|
اخوي مو طبيعي!!
سلام
اليوم انا تعبت من اخوي وتصرفاته وجيت اكتبلكم الموضوع يمكن على وعسا يفيد شي اخوي عمره 31 متزوج وعنده بنت عمرها سنه واربعة اشهر موظف وراتبه تمام وعال العال المشكله في اخوي لما يعصب تجيه حاله جنونيه حتى ملامح وجهه تتغير يرقع راسه بالجدار صوته يصيير عااالي جدا كل شوي يقول ما احب زوجتي ويقول انه لما راح يشوفوها قبل الملكه قال لابوي انها موب عاجبتو وابوي قله لا تفشلنا قدام الجماعه<<يعني اخذها غصب وهو نايم يقول كلام غريب مو مفهوم احسه ضايع وهو جالس يتهزز بطريقه مو طبيعيه احس نفسيته تعبانه احس حياته متدمره وهو يقول لو اموت ارحملي من هذي العيشه ايي وعلى فكره ابوي ما يعامله مثل مايعامل اخوي الاصغر منه ابوي يعامله بكل حرمان اسفه عالاطاله بس والله اني كتبت الموضوع من قهري على اخوي ايش اسوي قولولي مو قادره اشوفه بذا الوضع واسكت |
طيب سؤال زوجته كيف معه مقصرة معه ولا بتعطيه حقوقه كيف بتتعامل معه هل هي سبب للحالة النفسية الي هو فيها ولا شو بالضبط
|
اقتباس:
اي زوجته مو مقصره معه في اي ناحيه من النواحي ومشكور |
بما انه مرته مو مقصرة معاه بأي شي معناته حرام يظلم بنات الناس معه بس ليش مثلا ما يروخ على شيوخ يقرأو عليه ليش ما حدا منكم يقعد معاه ويحكي معاه ذكريه انه انتي بنت وممكن زوجك يعمل معك اي شي متل هيك لو زوجك عاملك بنفس الطريقة وتصرف نفس التصرفات معك رح يرضى اخوكي هالشي هو شب لو انغصب عليها في يوم من الايام العشرة ممكن تخليه يحبها او يتقرب منها لكن بالدين حرام الي بيعملوا جربوا اكتر من حل
|
مدري بس من حالته وحركاته اذا عصب يمكن عنده صرع خفيف أو مس http://www.66n.com/forums/images/icons/icon43.gif تذكرت جدتي الله يرحمها أنسانة جدآ وديعة وهاديه وكانت ملبوسة واذا عصبت مرررررررررره سبحان الله تتحول الي شخص ثاني جميع ما تتخيلي من الفاظ تلفظها وبالذات علي جدي الله وكان الله يرحمة يقري عليها وهي تتهزاء فيه وكان يبتسم أحيان وأحيان يضحك من الي تقولة . وبعد كذا تنام فترة طويلة وترجع أنسانة هادية وبطبيعتها لذلك أنصح بالرقية الشرعية اذا نفعت ولا ماراح تضرة |
ممكن اخوكي يكون عند اكتئاب
انصحيه بزيارة طبيب نفسي ممكن ينفعه جدا لا تقوليله انت مريض لكن قولي له ممكن تاخد ادوية تخفف من انفعالك وقت الغضي و كلام لطيف مثل هذا يعني اذا مو قادر يحب زوجته و يعطيها حقها بضرب راسه بالجدار ؟ و انتي بحكمتك تكلمي مع ابوك و خوفيه من عقاب الله لظلم الابناء و عدم العدل بينهم و انظري الفتوى : العدل بين الأبناء واجب في العطايا |
مكانه الانسب
|
راح على كذا شيخ وكلهم يقولون نفس الكلام
معيون ومحسود انتم فهمتم غلط هو ما يبين لزوجته انه مايحبها ويعاملها بكل احترام ويبين لها انو يحبها بس مدري هو ايش فيه ليه يسوي كذا راح لدكتور نفسي ما استمر عنده الدكتور قله انت مشكلتك نفسيه تعالج اولها بعدين تحسن شوي واول ما ترك الدكتور رجع زي الاول واصعب |
مدام كدا لازم يرجع للدكتور النفسي واذا ماراتاح معاه في كتير دكاتره
والله يشفيه ويرجع احسن من اول وكمان معامله ابوكي له لازم تتغير حاولي تتكلمي مع ابوكي يخف عن اخوكي شوي وفهميه انو تعبان والله يشفيه يارب |
اقتباس:
قلت لاخوي يرجع يتعالج اول شي رفض بعدين لان وراح للدكتور وحددله موعد عشان يروحه اما بالنسبه لأبوي ما اقدر اكلمه ابوي قيادي ويكره احد يوقف في طريقه حتى لو كان غلطان بالنسبه لابوي حنى اربعه بنتين وولدين اخوي الكبير يعامله بحرمان وانا كمان اما اخواني الاثنين الباقيين انواع الدلال |
| الساعة الآن 09:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©