|
زوجي أناني و يضربني هل أطلب الطلاق
السلام عليكم ورحمه الله وبركاته يعني اجلس بالبيت شهر او شهرين عادي عنده لما ابقى منه يوديني مشوار يأجله اسبوع اسبوعين والله تعب اذا قلت له ابقى اروح اتمشى اروح عن نفسي شوي يقول ماحب اوديك مكان فيه ناس واجهته وقلت له انت شاك فيني او سامع عني شي تكلم مارد علي وحتى المصروف اقل القليل وكل عنده مو ضروري وهو مايقصر على نفسه بشي سواء يحتاج او ما يحتاج احسن اجهزه الابتوب واحسن السيارات والله اللي يشوفه يقول مليونير وانا لما اطلب يقول ما عندي هو راتبه زين بس كله يروح في اشياء مالها داعي ارجوا مساعدتي في حل مشكلتي ولكم مني خالص الدعاء انا متزوجه منذ 7 سنوات ولدي اطفال والمشكله تكمن في زوجي الغيووور والاناااااااااااااني لايريد مني الخروج من المنزل حتى ل الضروره يريدني فقط اربي الابناء واقوم باعمال المنزل انا كتبت المشكله لانه السنتين الاخيره صار يمد يده على اتفه الاسباب كأني طفله واذا قلت له يقول اربيك والله العالم اني ماني مقصره معاه في شي بس يدور علي الغلط المرأه عنده في الفراش وبس انا تعبت وذا قلت له شي يقول لاتقارنين نفسك بغيرك ومدي رجولك على قد لحافك يقصد اهلي طبعا لانه بيئته تختلف عن بيئتي 180 درجه وانا بدايه الزواج قلت له حنا مو مناسبين بعض خلنا نفترق رفض حسيت منه يبقى يذلني انا الان في حيره هل اكمل معه المشوار ولا اطلب الطلاق لا تقولون عندك اطفاال ارجو المساعده تم تعديل العنوان ليتضح المضمون |
الله يكون بعونك حبيبتي
بس ماني عارفة هل هذه فعلا غيرة ولا شك ولا فعلا سامع عنك شى مو معقول حياة زي كذا هل مثلا يراقب جوالك يترقب حركاتك يتجسس عليك؟ |
الله يعينك
هل عندك أحد حكيم بعيلتك ؟ممكن يأثر على زوجك لو تكلم معه و صار واسطة بينكم حاولي تجدي الحلول قبل اللجوء للانفصال مشكلة الضرب مشكلة لا يسكت عنها أما الخروج وضيق الحال ، فما لك إلا الصبر و الدعاء و الكلام معه بهدوء بحيث تشرحي له وضعك بكل ود و حب انك مخنوقة و بحاجة لراحة و اشرحي معاناتك و حاولي ما توتريه اذا كان غضبان حتى ما يمد يده عليك لما تطلبي أي شي اطلبيه بوقت يكون فيه زوجك رايق منتهي من طعامه و اطفالك نايمين لا تطلبي شي وانت غاضبة او متوترة بس الآن وقد فاض الكيل ارى ان تدخلي أحد من أهلك لكن بشرط يكون حكيم و ما ينشر سرك |
أختي ,, هل هذا حاله منذ أن تزوّجتي به ,, أو هناك موقف معيّن أو سبب واضح ,,
جعله يتصرّف بهذا الشّكل ؟؟ حبّذا ,, لو تكلّمتي عن ردود أفعالك ,, تجاه سلبيّاته .. |
صبااح الخير
اختي انا اشوف انه عشان اطفالك لازم تتحملين وماتطلبين الطلاق بس عندك حل ثاني اكيد راح يجيب نتيجة لو عملتيه بكل ثقة بالنفس وقوة شخصية ...." انك تزعلين...." وماتكلمينه وتتهربين منه وانتي زعلانة وتتهربين منه بالفراش وماتعطينه نفسك بما انو هاذا الشي الوحيد الي ممكن يلفت نظرة لو منعتيه عنه انا مااشوف الطلاق حل اشوف المشكلة بااسلوبك معه شكلك تحبينه وماتزعلين لما يفرض عليك قوانينه ولاتعارضينه وشكلك تدللينه ووخليه يكلمك بااحترام وهو يتناقش ولو ماتكلم