|
ما هي الطريقة المثاليه حتى تفتح قلبها لي
السلام عليكم رحمة الله وبركاته
مساء .. صباح .. الخير للجميع ارجع لمنتدانا الغالي وانا داري اني مبلشكم بمشاكلي لكن تحملوني بارك الله فيكم انا في حيره من امري .. خطيبتي (زوجتي)ّّّ!!! الظاهر انها بتزرع نخله في راسي مشكلتي باختصار : 1/ طول اتصالي صااااامته ولا تتكلم. 2/ اشحذها تقول كلام حلو . 3/ اطلبها بوسه عن طريق الجوال ترفض مدري مع انها باستني مباشرة لما جيتها . 4/ هل فارق السن سبب انا عمري 26 وهي 18 5/ انشق حلقي وانا اسولف لها واضحكها وهي ساكته ولا تتجاوب . 6/ مملك لي 5 اشهر ولا حيات لمن تُنادي تحسسني بانها غير رومنسيه وكذلك ما تعرف تسولف تلعثم لما تسولف لي . 7/كل هذا خجل منها مع اني بستها وضميتها . 8/ تموت فيني وتحبني بس مدري 9/ما هي الطريقة المثاليه حتى تفتح قلبها لي ........... 10/ ما هي الطريقه الحلوه الي تصلح لبنااات اعمارهم 18 سنه . شاكر ومقدر |
اقتباس:
اول شيء ماشاء الله تبارك الله واللهم لاحسد انا بصراحه اهنيها فيك :d بس بما انها المسكينه تتلعثم فهي خجووووله مررره مررره مرررره :17: وبعدين 5 شهور ؟؟ ترا والله ماشوفها كثير وكفايه لكسر حاجز الخجل عندها مدري والله يمكن لساتها ماتعودت لكن شوف لو عندك ايميل حاكيها فيه(( ماسنجر ))وشوف كيف يطلع لها وجه ويطلع الكلام كله :d اسأل مجرب :d |
اقتباس:
لتكن أنت الرجل الفنان .. : اخي ليس لدي نصيحه معينهـ لكن بما انها تحبك .. وقد تتجرأ معك في زيارتك فقد تكون تسمع لنصائح غيرها .. أو قد تكون خجولهـ كثيراً مو شرط تجرأت مره معك أن تكون جريئهـ وبما إنها تتلعثم معاك فهذا دليل خجلها :: حاول معها ... لاتطلبها بل تكلم وابدي مشاعرك وستتجاوب معك .. قد يفيدك غيري أكثر .. دعواتي لكم بالتوفيق |
صدقني مهما كانت خجولة منك الحين بيجي يوم و بينكسر الخجل بس انت ما تغير معاملتك معها انا كنت كذا في البداية بس خطيبي ما يأس صدقني مع الوقت بتتغير ان شاء الله و اهم شي ان الحب موجود بينكم
موفقين يارب |
البنت قد تكوون خجولة كثيرا منك , و 5 شهوور قد تكون لم تكسر هذا الحاجز إلا حد الآن , أنت ذكرت أنها تحبك وهذا شي جيد , ربما هي تريد أن تعبر لك عن هذا الحب ولكن خجلها أو ربما مثل ما ذكرت اختي الوان النقاء قد تكون تسمع نصائح من الآخرين تحدث معها بالمسجات حينا , وبعدها تحدث معها بالمكالمة , أو تحدث معها بالمسنجر حاول أن تطرح عليها أي مشكلة واطلب رأيها فيها وكيف سوف تتصرف حيالها بذلك سوف تنجبر أن تتحدث وشيئا فشئا تتعود وينكسر هذا الحاجز أو في زيارتك لها اهدي لها كتاب " تخلص من الخجل " كتاب مفيد جدا قد يغيرها للأفضل أتمنى لك حياة سعيدة وموفقة ودي |
نور المنتدى اخوي
