|
كيف اتعامل مع زوجي
مساء الخيرات لكم جميعا:):)
انا اليوم حابه اعرض مشكلتي مع زوجي وياليت الي عنده حل لايبخل علي انا متزوجه من سنتين واحس حالي للحين ماني فاهمه زوجي احيانا احس انه ميت فيني ويطب فيني مدح وغزل واحس من نظراته انه يحبني بس مايبغى يعتر ف اذا سالته انت تحبني يقولي اذا انتي تحبيني انابعد اصير احبك:11:بداية زواجي كنت دايم اقوله احبك بس كان يحطمني يقول كذابه مافي حب غير بالمسلسلات التركيه:(وكل ماابغى اعبرعن مشاعري بهديه ولابحركات وليله رومانسيه يشوفها تفاهه للامانة انا ماعمري سويت ليله حمراء اخاف يكسحني عاد اناجدا حساسهوفي حاجه ثانيه ادري ولت عليكم بس تحملوني مالي غيركم ماقدر اقول لاهلي ياعالم احسه معي مبسوط وبعدين اكتشف من كلامه انه مو مرتاح اجيب لكم مثال البارح كان يبي ينام بدري ولماطلبت منه يجلس معي شوي طلع الي بقلبه قال ليش اجلس معك انت ماعندك سوالف ومشغوله بنت يااروح عنداهلي القى السوالف عندهم اواطلع بالشارع ادور الي يسولف علي والله العظيم انه كذاب اني ماجلس على النت غير اذا كان بالدوام اواذاكان برا البيت انقهرت وربي نمت ودمعتي على خدي ومادرى عني:19:لاتولون سوالفي معه ولله العظيم انالي مسويه له الجو بالبيت لوارد عليه كان قعدنا كنا خرسان كل واحد يطالع الثاني:11: |
مساء الفل
انتي لك سنتان وما فهمتي زوجك اجل انا وش اقول عن نفسي صار لي ثلاث سنين وما فهمت زوجتي ويمكن اموت وانا ما فهمتها فأعتقد هذا شي طبيعي وموضوع الحب زوجك عندة موقف سلبي من الحب ويمكن سبب عقدة وموضوع الليلة الرومنسيه ... يمكن زوجك غير رومنسي لاكن لا تترددي فيها وتحملي لو كسحك وشوي شوي راح يتعود اكتشف من كلامه انه مو مرتاح انتي غير الروتيني حق البيت يعني غيري الطبخ يعني كل يوم شكل وغيري شكل غرفة النوم والصاله يعني عيدي ترتيب حياتك من جديد لأن الواضح ان رجلك يمل |
خذي هذه الاقتراحات:
جددي في حياتك البسي لبساً مثيراً قولي قولاً مثيراً اطبخي طعاماً شهياً قدمي له هدية كل شهر أو شهرين اثني عليه وعلى جهوده وتعبه ادعي له أمامه امسحي على كتفه قربي له ملابسه قبل خروجه من البيت امدحيه وامدحي رجولته وأخلاقه أرسلي له رسائل بالدعاء له إلى جواله أرسلي له رسائل الشوق والحب جهزي له ليلة رائعة ولو مرة في الأسبوع احترميه وأطيعيه ولا تجادليه اعرفي المواضيع التي يحبها زوجك+ثقفي نفسك بها ولو بمعلومة بسيطة+ثم تحدثي معه فيها اخترعي الأحاديث والمواضيع ولو من الصحف اليومية اعرفي ما هو فريقه المفضل وهنئيه بفوز فريقه في المباريات ::: من العيب أن تقولي عن زوجك أنه كذاب حتى ولو كنت في حالة الغضب |
ههههههههههههه يسعد الله قليبك
والله اني اضحك وانا اقرأ الموضوع معليش اسمحي لي واحس اني ابي ارد عليك بالعامي :d اسلوبك جميل حاولي تستخدمين هالاسلوب الفكاهي معه لكن بحدود ودامه يقول ان مافيه الا بالمسلسلات التركيه يعني هو فاقد وراغب في اشياء من اللي ينعرض فيها دوري وش الناقص وكمليه يالله شي حيلك وسوي ليالي ملونه وابدأيها بالحمرا بس انتبهي مو كل شوي وانتي مسويه حفله خليه يشتاق وينتظر وحتى لو كسحك اضحكي ههههه والله ان الضحك يثلج القلب ليش تبكي ؟ يعني بتروح الضيقه مثلا !!! قولي له هذي حفلتي يالله المره الجايه عليك :d وغيري مواضيع سوالفك يمكن مايحبها وماهي من اهتماماته وابعدي عن الغيبه وسوالف الحريم والمقارنات بين فلانه وعلانه الرجل مايحب البنت السطحيه والله يوفقك |
شوفي ايش اهتمامته بالحياه واكتشفيها وتكلمي فيها اكيد الاشياء الي يجبها لو تكلمتو فيها رح تجذبو
اختي سوي ليالي حمراء وصفراء وخضراء بعد حتى لو ماحسسك من اول مرة شوي شوي بصير يعبر وتحسي انه مبسوط جددي بحياتك غيري من اسلوب لبسك وتسريحة شعرك ربي يوفقك |
أختي أنا مع ما قيل لك سابقا من الاخوة لاتملي ولتقنطي لأنه مع التكرار المحاولات وتنويعها ستفهميه وليكن في علمك أن الحياة الزوجية مرة حلوة وعسل ومرة غير ذلك يعني عليك بالصبر والمثابرة الله يوفقك ويصلح حالك |
| الساعة الآن 08:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©