بااحترام معك ابعدي واتركي المكان عشان تحفظين كرامتك ومايتطور الى الضرب والله يكون بعونك واوصيك اختي بقيام الليل والاستغفار انا اعرف وحدة زوجها مد يده عليها تخيلي وش سوت قامت تمشي بالبيت متغطية بالنقاب ... صدمته حسسته انه مايستاهل يشوفها وطولت بهالحركة يمكن ثلاث ايام وهو يبي يشوف وجهها تقول كانه ماعمرة شافه من كثر الحاحه وهي بينت له انو غطيت عنك واحرمك نفسي لانك غلطت ومديت يدك وانو ماجلست بالبيت الاعشان عيالها تقبلي مروري دنياي دنياك |
اخر الدواء الكي
لاتستعجلي في طلب الطلاق حاولي فهم مزاج زوجك ربما طريقتك في توجيه طلباتك لا يحبذها فيعاند وبعدها تتطور الامور اكثري من الدعاء والتوجه لرب العالمين فهو الوحيد القادر على تغيير معاملته معك فكري مليون مرة في مصيرك ومصير ابنائك في حالة الانفصال وياما رجال كانوا اكثر عنفا من زوجك قلب الله قلوبهم 180 درجة آسف على الاطالة وفرج الله همك وكشف غمك |
زوجي كمان ما يسمحلي اخرج وحدي وزوجته الاولى تخرج وحدها ولما طلبت منو يفسرلي ها التصرف قال لي انتي صغيرة وحلوة اغار عليك وهيديك امرأة فوق الاربعين ما بغار عليها
وفهمت منو انه يحبني كثيرا وهدا يفرحني اختي الغالية زوجك مثل زوجي هو يحبك ويغار عليك لازم تنبسطي بالنسبة للضرب فربما لا يقصد ايدائك بل تربيتك مثلا انا ادا كررت الخطأ عدة مرات يحبسني زوجي في الحمام هههههه وبعض الاحيان لايتمالك نفسه ويمد يديه علي وهدا لا يعني انه يكرهني بالعكس تقبلي مروري |
جزاكم الله خير الجزاء على الردود
واحب اجيبكم هو يحبني بس حبه لي حب تملك والدليل لما اروح عند اهلي يسمعني كلام حلو واي مشوار ابقاه يوديني طبعا اهلي في ديره وانا في ديره ااكل يقول اني على نياتي وشخصيتك ضعيفه وهذا ماينفع في هالزمن والله اني متنازله عن اشياء كثيره بس تعبت تعبت نفسيا اخر مره قبل اسبوع كتبت له رساله اني رافضه اعيش معاه واخذت قراري والعيال هو يحكم مع مين يعيشون لان نقطه ضعفه عياله اثرت فيه شوي لان الكلام قوي بس بعدين ولا كنه شافها انا من النوع الكتوم ما احب افشي سري لاحد بس احس اني بنفجر خلااااااااااااااااص ما اقدر اعطي اكثر |
اقتباس:
هل حاول بعد ما قرأها يعدل تصرفاته ؟ اجلسي معه جلسة صراحة و كوني حازمة بموضوع الضرب عليه ان يحترمك و لا يضربك |
اقتباس:
وزوجته الي فوق الاربعين يسمحلهاتخرج لانه عارف انهاعاقله وحكيمه ومستحيل رجل مايخاف على زوجته حتى لوعمرها60 لانه اسمهامرتبط بااسمه يعني اي حاجه بتصير حيكون هو المسؤل عنها والي يحب شخص مايحرمه من الاشياء الي يبيها ومستحيل يمد يده عليه مهما صار...اتمنى انك ماتشوفي نفسك على زوجة زوجك الاولى لانها الاولى..في كل شي انا شخصيا عمري 28 سنه وشكلي اصغر من سني وموناقصني شي بشهادة زوجي ومدحه لي وانه محظوظ لانه تزوجني ومتأكده ان زوجي يحبني ويغارعلي لكن مايمنعني من الخروج مع صديقاتي لانه واثق فيني احيانا يعصب علي بس مايضربني لانه سبق وفهمته لو في يوم مد ايده ماراح اجلس في بيته دقيقه |
| الساعة الآن 08:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©