|
اختلاف الجنسية
السلام عليكم ورحمة الله وبركاتة .. اولاً اتمنى عدم التجريح والردود الجارحة لان كلنا بشر ومحد يرضى شخص يجرحة حتى لو كان شخص بينا وبينه شاشات .. انا ياطويلين العمر تعرفت على شاب لغرض الزواج من موقع زواج معروف تكلمنا وتفاهمنا اتضح لي من كلامة انه انسان ناضج وناحج وماشاءالله ناجح في عمله مده تعارفنا اسبوع في هالاسبوع قالي انة مو سعودي من جنسية اخرى وهو من مواليد السعودية ولهم 35 سنة لكن ماحصلو على الجنسية الى الان بيني وبينكم قلت عاادي ولا يهمك بقنع اهلي لاني مرتاحة له راحة عظيمة وحاسة فيه طيبة واخلاق ورزين مو مدح والله بس هالي شفتة في هالانسان المهم وقفت الموضوع معاه وانا في حيرة محتااارة ماني عارفة اخطي خطوة ولا ودي ابتعد لانة وجد فيني صفات تمناها وانا كذالك ودنا نتزوج بالحلال بس ( الجنسية هي البلا ) ماني عارفة شاسوي اخلية يتقدم لهلي واشوف رده فعلهم >> مشكلتي ما ابي احرجة اذا حصل من اهلي رفض والشي الثاني اكلم امي عنة انة من طرف زميلات لي بالعمل بس بصراحة احترت شلون ابدي لها وامهد لها الموضوع كل ماجيت افتح الموضوع الساني انربط انا ابية وهو يبيني وقالي انا مستعد اجيب اهلي ويقابلون امج وتتفاهم ويا اهلي بس قلت له صبر ماودي نتعلق ببعض اكثر له هو يبي يتقدم اليوم قبل بكرة ماااااااني عارفة شاسوي :confused: |
وهل أنت فعلاً لا تهمكِ جزئية الجنسية؟!
لا تفكري تفكيراً عاطفياً .. بل انظري لتبعات الأمر من الناحية العقلية .. كيف هو النظام عندكم في حال الزواج بغير جنسيتكِ .. كيف هو وضع الأبناء مستقبلاً؟ |
اقتباس:
حبيبتي انتي انا عادي عندي لاني ابيه لذاتة مو لجنسيتة ولا لصله اهلي والله ما ادري عنهم اكيد بكون فية رفض ولكن اقدر اقنعهم بس ماني عارفة شلون ابدا الموضوع انا ماعرف وايد بأمور الجنسية وكذا بس اللي اعرفة ان اللي امهم سعودية وابوهم اجنبي يتعاملون معاملة السعودي ولكن من الدرجة الثانية .. يعطيج العافية |
اول شي ربي يكتبلك الي فيه الخير بالنسبية لموضوعك استخيري اول شي وافتحي الموضوع مع امك وشوفي ردة فعلها
بالنسبة للحنسية نا من جنسية وزوجي من جنسية اخرى لكن جنسية زوجي تعتبر افضل مني من عده نواحي فيها ايجابيات وفيها سلبيات اختلاف الجنسيات فكري واسئلو عنه كثيررر قبل مايصير اي شي ربي يوفقك |
اقتباس:
ان شاءالله بفتح الموضوع مع امي وبشوف والله يستر يعطيج العافية |
اختي توت ربي يحفظك ويرزقك
حبيبتي أنتي اسبوع وخلاص تبين تتزوجين الرجال!!!!,اصلامجرد تقدم الرجل لك لابد ان تضربي له 1000حساب فليس كل من هب ودب يتقدم ببساطة . بينك وبينه شاشة وحروف فقط أرى أنهابداية فشل!! |
اقتباس:
اولاً : حبيبتي مو حنا البشر اللي نحكم على حياه ان كانت فاشله او ناجحة لانا مانعلم الغيب ولا اعتقد انج تعلمين الغيب علشان تحكمين بأنها نهاية فاشله في حكمج لها ياكثر الفشل في مجتمعنا السعودي وهاذا سعودي متزوج سعودية وياكثر التعليق والاطفال اللي من غير شهادات ميلاد والضرب والاهانة والطلاق اللي صار سهل بين الناس وعادي لو تسمعين بنتين مطلقات في نفس البيت ثانياً : هاذا تواصل من موقع مابتكي مع الرجال اسابيع وشهور وبعدة اقوله تقدم لي عقب ما اطق حنك وياه وسوالفنا تبتعد عن حدود الزواج والهدف اللي حنا نتكلم على شانة ثالثاً : اسبوع كافي وابية يتقدم مو معناتها خلاص تزوجتة او ما اعيش الا فية او بنتحر اذا ماصار نصيب !! رابعاً : من هم من هب ودب ؟ بشر ام حيوانات ؟ خامساً : بيني وبينة شاشة وحروف فعلاً ولكن في جيبي اسمة الكامل ومقر عمله وسكنة واسماء عيلتة .. مشكورة ع الرد ... |
أرى أنهابداية فشل!!
عزيزتي توت الإختلاف لايفسد للود قضية ...ولابد أن تحترم وجهات النظر:30: |
انصحك بالاستخاره
دعواتي لك الله يسعدك دنيا واخره |
حبيبتي اسبوع صعبه انج تعرفينه عدل ... بعد لا تنسين ان بينكم الشاشه و في الشات الواحد يقدر يلعب دور
انا من رايي تتكلمين مع الوالده لانها اكيد تخاف عليج و تعطيج النصيحع العدله عزيزتي ما قلتي شنو جنسيته هو. هل هو خليجي؟ ام من الجنسيات العربيه ؟ لو جنسيته اقل من جنسيتج راح تتعبين و علي اخر شي عيالج بعد يتبهدلون انا امي كويتيه و ابوي بدون و نحن عشنا كل حياتنا في الكويت من غير هويه ... تعب و شقاء ... و صدقيني اخاق يجيلج يوم تندمين علي هل خطوه ... انت ما تعرفين كم هي صعبه لما تروحين المستشفي او اداره او المدرسه و عيالج مو مواطنين فكري و استخيري بس لا تطولين الموضوع و خلي اهلج يعرفون دعواتي لج حبيبتي |
| الساعة الآن 07:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©