|
مسلسل خيانات زوجية هل من نهاية
السلام عليكم ورحمة الله وبركاته
انا متابعه صامته لهذا المنتدى منذ سنين وقد استفدت كثيرا منه ولكني لم اطرح يوما مشكلة لدي لكني اشعر اليوم بصدمة كبيرة وحيرة كبيرة جعلتني لاافكر الا بكم لاني من النوع الكتوم جدا لااحب لاحد ان يعلم بمشاكلي وما اعانيه وخصوصا اهلي بحاول اختصر واوضح بس سامحوني اذا كان اسلوبي ملخبط او ضايقتكم بس ضاااقت علي الدنيا عارفة اني احسن من غيري كثير وهذا الي استفدته من ذا النتدى بس الواحد قدرة تحمل وانا صبري خلص انامتزوجة من خمس سنوات تقريبا وعندي طفل انا تربيت ببيئة نظيفة وكنت محافظة على نفسي لاشد درجة يعني حركات البنات مرة ما عندي كنت اقول انا بكون مخلصة لزوجي من الحين قبل اعرفه عشان ابغى نفس الشي وكنت ادعي الله بزوج محافظ ومخلص ولما تزوجت دخلت حياتي الزوجية عالاساااس ان زوجي مخلص وكنت اصدقه بكل كلمة يقولها بس اكتشفت العكس بعد سنه من زواجي اكتشفت اول خيانة كانت مكالمات جوال بس وعرفت من االبداية سبحان الله وواجهته علطوول وقال انها مجرد مكالمات مع وحدة مدري من وين جابت رقمه وحس بالفضول لانها تعرف معلومات عنه فمشى معاها الموضووع طبعا انهرت وتعبت نفسيا كان الموضوع كبير علي مررة ماكنت اتوقعه يحصلي انا والمشكلة قلب الطاولة علي واني مقصرة معه وانه يبغى يتزوح لو استمر الحال كذا انا كنت دوبي والدة وصدقته رغم ان الكل يحسده علي مو مدحا بنفسي وعشت بعدها بشك واكتشفت ان بعد ما اتواجهنا ووعدته بالتغير ووعدني انه يسيبها انه رجع يكلمها لان كانت في بينا شوي مشاكل تافهة وظروف بعيلته ونفسيته تعبت ورجع كلمها وكله بظرف شهر هنا استغلني بشكل كبير لما افتكر احس اني غبية صار نقاش وكالعادة طلع الغلط علي وحلف بالقرآن انا ما عاد يكلمها والبنت قعدت تتصل عليه دايما وتلاحقه برسايل ودقات احيان يقولي واحيان لابعد ما اتفقنا عالصراحة ولما كنت اكتشف لوحدي اتصالاتها يزعل ومنعني امسك جواله وحلف يمين طلاق وفعلا ماصرت امسك جواله بس الشك كان ذابحني وفقدت ثقتي ينفسي لانه هو اصلا غامض جدا وصرت ما اصدقه وادور وراه دايما ولقيت كثير اشياء مالها تفسيروحتى لو واجهته يقول قصة مدري جد ولا صدق المهم مرت الايام وانا فعلا تغيرت بدرجة كبيرة بس هو مستحيل يرضى احسه طماع كل ما تغيرا يبغى اكثر يعني في اشياء ما تتغير بالانسان اطباع ورغم كذا غيرت كثير وعدلت بعدها بسنه ونص اكتشفت بالمسن ومواقع التعارف خيانااااااات ومحادثات بس وحده من المحادثات كانت كانهم يعرفو بعض ويتقابلو غير مكالمات الكام وواجهته وا هنا كانت حجته انها هبالة ولعب وانه قابلها مرتين بمكان عام من بعيد رغم انه علاقتهم كان لها 6 اشهر بس كنت ناوية الطلاق وقلت بروح لاهلي بس قعد يبكي وانه يحبني ومن ذا اللكلام فسامحته ورحت لاهلي اسبوع ارتاح وماقلت لاي