أُعجبت بمطلقه ..!!
 

السلام عليكم ورحمة الله
أنا سبق وطرحت مشكلتي في هذا القسم من فتره,
مشكلتي هي مماطلة خطيبتي وأهلها لي
حتى وصلت للسنة الرابعه وما قدرت أحدد موعد للملكة "عقد القران"
في كل سنه يتأجل الموضوع للسنه اللي بعدها ,
ولكونها بنت خالتي دخلت الوالد والوالده بالموضوع ومن بعدهم أخواتي وأخوالي وخالاتي , ولكن بدون فائده !!
وعذرها الوحيد هو أنها تعبانه من عين أصابتها في الدراسه , وكل طاري للدراسه يتعبها ويصيبها حاله من البكاء والغثيان والتعب.
ولله الحمد خفت كثير كثير بعد مراجعتها لشيخ مرقي عندنا بالحي , وهي في تحسن كبير ولله الحمد.

طبعاً هي بغير الدراسه طبيعيه جداً جداً , ولله الحمد من أحسن ما يكون.
نشيطه وشاطره بشغل البيت وتدبيره , ومعجب بنشاطها وتأثيرها في بيتهم.

لكن اذا ضغطت عليهم بطاري الزواج أو على الأقل الملكة تقوم تبكي وتتحجج بتعبها , وأنها لا زالت مريضة وحجج ما أنزل الله بها من سلطان.
البنت أنا مليون بالميه متأكد من أقتناعها بي ورضااها التام , ولله الحمد لا يعيبني شيء أبد
ولكن مليت من مماطلتها ولعبها بي , واللي نفذ صبري أن آخر كلامهم الصيف هذا راح تتم الملكة ان شاء الله وبعدها بوقت قصير الزواج , يعني بالكثير على الحج وهي بأذن الله عندي.
لكن تفاجأت بأن البنت بدأت بمشروع ترميم غرفتها بأفخم وأرقى وأجمل ما يكون.
حتى وصل قيمة الترميم لسعر لا يصدق !!
أنا هنا قامت شياطيني , وقلت الظاهر مالي كلمة عندهم أبد ولا أي خاطر
والظاهر تفكرني بأسكت على طول , أو بصير ملطشه ولعبه بيديها.
يعني بعد حوالي 8 أشهر راح تكون ببيت زوجها , وتقوم ترمم بغرفتها من إلى , وواضح من الأثاث أن تخطيطها راح تطووول .
للعلم ( أنا 25 سنه , وهي 21 سنه ).
بعدها كلمت الوالده , وقلت رجاءاً أيا يمه لحين ما لك عذر لا أنتي ولا أختك وبنتها.
إذا بخاطرهم يفركشوا الزواج هذا من أصله , رجاءاً يريحوني وأطلع اكمل ماستر واشوف نفسي ومستقبلي.

إلى هنـآ ما قدرت الوالده ترد علي , وقالت تجي إجازة الفصلين ويصير خير .
وطبعا بدأت الإجازة هذي , وكالعاده مناسبات وزواجات وزيارات للأقارب ,
فالشاهد كان عندنـآ عزيمة قبل كم يوم , وكانوا أخوالي حاضرين منهم اللي بنفس المنطقة معنا ومنهم اللي جاي مسافر لنا , وواحد من أخوالي زاره أهل زوجته " أمها وأخواتها ثنتين " أختها الأولى متزوجه ما شاء الله وعندها 5 أولاد وبنات , والثانية مطلقة المسكينة بعد زواج دام سنه ونتيجته ولد عمره سنتين " كان الله بعونها وعونه ".
وأم زوجة خالي تصير بنت خالة أمي , وتربطهم علاقة أحترام وتواصل جيد.
وكانوا هم من ضمن المعازيم عندنـآ.
فصادف وأنا مع الوالده وأخواتي ونضع اللمسات الأخير لسفرة العشاء الا بنت دخلت علينا بالخطأ ورجعت على طول , وعاتبت أخواتي ليه ما ينبهوا البنات اللي داخل أني موجود , بعدين قلت بمزحه عآدي توها صغير :d لآن من نظرتي لها أعطيتها 18 سنه .

