيار بين أحدها
|
حبيبتى ارى انك مبالغة بالمشكلة ارى ان تسافرى مع زوجك وتاخذي اطفالك وهما فقط طفلين حتى لوكانوا صغارا ماالمشكلة وبالاخص ان زوجك اخبرك انه سيعتنى بواحد منهم وهل كل الامهات لديهن خادمات والله استغرب منكم يااهل الخليج انو من اهم الضروريات الخادمة لماذا امهاتنا تنجب 10 ابناء وامهاتنا تتعلم وتتوظف وتلبي طلباتنا وطلبات ازواجهن ووالله انك لا ترى ابتسامة تفارق وجوههن رغم هذا المجهود ماتحكولى حياتنا غير وحياتكو غير بالعكس حياتنا اصعب ومتطلبات اكثر اسفة اختى سامحينى تقبلي نقدى
|
اقتباس:
صدق ماعندك سالفة....الحين زوجك يبي ياخذ راحتة معك...وانت ملزمة على الشغالة... انا بسفراتي مااخذها معي ولاافكر مع ان ولدي متعب...بس ماعلية...وغير كذا نفوسهم قوية... انا بالصيفية اللي راحت سافرت دبي وكنت حامل ومعي ولدي .. ولافكرت اخذ معاي الشغالة....قرفانة منها بالبيت ......والحمداللة مشيت اموري.. خوذي لك عربية اللي تكون مزدوجة(يعني بكرسيين)وحطي الصغار فيها وتمشي عادي... ذكرتيني بوحدة شفتها من المطار معها اولاد تقريبا بعمر اولادك ولاكان معها شغالة بس ماشاللة عليها ماحرمت نفسها من السفرة... وهو كثر خيرة عرض عليك المساعدة ...يعني راح يتحمل هو الجزء الاصعب في الرحلة(مطارد الصغييرة) انت بس معك الصغير اللة يحفظهم لك...وبالعمر هذا بس يشرب رضعة وينام..... بس لاتنسين تاخذين معاك ادوية احتياط(فيني فوبيا من مرض الاطفال في السفر) واستمتعي يابنت....واللة يحفظكم وترجعون بالسلامة... |
من راي اختي المسداني
لا تضيعي عليك السفرة |
بالعكس بدون شغاله تاخذين راحتك شكلك ماشتهيتي تسافرين !!
بعدين ماوراك الا هالثنين لاغسيل ولا طبيخ وش عندك ! |
غريبين هالحريم!!
سبحان الله! |
اقتباس:
سافروا و روحوا غيروا جو في الحدايق و الأماكن اللي بينبسطوا فيها أطفالك و زوجك |
| الساعة الآن 08:47 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©