احد وانا كنت شاكة انه يكلم بنات ع المسن لانه كان يقعد بالساعات وكنت اقوله انتبه الشيطان كان يقول انتي مريضة وينكر ومن بعدها ماصرت اصدقه ابداااااااااااا رغم اني كنت بدات اتشافى من شكي بس اللي صار خلاني احسه دايما يكذب علي وانه قد خاني كثير قبل كذا والمرتين ذول من 100 مرة ولاقدرت انسى لاني قرات كلام صدمني كان يكلمها عني وان بينا مشاكل وانه ناوي يطلقني وانه يحبها وكلام لما اذكره ابكي علطول ومرت سنه بعدها واضطر زوجي يسافر والظروف منعتني اسافر معه وقعد فترة طويله بره البلد طول هذه الوقت وانا شاكة وهو يحلف ايمان الله انه مايخوني بس انا ما اصدقه لاني فاهمه حلفانه هو مايعتبر كل اللي فات خيانه الزنا بس هي الخيانه عنده لان دايما لما يصير شي يثير شكي واواجهه يقول واالله مااخونك ولاعمري خنتك وقبل فترة جا زيارة حسيته متغير جواله مايسكت حريص اني ما اشوف الرقم السري حتى لاب توبه ممنوع امسكه ويقعد عليه بغرفة تانية تناقشنا وقلت له طمني انت بعيد عني والشيطان يوسوس نفس الشي مانطلع الا اني مريضة وشكاكة وبالنهاية فتح لي مسنه وقعد يمسح بايميلات البنات اللي من ذاك اليوم وان حاط عليهم حظر ومايعرف يمسح يعني فتحه بسرعه ومسح كم ايميل والي خلاه يسوي هالمكرمة الملكية هو طلب ابوه منه لان هو شك في لما يشوفوه عالاب بغرفه لوحده ورغم اني ما اطمنت ميه بالميه لان ممكن يرجهعم بسهولة ومممكن يكون بعض اللي قال هذولا اصحابي يكونو بنات بس سويت نفسي صدقت ورجع سافر بعد فترة من سفره زي العادة انا الي ادوره بالجوال وعالمسن واحاول اتواصل معاه واحس اني بعالم وهو بعالم وحسيت انه يحطني بلوك لاني اكتبله اشياء مستحيل مايرد عليها ومايرد وبيوم جاني فضول اشوف ايميله ورغم اني ماا عرف الباسوورد وقد حاولت وماعرفت اخمن هالمرة فتح معاي وياليته مافتح اكتشفت بنات ورسايل وغزل واكيد كام وفيس بوك ونت لوج وجوالات ومواقع دردشة وتعارف بالصور اجنبية يعني شفت بلاوي بس بعد كل الي مريت عليه حسيت ان ممكن يكون طيش ويعدي وعشان الغربة وكذا بس في رسايل مع وحده قلبتني واللي خوفني انها اجنبية ويقولها انه يبغى يطلق ورسالة تانيه انه طلقني ولانه بالانجليش مافهمت تمام بس هو قالها كذا لانه بيقابلها او انه قابلها مدري وقال قصة الطلاق لان الاجانب لو يبغو علاقه جدية مايرتبطو بواحد متزوج وذها الكلام هو اللي قالي اياه فقالها نه طلقني عشان يرتيط فيها طبعا للما شفت كل ذا خلاص اسوديت الدنيا بعيني يعني كفاية صبري على بعده كاني زوجه مع وقف التنفيذ كمان خيانات والله اعلم لوين وصل استنى الين يسوي مصيبة ولا ينقلي مرض دخلت المسن وبدات اكتبه رساله بقوله باللي شفته واني ابغى الطلاق ماا قدر اعيش هذه العيشه هو واثق من حبي فقاعد يلعب على كيفه ومتعود الغبية تسامحه لكنا هذه المرة لا لو اسلخ جلدي عن عظمي ما