|
ما الدعم الذي تحتاجة الزوجة بعد نفاس الولادة ؟
تحية طيبة قرئت في هذا المنتدى طيب الكثير من التوصيات للأزواج بزيادة الاهتمام بزوجاتهم بعد نفاس الولادة وبما ان زوجتي بحمد لله قد ولدت وستعود للمنزل بعد عدة اسابيع :28: خطر في ذهني هذا السؤل ما الاهتمام وما الدعم الذي تحتاجه الزوجة بعد خروجها من نفاس الولادة ؟ موفقين لكل خير |
مبروك ما جاكم .. يتربي بعزك ان شالله
اي زوجة والدة تحتاج الصبر وطولة البال بالمقام الاول من زوجها .. اقصد لان نومها بينحاس = شي طبيعي نفسيتها تنحاس واهتمامها بواجباتها كزوجة ليس كالسابق (وهذي حالة مؤقتة) لذلك ان امكن .. ساعدها اما انت او اهلها على الطفل عشان تقدر تاخذ كفايتها من النوم .. ثم .. الاكل قدرت تطبخ تمام .. ما قدرت هونها وكولو عند الاهل او من برا لين يكبر الطفل ويتظم نومه ونومها .. بخصوص النفسية .. راقب مزاجها بدقة .. فان كانت ماهي بمزاج كويس لا تطلب منها شي .. وممكن تطلع تخليها لحالها شوي عشان تستعيد توازنها النفسي .. بين لها كل فترة وفترة انك مقدر تعبها .. وان الامور ستصبح احسن ان شالله .. دمت بود |
ماشاء الله تبارك الرحمن
والله العظيم يا أخي موضوعك هذا يثلج الصدر ويحسسنا أن الدنيا لازالت بخير .. وهذا كان نهج النبي صلى الله عليه وسلم يتعاون مع زوجاته ويحزن لحزنهن ويفرح لفرحهن ... في الفترة الحالية : طبعا هي في بيت أهلها , مطلوب منك دااائما تروح تزورها واطلب منهم لا يكلفون أنفسهم ويعتبرونك واحد من أهل البيت , قول أنا جاي أشوف زوجتي وولدي وقبل لا تجي اسالها دايما وش تحتاج تجيبه معك ... دائما اتصل عليها وسولفها اذا لها مزاج سوالف واذا مالها مزاج اتصل عليها قولها وش بخاطرك ( اكل منمطعم , شوكليت , احتياجات لها وللطفل وغيره ) وأي شي تحتاجه جيبه لها لا تنسى طبعا هدايا لولدك ولها وحسسها انك فرحان فيه , واذا كنت مخطط بهدية لها بعد ما تخلص النفاس فممكن ولكن لا تقطع الولد وأمه من أشياء بسيطة لبعد الولادة مثلا في موسوعات للطفل تفيدها من هي حامل الين يصير لسن كبيرة وتقرأ وتتعلم خصوصا اذا اول طفل لها , بيعلمها أمور كثيرة عن ولدها وبتستفيد ... دائما اتصل عليها وأمرها أمر تأكل زين في نفاسها قولها أبغاك تطلعين من نفاسك مثل الغزال فلازم تاكل زين ولازم تشرب حوائج النفاس المعروفة وتهتم بنفسها ... بعد ما ينتهي النفاس : فيه فنادق تقدم للزوجين عروض حلوة ممكن تحجز بالسعر اللي يناسبك وتاخذ زوجتك وتنبسط معاها , واذا ما قدرت على فندق سووا حفلة لكم في البيت ... بعد النفاس عزز ثقتها في نفسها ولا تحسسها انها قل جمالها او اي شي من هذا ... واهم شي ابني حياتك مع زوجتك على التفاهم وأي شي في القلب تناقشوا فيه بهدوء وباذن الله اموركم تسير بالشكل اللي يرضيك ويرضيها ... الله يوفق بينك وبينها لما فيه خير وصلاح |
الاخت روعة المعنى و الاخت الماضي الدفين
اشكر لكم هذا المشاركات و النصائح الطيبة فقد رزقنا الله بولد قبل 3 سنوات و الان رزقني بفتاة اي انها الان لديها طفلين كان الله في عونها اسعد الله يامكم بالخيرات المسرات موفقين لكل خير |
زورها دايما وحسسها انك مشتاق لها ومو مصدق متى ترجع لك
وخذلها هدية وحاول تساعدها بالاطفال وكون صبور معها ربي يوفقك |
اهم شئ اصبر عليها وساعدها لانها الان تزداد مسؤليتها وراح تتوتر وتقلق اكثر خصوصا انه المولود الثاني يعني اللحين مسؤله عنك وعن طفلين وعن نفسها يعني اربعه <<< نفس وضعي انا وبنتي وولدي وزوجي احس انها كبرت مسؤليتي غير عن طفل واحد وهذا غير غيررة الطفل السابق يعني ربك يعيين
المسالة محتاجه وقت الى ان يصبح عمر الطفل فوق 3 شهور ويبدأ ينتظم نوومه الله يخليه ويصلحه حاول تخففف عنها وتطلعها من جوها واتمشوا وانبسطوا ربي يساعدكم ويهنيكم |
| الساعة الآن 05:59 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©