|
تعبت نفسيا
السلام عليكم ورحمة الله وبركاته
كيف حالكم اخواني الغالين ماطول عليكم عندي مشاكل في الحقيقه مدري شلون احلها مدري شلون ابدا بلموضوع مدري حاس حياتي مومرتبه ونا كلي مو مرتب مدري شلون اشرحها لكم بعطيكم امثله مثلا لما اقول اني ابي انوم الضهر واصحى اصلي العصر ماقدر اقوم نومي مو ثقيل بس مدري وش فيني احس احيانا اني عديم مسؤليه في بعض الاشيا احس اني اغلب الايام ويمكن اقول كلها احب الراحه وسعت الصدر ولا احب التعب والشغل برغم ولله الحمد عندي فرص كثيره لو استغلها واسعا فيها استفدت منها خاصه في عملي الخاص لاني اشتغل بتجاره بس تجاره صغيره يعني ماحب اخلص اشغالي الصبح او الضهر لا اليل اسهر واوسع صدري ولا جا مثلا بعد صلاه العشا من اليوم الثاني اخلص اشغالي احيان تصدقون مجرد اني اتخيل اني اروح اخلص اشغال الصبح ولا الضهر يجيني ضيقت صدر ودي اكون نشيط شغال انتج بس مدري وش فيني احيان اجلس مع جيراني في المحلات الي جمبي ماشاء الله اشوفهم ينتجون ويتطورون حتى بعضهم بادي يشتغل بعدي بكثير وماشاء الله عليه تزوج كلما تذكرت الكلام ذا اتضاااايق وربي مو حسد بس اقول ليه انا ماسوي كذا الان انا اكتب وضايق صدري من نفسي, وكل ماتكلم معي احد يقول بندر اشتغل ضبط اتضايق واحاول اغير الموضوع في قلبي كلام كثير ودي اطلعه استغفر الله احيان احس اني لو اموت عادي من قد ماني محبط بس اتذكر الله واحط املي بالله استغفر مافي شي يجي من نفسه ربي كريم بس الواحد ماينفع يجلس يحط رجل على رجل ويقول ابي فلوس علي ديون وودي اتزوج ودي اني انشط بس مو عارف كيف اتذكر تقريبا قبل يمكن 3سنوات كنت احسن من كذامليون مره بس فجأه يوم وليله انقلبت كسلان كل ماتذكرت الايام الي راحت علي يضيق صدري صراحه ملاحضين كلامي ملخبط ومافيه ترتيب لاني مستعجل على فكره لله الحمد حاس عندي عزيمه قويه ولله الحمد كنت ادخن وتركت الدخان ضغطت على نفسي. في كذا شي اثبت ان عزمتي قويه وهذا فضل من الله بس عجزت اخلي ذا العزيمه للنشاط وترتيب الوقت شغله ثانيه انا ولله الحمد من صغرتي اهم شي عندي الصلاه ولحد الان يارب انك تثبتنا احيان انوم الصبح واقوم الضهر اصير كسلان ماقدر اقاوم ارجع انوم واقوم العصر ابي اصلي ولا اقدر اصير كسلان الين صلاه العشا ياله اقوم وواصلي كلها واندم مره مابي ذا الشي يصير لي واحيان يصير نومي بدري مثلا 1او 2 اليل تمام انام اوصحى على صلاه الفجر او بعد الفجر بشوي طيب اقول بروح اخلص لي شغل ولا شي وان جا الضهر نمت عشان ارتاح ويكون جدولي مرتب تلقوني انوم الين بعد العصر او المغرب الي ابيه منكم ابي منكم انكم ترشدوني للحل ابي اكون انسان نشيط حاس بلمسؤليه في كل شؤن حياتي ابي مثلا لاقلت بنوم الضهر اقوم العصر اقوم اي شي احطه براسي اسويه دون كسل بأذن الله ابي حياتي تكون مرتبه وسلامتكم على فكره عمري 22 اعزب :(:(:( |
اولا :ماشاء الله عليك حلو ماتدخن وتصلي اهم شي الصلالالاه
