|
زوجي ضايف زميلاته على فيسبوك
السلم عليكم
كيف الحال يا اخوتي حبيت استشيركم في موضوع زوجي موجود عندي في الفيسبوك واتفاجات انه ضايف بنتين يشاركون معاه في منتدى فكري علي فيسبوكه الشخصي باسمه الحقيقي هو في السابق كان ضايفهم في حساب فيسبوك تابع للمنتدي المشارك فيه وتصير بين الاعضاء مناقشات فكريه جدا محترمه .. مثل هالمنتدي وكان كل شي من حوارات بينه وبين الاعضاء و العضوات يصير امامي وانا كنت مشاركه في المنتدي بعد و اعرف هالبنتين من مشاركاتهم وهم بصراحه خلوقات و صاحبات فكر ناضج مره وحده اكتشفت انه مراسل المشرفه علخاص .. وشفت الرسايل بنفسي وكانت كلها عن المنتدي واموره ومافي اي كلام خاص بينهم و تخاصمت معه .. وقلت له انت حر بس هالشي ما يرضيني المهم لما شفت انه ضايفهم علي فيسبوكه الشخصي تضايقت لانه معناها انه تراسل معاهم وكلمهم انا عارفه انه زوجي ما تكلم معاهم كلام بعيد عن المنتدي و البنات ما شفت من مشاركاتهم الا كل احترام بس ابدا ما تقبلت انه يضيفهم علي فيسبوكه الشخصي معناها العلاقه ما صارت منتدي وبس صارت علاقه شخصيه و اكيد متراسل معهم عشان يضيفهم عنده بعد هو من قبل ضايف بنتين معاه فالجامعه ( هو يدرس فالخارج ) و صار نقاش فالموضوع .. و قال هم زميلات فالكلاس لا اكثر ولا اقل ... وهالشي جدا عادي الحين حابه اكلمه بالموضوع اللي مضايقني وابين له اني متضايقه انه ضاف بنات ماله اي علاقه فيهم علي فيسبوكه الخاص هل معاي حق اتضايق؟ وهل اكلمه فالموضوع؟ ولا اتابع اللي يصير و اشوف شو التطورات؟ |
وعليكم السلام
اول شي اختي انا شفت موضوعك وحبيت ادخل واشوف مشكلتك مع زوجك .. أتوقع .. بان من الأساس انتي ليه تسمحين له يدخل الفيس بوك كله رسائل وصور واشياء ماله داعي اظنها للمراهقين مو للمتزوجين يوم يدخلها .. واكيد دامه تعرف على بنتين بيتعرف على غيرهم عن طريق الفيس بوك الي انتي تتكلمي عنه .. صارحيه بالموضوع ولا تسكتي .. لمصلحتك ومصلحه علاقتكم انا اظن حتى لو يكلم بنتين او غيرهم راح تطور العلاقه من مسن لجوال واخر .. واكيد بيخونك خيانه زوجيه .. انتي صارحيه بالموضوع ( قولي له يضايقني هالشيء انك تدخل ..وتكلم بنات ) الخ .... واذا مارضى على هالشي تابعيه بنفسك ايش اسوي . . هذا ماعندي ولي ولك التوفيق .. |
اكيد احسن انك تصارحيه وتبينله انك مستاءة وان شاء بيتفهم
ربي يوفقك |
اختي كنت طفله
اخليه؟ ليش هو ولدي؟ هو ريال ..ياخذ قراراته بنفسه وما ينتظر موافقتي .. وهو داخل الفيسبوك من قبل ما نتزوج اصلا وهو عنده قناعه كامله انه مافي اي مشكله بانه ضايف بنات ما دام العلاقه بينهم مافيها ضحك وسوالف وجاده اما انا قناعتي انه المنتدي و تبادل الاراء فيه كافي و الفيسبوك ماله داعي مسالة اني اسمح له او لا مو بايدي ..ممكن اسوي مشكله كبيره و اقوله ما تدخل الفيسبوك .. سهله جدا .. بس الاكيد انه راح يدخل من وراي .. وبعدها انا بكون الخسرانه .. لانه حاليا كل شي تقريبا جدام عيوني و يصارحني فيه... |
انا من راايي تصارحيه
|
اقتباس:
خليك معاه .. اذا لاحظتي شيء ما يعجبك .. كلميه وصارحيه بأن الشيء هذا ما يعجبك لكن بأسلوب مناسب مو بالاوامر .. وبعدين لا تحنين .. ترا احيانا الزوجه من حنتها تفتح عيون الزوج على امور ولا جت على باله ابد .. انتبهي لاسلوبك علشان ما يضطر انه يخبي عنك بعض الامور .. ومادام هناك اختلاف بين رأيك ورأي زوجك .. فإما ترضين برأيه او تقنعينه برأيك .. والله يحفظكم ويسعدكم .. |
لمني الشوق اول شي اقولج احبج في الله
ثاني شي فكرت بكلامج زين فعلا انا ان حاورته فالموضوع بيكون هذا رده .. كل شي جدام عيونج .. وانا ما قلت شي غلط ..عارفه الرد سلفا بس الموضوع مسبب لي ضيق .. و يمكن الغيره داخله بالموضوع بعد عارفه انه كلامي معاه ما بيحل الموضوع وبنفس الوقت الموضوع مقرقع بقلبي و ما برتاح الا لو كلمته |
من حقك يضيق صدرك -
لانه شئ غلط - حتى لو حاول يبرر !! وهي -من وجهة نظري من خطوات الشيطان ولك الحق إنك تخافين على زوجك وبيتك نااااقشيه وبهدووووء وإحترااام وحاولي تاخذين منه اكثر مما تعطين - ان شاء الله فهمتي علي |
اختي عذوب
اسمحي لي ، انتي ماعندك شخصيه كامله تتملكي زوجك بأسلوبك الخاًص على قولتك هو مو طفل ولا ولد صغير عشان تعلميه وش يسوي .. بس اذا تم على هالحال صدقيني بيتعرف على بنات اكثر .. سواءاً قبل لا يتزوجك يدخل ولا لا ، ومو شرط يخونك مع بنات بس اوضح لك انه اذا تميتي ساكته على هالشي اظن انه راح يتعرف على اكثر من الي يعرفهم الحين والفيس بوك مو سهل كله صور وسوالف , ورسائل . . ع العموم دامك تظنين انه اذا صارحتيه بهالشي انه يضايقك شيء .. مايخصك شي بيرجع لك بس لاتنسين نقطه إنك زوجته ,, لك دور بحياته ويحق لك تغارين عليه وتقولين له الي مايعجبك . . هذا الي عندي وانتي اولى بهالشيء . .. |
بصراحة يمكن تستغربون من ردي ..بس أنا اشوفه عادي ..يعني شنو فيها اذا ضاف زميلاته ؟؟ اذا انتي وااثقة في زوجج مثل ماتقولي وايضا واثقة في البنات مثل ماقلتي انهم خلوقات وملتزمات ..وين المشكلة؟؟ وانتي قلتي ان يصارحك ويقولك عن كل شي ... .
|
| الساعة الآن 08:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©