عاد ابغاه بعدين اترددت اعرفه بيقلب كل شي علي احترت ايش اسوي ابى اتكلم ابغى افضض ايغى احد يحل لي المشكلة تعبت من التفكير طبعا لي يومين من فتحت ايميله بس اليوم شفت رسايل هالبنت الاجنبية والي خلاني ابطل ارسل باخر لحظة ان تاريخ الرسايل قبل يجي السعودية فابغى اشوف يمكن فعلا بطل وبعدين اقول لو بطل ليه مخلي ايميلاتهم عشان زي كل مرة فترة يسيب وروجع او ممكن يكلمهم بس مسن ماراح يبين ادري طولت عليكم بس محتاجة اي نصيحة اوفكرة تخلصني من ذا الهم احس عقلي متوقف ابغى نهاية لكل الخيانات ذي وايش اسوي الحين ارسله ولا استنى اشوف يمكن الاقي شي ولا اسوي نفسي ماشفت بس انا اعرف نفسي ما اقدر يبين علي ساعدوني لو بدعاااااااء الله يرده لي يااااارب |
اقتباس:
بصراحة حريم الزمن غريييبين!!! وش سالفتكم انتوا !!!! وش يرمي الغلط علي!! وش يقلب الطاولة!!! والله يقلب الطاولة ارمي الكراسي عليه واكسرها فوق راسة!! ليش صايرين سلبيين للدرجة هدي!! لهالدرجة ماعندكم اسلوب بالنقاش والمحاصرة!!!! اي حبيبتي احاصره من كل جهه .. لو جاب لي عدر من اليمين اصكه يسار.. يجيني يسار اصكه يمين.. يرمي الغلط علي قولي له حبيبي فيني عيوب صارحني ووظحلي اغلاطي مو لما افاتحك بمصايبك ترمي الغلط علي!!!!! وأصلا سهولة ردة فعلك هي اللي خلته يتمادى .. وصدقيني ماراح يبطل لمين تعطينه ردة فعل جاااامدة يالله يصحى.. |
زوجك شكله لعاب ..
روحي عند اهلك واسحبي عليه كم شهر ودوريلك اي حجه تقولينها لاهلك .. واذا رحتي عند اهلك قولي ان مابينكم شي بس حابه تغيرين جو ,, وسوي نفسك تتصلين عليه والامور طبيعيه علشان مايعرفون .. وقوليله اذا انك ماقلتلي لاهلك السالفه واذا بيقولهم قولولها ترجع راح تلطبين الطلاق .. >> اهم شي اهلك مايدرون يعني اذا كلم اهلك وقالهم كلموها اقنعوها تجي اذا قالهم كذا قوليله انا بقولهم اني رحت بيت اهلي علشان خيانتك بكذا الرجال بيتعلق بيجلس بدونك ولا يقدر يكلم اهلك علشان ترجعين واتركيه كم شهر .. ( فرصه ) وارجعي له واذا رجع مره ثانيه للخيانه قوليله الطلاق وروحي بيت اهلك وعلميهم علشان تكوني ريحتي ضميرك واعطيتيه فرص بما فيه الكفايه .. لانه يا اختي الي يخونك مره ومرتين وثلاث هذا مايستاهل تعيشين معاه ولا تنسين تقولين له يحلل اول مايرجع من السفر .. |
شكرا الك حبيبتي
بس والله لاتفكريني اسكت له ولا اقتنع بكلامه ودايما ينتهي النقاش ولا استفدنا شي واحسه احيان يقتنع بس هو مرة يكابر وواثق من حبي مررة وفي نقطة معقدتني انه خاني بعد مشكلة بينا فصرت احس اي شي يبصير بيروح يخوني واعترف اني صرت شكااااكة وشكي واضح واكيد ذا غلط فصارت العلا قة والنقاش اصلا قبل يبدا توتر وكثرة النقاشات خلت موقفي ضعييييييف |
والله العظيم استغرب من الحربم الي يكتشفون خيانات ازواجهم ويسكتون عليهم .. اتفه ناس الي يخونون زوجاتهم