ثانيا: اكثر من الاسستغفار ششجع نفسسك بنفسسسك حاول انت تغير بنفسسسك من ناحية النوم نفسس مششكلتي بسس اذ عدلت نوومك راح ترتاح نظم نوومك حاول لاتقوول مقدر وربي يسساعدك ان شاء الله لاتنسسى الاستغفار وانت تسوق او جالس بالمحل كذا راح ترتاح ان شاء الله |
السلام عليكم ورحمة الله وبركاته
اخوي بندر ابو البنادر والله كلامك اسعدني اعجبتني الصحوه اللي فيك انت الان وضعت رجلك على بداية الطريق الصحيح انشاء الله صفاتك قريبه من اخوي بس الفرق بينكم ان اخوي للان ما وصلته الصحوه للان في سباااااااااااااااااااااااااااااااااااااااااااااااا ااااااااااااااااااااات, اللي ما يخلص اليوم بكره بعده السنه الجايه ومو شايف اي خطأ بحياته بالعكس. انت لسى صغير وبمقتبل العمر يعني لا تحبط نفسك وتقول اللي بعدي احسن مني تخيل انك لسى بديت لمى توقت المنبه عشان تصحى لا تفكر لا تعطي الشيطان مهله عشان يوسوس لك لا لما يدق المنبه على طول اترك الفراش صدقني وهذي من تجربه الحركه بركه والخمول يجيب الخمول لاتقول ارتاح عشان اتنشط لا بتريح وبعدها بتاخذ راحه من كثر الراحه انا كنت بس اتسدح اغير بس الاتجاهات بس بعدين حياتي تغيرت صرت نشيطه ما اعطي نفسي فرصه للتثاقل والتفكير بالتعب. ممكن ايضا يكون عندك نقص في الهيموجلوبين فهو يعمل كمحرك للجسم ونقصه يسبب لك اجهاد من اقل جهد تقوم به تتعرق يتساقط شعرك انفاسك تضطرب, افحص الهيموجلوبين او اعمل فحص شامل لتطمئن على كل شئ دائما قل لا حول ولا قوة الا بالله فانها تعينك على اصعب الامور لا تحاور نفسك بالمشاعر السلبيه التي تشعر بها بل اجعل همتك عاليه ومشاعرك ايجابيه اقرأ القران استمع اليه دائما انشاء الله سيكون لك عون. اسأل الله ان يحقق لك كل ما تصبو اليه |
اقتباس:
كنت ابسالك عن عمرك....بس ماتفاجات..؟؟ كلنا مرينا بالحالة هذي....وبالعمر هذا بالظبط بي اللي فهمتة من كلامك....انك عايش في روتين ممل.....صح كذا؟؟؟ وعندك مشكلتييين اللي هي 1_الاحباط 2_الدين(ضائقة مالية) كلنا نكرة الروتيييييييييييييييين اللي يتكرر علينا.... واتوقع انك تحتاج لاشياء تفتح نفسك بالاول مثلا,انت تحس نفسك انك ماتنتج كثير في عملك وتروح لعملك وانت متكاسل وتشيل هم الاشغال اللي ودك تخلصها....وتشوف اللي حوالينك ينتجون ونشيطين...وانت تحس بكسل وشوية خمووول واحباط ودك تشتغل وتخلص امورك بس كسلان....(صح كلامي) اذا كان كذا شوف اصحابك ايش اللي خلاهم نشيطين كذا وانت لا؟؟؟وش اللي يفرقهم عنك؟؟؟ مثلا ,حاول تغير ديكور محلك(لاتتهاون بالحل هذا بالعكس ) يااخي غيرمحلك موقصدي المكان قصدي غير ديكورة رممة من جديد البوية مثلا اختر الوان تفتح نفسك حط لك مكتب ولامكتب رجل اعمال(يااخي دلع نفسك شوي)...علشان تنفتح نفسك للعمل والشغل....وعني انا واللة بااخي التغيير لة دوووور كبييير فالانتاج.....احنا يالمعلمات اذا غيرنا الغرفة وغيرنا المكاتب والستائر تنفتح انفسنا للتدريس... وانت حالك حالنا مكان تجية يوميا غير فية علشان تنفتح نفسك لة....حتى بضاعتك غيرها (مع اني ماادري وش طبيعة عملك بالظبط)بس انت سوي اي شئ يجذب الزبون لك....منها تكسب وتخلص الدين اللي عليك... وبالنسبة لجدولك اليومي هذا انت تقدر تتحكم فية وبالعكس احسة مو صعب مرة.... بس انت خلي السهر عنك....