|
طليقي يريد ارجاعي
السلام عليكم ورحمة الله وبركاته
حبيت أطرح مشكلة بعد ماشفت ردودكم لبعض المشكلات بعد الله ثم أنتم لإيجاد حل مشكلتي التي سببها ((أبوي)) اللي أتمنى اليوم قبل بكرا يموت وأفتك منه لأنه السبب الرئيسي في خراب بيتي وحياتي ماأقول إلا حسبنا الله ونعم الوكيل على كل ظالم!! انا مطلقة مالي سنة وشهرين يمكن سبب طلاقي ابوي ويمكن كان مني بعد جيت من زوجي طفشانه ومع العلم جيت منه مافي اي اشكال وبالعادة ابوي يرجعني له كذا بس استقعاد لكن المرة الأخيرة عبى راسي للأسف كنت مراهقة وصغيرة وصدقته!! كان عمري 18 اتوقع وياليتني ماصدقته وصار الطلاق طبعا انا كنت راغبته وتغيرت حياتي للأفضل وسبب الطلاق هو له سبب فيه بس انا كنت في عمر المراهقة وهو عمره 26 مافهمنا بعض انا احب الحياة وهو جدي شوي ومااتفقنا لكن يعلم الله بحبه لي وحبي له لكن يوم تطلقت تناسيته وعشت حياتي ويمكن السبب اللي خلاني انساه هو الوسواس اللي اصابني وغثني في حياتي لين تشافيت منه وهو رجع يبغاني ارجع هنا رفضت طبعا المرة الأولى بس لنت شوي وامي كانت تحاول تقنعني اني ارجع وطبعا ارفض بالأخير لنت ووافقت يوم وافقت كان ابوي يبغاني ارجع له الا يوم وافقت قام يستقعد علي لا مافي رجعة وكان شارط عليه 15 الف لا وبعد كانت 30 الف وزوجي مسكين على قده مايقدر لو يقدر كان عطاني عيونه وانا اعرفه ابوي هو السبب ابي ارجع لعب بأعصابي مرة موافق ترجعين بس بشرط!! إني اخذ الفلوس كاملة ولا تأخذين ولا ريال!! قهر قلت في نفسي اهم شي اني اروح خل ياخذها ونوقف انا وياه امام رب بيقسم ويرد حقوق العباد بإذنه وهنا رافض وكلمت طليقي بعلم الوالدة وصار بينا مواصله وفهمني انه مايقدر وانا عارفة ان ماعنده شي قال اقدر ادفع 4 الأف هذا اللي معي قلت خلاص وجلست مع ابوي وكلمته قلت ابي ارجع ورفض الا 15 الف وانا اخذها حسبنا الله ونعم الوكيل مايخاف الله ظالم!! شسوي طليقي لو يدري انها من ابوي والله مايعطي ولا ريال شسوي عطوني حل حكيم ياليت ابوي يدافع عني كان قلت ابوي ايه كفو بس يبي ياخذ الفلوس هو حسبنا الله شسوي ماابي اتسرع الحين انا في استخارة وامس ضارب امي قدامنا يقول سددي ايجار البيت عشان تعرفون كيف ظالم شسوي ماابي اتسرع الله يعافيكم ابي حلول معقولة! |
دام تعرفي أبوك إنه ظالم من زمان ، و إنه يضرب أمك عشان الإيجار
ليه تعطي له أذنك من البداية ؟؟؟؟؟؟؟ لا تقولي ، أبووي خرب بيتي .. إنت خربتي بيتك بيدك ، و مو حجة إنه صغيرة عشان ما تعرفي تفكري و تقرري المهم ، اللي فات مات .. و إنت عرفتي قيمة زوجك دحين .. أبوك لا تدعي عليه بالموت ، لإنه ( عقوق ) .. ما تقدري تدخلي أحد من أعمامك أو أخوانك يقنعوا أابوك ؟ ما تقدروا مثلا تقولوا له ، طيب بنعطيك 15 ألف بس مو دحين و بس ترجعي لزوجك ، تعتذري من أبوك إنه المبلغ مو موجود ؟ |
اختي انصحك ما تتسرعي حاولي بكل الطرق طيب مافيه اقرباء لكم خال عم اي شي يكون قريب يكلمه او شوفي ماتعرفي شخص يعزه ابوك او يخاف منه كلموه لاتخافي ولا تشيلي هم راح تنحل اهم شي في زي ها الموضوع فكري بعقلك مو بقلبك
ماله داعي ( ياروح الطير) تأنبها إلي فيها مكفيها |
اقتباس:
بس انا ابغا حل لرجوعي بس صعب اكذب بهالشي ان نعطيك بعدين اقول مامعنا!! صعبة |
اقتباس:
أختي ,, أعانك الله ,, وفرّج همّك .. أعتقد والعلم عند الله ,, بأنّ ماتحته خطّ ,, هو سبب تصّرفه الأخير ,, لِردع زوجك وتأديبه ,, بعدم تكرار ما يسبب ,, ذهابك إليهم - طفشانة أو زعلانة .. أختي ,, تستطيعين أن تُدخلي ,, من تثقين فيه من أهلك ,, وله تأثير بالغ على والدك ,, سواءً أخ - عمّ - خال - أو إمام مسجد معروف .. |
اقتباس:
اشكرك على الرد وربي اشكر لطفك صدق اثقل شي في الميزان حسن الخلق ربي يبارك فيك صدق كان بينا مشاكل صح والطلاق حصل بأمر الله لكن الحين كلنا الاثنين ندمانين ونبغى حل وابوي واقف للأسف ابوي ماله صاحب يعني ماراح يأخذ راي احد ونفسي ادخل خالي لان ابوي ياخف منه شوي بس كثير يقولون لاتدخلينه لانه بيغير كلامه وماودي اتسرع |
اقتباس:
بحاول ادخل احد مع اني اعتقد ان الوالد بيعصب واخاف جزاك ربي كل خير على الرد والدعاء |
اختي اسمعي كلامي انتي تحبي زوجك وزوجك يحبك لاتستسلمي لاي شي ضعي كل الطرق
حطي في بالك لو الله رايد انكم ترجعو لبعض ولله ولله ماحد يقدر يوقف في طريقكم لابوك ولا البشريه كلها خلي إمانك بربك قوي انتي حاولي صدقيني راح ترجعي لانك انتي تبين ترجعي و الله عز وجل يسر في ها المواضيع ((الله يرجعكم لبعض ويسهل امركم ويخليكم بعض ويسعدكم)) |
آآمين ربي يفرحك مثل مافرحتيني
بحاول ان شاءالله وابشرك ياقلبي اشكرك اختي |
بسم الله الرحمن الرحيم
اسئل الله ان يردك لطليقك اذا كان لك خير شوفي عندي لك حل حاولي انك تخلين واحد من اعمامك يتدخل او اخوالك او تتفقين مع زوجك طبعا بمعرفة امك عشان ينظر لك زوجك نظرة احترام ان يدفع مثلا خمسة الف ويكتب ورقة انو يدفع الباقي بعد سنة ولمن تصيري عنده قولي تراني مسامحتك في باقي المبلغ وكذا بتكبري بعينه . اسئل الله ان يكتب لك الذي فيه الخير وترا وانا اخوك الواحد مايدري وين الخير فيه ونصيحة لاتدعين على ابوك يمكن ربي يريد لك شي افضل وانتي ماتدرين |
| الساعة الآن 11:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©