تصدق اخوي انا انخطبت اول مرة شهرين وتركنا ورجعنا لبعض بعد 8 شهور وضلينا 6 شهور والحين متزوجين من شهر وشوي للحين استحي منو؟!! تخيل فما بالك بخطيبتك؟ احيانا الوحده مو بيدها بالذات الي متعودين يعبرو عن مشاعرهم بشكل عام انا كثير احيانا اضم زوجي ويجلس يقولي كلام حلو بس انا استحي ارد عليه مااقدر بس شوفني بالمسجات شاععععععرة بس عالتلفون ولا لما يكون قدامي مااقدر بس احبه الا واموت عليه كمان بس مااعرف كيف اعبرله جرب تراسل معها بدل ماتكلمها وشوف ايش رده فعلها وصدقني لاتزعل لانو هالشي مو بيدها بس شوي شوي ومع الوقت بصير يروح هالحاجز وربي يوفقك ويسعدك |
اخوي الكريم انا نفس طريقتك عمري 28 سنه وهي 18 سنه وزواجي الاسبوع الجاي وكانت مره تستحي وهذا شي طبيعي ونت مو ع طول هاتي بوسه تسبب الخجل وحمد ربك انك عارف انها تحبك وانصحك بكتاب تهديها زي ماسويت انا اسمه بين الملكه والزواج بلا خجل رايحة تستفيد منه كثير ويوجد في مكتبه جرير وتمنى لك وللجميع السعاده والتوفيق
|
هي خجوله وانت لاتستعجل عليها اصبر عليها
|
عريس بكراتينه
يمكن تقول عني صغيره ومااعرف شي بس يسعدني زي ماقدمت لي نصيحه اقدم لك شي يمكن يفيدك انا زيها تمام موووووووووووت استحي وأخجل لدرجة اني كنت ابكي :eek: وزوجي حرام مسكين يحاول فيني لدرجة اني كرهت حالي وقلت شكلنا كذا ماراح نكمل مع بعض واتهمت نفسي بعدم الإحساس والبرود العاطفي :29: واول الشهور كنت في مكالماتي مع زوجي عباره عن (سايلنت) وهو بس اللي يحكي :rolleyes: طبعا زهق من هذي الحاله وبرغم كذا حس فيني وطول بالو علي واتبع معاي اسلوب كثيييييييير حلو وساعدني بصراحه اتجاوز هالأزمه >> أزمة السكوت المطبق :25: وصارت مكالمته لي عباره عن (( استجواب )) عن كل شي يبغى يعرفه فيني بس يكون الحوار أسئله مو كلام عايم على بعضو لأنو عارف اني ماراح اعلق :o حتى بعد شهر من الخطه هذي فاجئني وقال لي المكالمه الجايه ابغاك تكوني حضرتي كذا سؤال لي في الأشياء والشغلات اللي انتي حابه تعرفيها عني ولا تخلي السؤال طويل عادي >> من باب اتحمس واتشجع ! وفعلا فكرت في سؤالين وحسيت حالي فرحانه بنفسي اني قدرت احكي معاه واتكلم واسئلو زي مايسألني:d وعلى فكره اسلوب - الاستجواب - يخليها مره عن مره ترد وتجاوب لحد ماتوصل للمرحلة اللي انت تطمح لها بس يبغى لها صبر وزي رأي (( أمواج المحيط )) الماسنجر غيرني كثير وخلاني احسن من الأول لدرجة اني الحين تجرأت ولأول مره ادخل وأشارك في حياتي في النت بطرح مشكلتي :17: يارب تنحل مشكلتك ويارب أكون قدمت في ثرثرتي هذي شي يفيدك الله يسعدكم ويسخركم لبعض |
هناك طريقة لم تجربها
و هي ان تسألها عن يومها هي,,بدون كلام حب و قصدك انها تعبر لك عن حبها لا ,,استمع لها و اسألها عن تفاصيل مشاعرها في ما مرت به من أحداث يعني كونها في المدرسة ,, اسألها عن يومها عن المواد عن رأيها بالمادة الفلانية عن شعورها في الموقف الفلاني اللي كلمتك فيه , وش ناوية تسوين بعد كذا و الخ ,,يعني كن مهتما بما تقول و اظهر ذلك بنظراتك و كلامك وليس ان تنتظر ان تنهي ماتقول المرأة لو شعرت انك مهتم بتفاصيل حياتها ,,تشعر باهتمامك و تحبك و تخرج منها الكلام لوحدها |
| الساعة الآن 06:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©