علشان تقوم نشيط والرسول يقول في مامعنى الحديث(بورك لامتي في بكورها) طيب بماانك ماشاالله محافظ على الصلاة في وقتها(والله يثبتك)حاول اذا صليت الفجربعد الصلاة تسوي رياضة...واذا كسلان سوي رياضة مشي مع الوقت تشوفك نفسك ماتقدر تتركها.... وخوذلك شور وافطر وروح شوف بعدها اشغالك...وحاول ماتاخذ لك قيلولة...علشان يتنظم نومك....وتنام بدري.... امممم وش بعد..؟؟ والديون ماادري والله وشلون افيدك لان ماقد جربت الدين ....بس شكلها مرتبطة بمحلك..... طيب المحل ماتقدر تطلع منة شئ تقدر تسدد منة دينك؟؟؟ مالك اخوان او اخوات يساعدونك ماديا؟؟؟ موشرط يساعدونك في دينك انا قصدي الزواج حتى لازم اخوانك يساعدونك موانت اللي تتحمل كل شئ...هذا اذا كان الدين اللي عليك كثير....وانت حاول تحوش من هنا ومن هنا علشان الزواج لانة موسهل.... تكاليف والله يعينك... قبل لاانسى اقولك على قناة انا كنت اتابعها احسها تعطيني دافع اني اشتغل وانظم وقتي.... هي قناة كورية وفية بعد قناةيابانية ...ومايخفى علينا ان الشعوب هذي تحب العمل..... شعب منظم بمعنى الكلمة في بيتة وفي العمل....سبحان الله مو مسلمين بس اخلاقهم اخلاق الاسلام... اتمنى اني اكون افدتك والله يساعدك...ويوفقك... |
الم وعشته
كنت أنثى forgiveme مشكورين على الردود ماشاء الله عليكم صراحه عطيتوني دافع في الحقيقه قوي ورفع معنوايتي خاصه رد الاخت كنت انثى وبرضو forgiveme اغلب كلامك صحيح ومشكوره على الكلام الحكيم وان شاء الله راح اضغط على نفسي وراح بأذن الله تصلح الامور واشكر الم وعشته على النصائح الذهبيه صراحه كلكم ردودكم تقريبا بدت بأذن الله تغير من طبعي الله يوفقكم ويجزاكم خير ونشوف باقي استشارات الاعضاء |
اقتباس:
هذا اهم شئ.... الله يوفقك ويكتب لك اللي فية خيييير |
امين وياكم
جزاكم الله خير بس احس الفتره ذي رجعت كسلان |
علاج الكسل والخمول بالرقية الشرعية (أرقي نفسك واقرا على ماء واغتسل واشرب منه) والحجامة الشهرية في الاخدعين والكاهل لمدة 3 شهور ثم تصير عند الحاجة
صدقني طبق كلامي وراح تدعي لي |
[QUOTE=ابو البنادر;2574494]امين وياكم
جزاكم الله خير بس احس الفتره ذي[COLOR="Red"] رجعت كسلان[/COLOR شئ طبيعي ..احيانا نحس بكسل بس مو دايم.... يمكن عندك فقردم.....اوسوي تحاليل للغدة الدرقية....؟؟؟ |
والله مدري
رحت قبل فتره لشيخ وقرا علي وقال فيك عين وعطاني اشيا قالي حطها مع المويه وتسبح فيها ولا استمريت مع الشيخ ولا تسبحت بـالاشيا الي عطانيها بس صرت اشرب مويه زمزم وزيت زيتون مقري عليه انا قبل فتره كنت مسافر قبل مانزل الموضوع بكثير ولاحضت اني مترتب نومي يمكن عشان اني في بيت اقربائي وصعبه اني انوم متى مابي واصحى متى مابي .طيب ابي ونا في بيتنا كذا والله مدري وش فيني استغفر الله حاس اني افشل انسان بلكون ومامني فايده واحس اني اغبى واحد تعبت تكفون شرو علي علموني ادعولي ودي اصير منضبط |
| الساعة الآن 05:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©