والله ووتمت العزيمه , والسهره يومها واليوم اللي بعده .
وقبل كم يوم , جاء طاري البنت المطلقة , وكيف كان ظلم زوجها ومعاملته لها , وأن حرام الولد الصغير من ولد ما شاف أبوه الا مره ومن هالكلام.
وسألت الوالده من هو ولدها , قالت فلان الصغير اللي كان لابس كذا وكذا وكان يلعب مع فلان .... وعرفت الولد وحزززززني والله كثير , وكيف جاني وانا اول مره اشوفه وقعد بحضني ولعبني وكيف اضحك معه على فلان وعلان وكلماته المتكسره, مع أني ما ادري من ولده , لكثرة الصغار بالبيت وكثرة الضيوف.

بعدها سألت الوالده بلقافه أجل اللي دخلت علينا وأحنا نحضر العشاء من هي ؟؟؟
قالت هذي أمه .
قلت : أم الولد فلان ..؟؟؟!!!
قالت أيه ليه وش فيك ؟
قلت اللي دخلت صغيره , وواضح أنها بنت مو أم.
قالت الوالده ولعلمك عمرها 29 سنه .
أنا وقتها أنصدمت بصراحه.

وبعدها بديت أفكر تفكير غريب فيها , مع أني لمحتها بس , لكن مدري كيف خطفت تفكيري
واللي جذبني أكثر كلام الوالده وأخواتي عنها , مديح يدل أن البنت قمة بالمثاليه .

بعدها وبقهوة عصريه رميت كلمة على مزحه, وقلت أجل اخطبوها لي.
قال أبوي تتوقع توافق ؟؟؟
قالت الوالده ما تصلح لك , وكبيره عليك وعندها بزر وكلام كثير حبط معنوياتي , غير خطبتي لبنت خالتي اللي مدري إلى متى ؟!!

عموماً أنا هالموضوع ما غاب عن بالي , وحبيت تشاركوني بأرائكم وأقتراحاتكم
عسا الله ينفع بها ,

كل الود .

دام اعجبتك واقتنعت فيها توكل على الله وروح اخطبها
ولاتنسى انو هي عندها ولد يعني ولدها ماتقدر تفارقه فلازم تتقبل هالشي طول منت عايش معها

حابه اعلق على هالنقطة
انا ماادري ليه الامهات الله يحفظهم كذا الوحده ماتبغى لولدها الا وحده تكون على ذوقها
وفي الاخير هي تتدبس فيها وبعد ماتزوجها لولدها تجلس تتشكى
^
كلمة وحبيت اقولها ولاحد يزعل مني

بنت خالتك ما تصلح لك .. و شكلها حاطتك باك اب يعني اسبير ... لو ما جالها واحد زين راح تاخذك ... لان لا هي صغيرة و لا انت ... شللي يخليها تصبر ... و سالفه تغيير ديكور البيت بعد عجيبه ... اللي تبي تتزوج عقب كم شهر مستحيل تفكر بتغيير غرفة نومها و كل تفكيرها في بيتها الزوجيه
اما عن الثانيه ... استخير ربك و فكر عدل اخوي ... فارق السن مو مانع بس وجود الولد .. هل تقدر تتحمله؟ خصوصا من البدايه راح يكون معاكم ... فكر و استخير و اذا عزمت توكل علي الله
ملحوظه: زوجتك انت اللي لازم تختارها لا امك و اهلك .. لانك انت اللي بتعيش معاها و لو ما كنت سعيد معاها خلي كل اللي حوالينك يمدحونها ... شلفايده و انت مو سعيد
اتمني لك التوفيق

مقاطع لا تقدر بالذهب .... و أفكار يغفل عنها الكثير بكيفية أختيار شريك الحياة.
لا تضيع فرصة مشاهدتها ... و لا تنسى بعد الاستفادة منها ان تنفع بها الأخوة الاخريين.

بالتوفيق لك في أمرك ويسره الله لك.

والله اخوي خد بكلام ناني كلم خالتك وخد منها اخر كلام اذا انت متمسك ببنتها

او افسخ واخطب المطلقه وحاول تقنع امك انها حياتك وعادي مافيها شي طالما عاجبتك وقتنع فيها وتذكر ان عندها ولد يعني حتكون زي ابوه بالضبط

والله يكتبلك اللي فيه الخير