واذا رحتي بيت اهلك قوليله خلك عند خوياتك خل يربون عيالك |
اقتباس:
انا مشكلتي كيف اواجهه ياما تمشكلنا عموضوع تفتيشي من ورااااه هذا اللي مخليني اتردد |
اقتباس:
واحس زوجي فيه خير غير اني مو متاكدة من موضوع الزنا احس لا يخاف هو من ذي الاشياء |
حبيبتي لين متى بتسكتي على خيانتو ترى اللي يخون مره و2 اغسلي يدك منو
لازم تواجههي خلي يزعل انك تفتشي وراه اذا قلك اي شي قوليلو انت اللي خليتني كدا لو انك محترم حالك كان مادورت وراك وبعدين هو مبسوط وعندو عادي اذا اكتشفتي الامر لان حتتمشكلي معاه ويقلب الطاوله على راسك وتسكتي لازم تاخدي موقف صااارم عشان يبطل ويعرف ان كرامتك فوق كل شي روحي لاهلك واجلسي شهر وقليلو خلي صحباتك ينفعوك طالما انا مالي لزوم بحياتك وقوليلو ترضى اخونك ؟؟؟؟ :11: او انك تتحملي وتسكتي وكانك ماشفتي شي وتبطلي تتدوري وراها لان يقولك من شب على شي شاب عليه:29: وتتعودي على خياناتو اللي ماحتنتهي:(:( والله العظيم حاله مدري متى هالرجال اللي يخونو بيبطلو وربي شي يرفع الضغط والله يهديه ويسخرو لكي |
شوفي حبيبتي زوجج خاين بكل المعايير ... و اللي يروح مع الاجنبيات لا تقولين لي ما يزني لان الاجنبيه عادي عندها هل اشياء
لو انت خايفه علي بيتج و عيالج تقدرين تغضين الطرف عنه و تستمرين في هل حياة ... بس عاطفيا لا تتوقعين منه شي ... لان اللي باعج مره يقدر يبيعج مليون مره بس لو ما تقدرين تتحملين خذي عيالج و روحي بيت اهلج ... عطيه درس عدل ... لانه شكله عارف انك تحبينه و شكلج عاطفيه و ضعيفه و هو مستغل هل شي الطلاق اخر حل .... بس خليج قويه و منطقيه ... اجمعي اكثر قدر من الادله ضده ... حتي لو دخلتي علي ايميله سوي اطبعي الايميلات ... ما تدرين يمكن باجر يبتلش عليج و يقول انت شكاكه و غيوره ... ساعتها تكون عندج الادله و تواجهينه بقوه لا تنسين الدعاء عزيزتي .. و كثري من الصدقه ... في هل مواقف ربنا خير معين ... اكثري من الدعاء في السجود و عسي الله لا يردج خايبه حبيبتي |
مشكورين
انا فعلا متعلقة بولدي مررررررة وبنفس الوقت ما اقدر اصبرعلى خيانته بس والله مو متاكده انا اعرف زوجي ممكن يكون يكذب حتى عالبنات اللي يكلمهم يعني لعب بلعب ومرة مو قادرة اتخيل انه ممكن يزني ومو تاكدة غير انه ببلد وانا ببلد خايفه مو عارفة شو راح يصير لما اواجهه بس كل الرسايل قديمة قبل سفره وفي رساله لوحده كانها تسال وينك ايش فيك ما ترد يعني ممكن يكون سايبهم ذي الفترة ولا انا عادة اول ما اشك اواجه كيف وانا شفت بعيني غير اني باخر خيانه قلت له هذه اخر فرصة والي بعدها طلاق وانا من جد ما ابغى طلاق انا ابغى اهدده واواجهه والي ماخرني اني احتمال اني حامل وهذا متعب نفسياتي مرررررررررررة |
| الساعة الآن 03:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©