|
تعامله معي جداً جاف كيف اتعامل معه؟
السلام عليكم
انا مشكلتي مع خطيبي مايهتم فيني ولايسأل عني اساسا من بعد الخطبه ما ادري عنه ولايدري عني هو طيب ومحترم وخلوق بس مو معقوله من الخطبه مايفكر يتصل ولاشي انا حيل مقهوره من كلام اللي يجرحني كل الناس مستغربه انه مازارني ولاحتى اعطاني جوال اساسا لما اكلمه يصرفني يقول انا مشغول او ابي انام صرت استحي اتصل فيه كم مره حاولت اتقرب له بس مافي فايده كل اسبوع يقول انه بيزورني بس ما اشوف شي طبعا يرسل رساله لانه مايفكر يتصل واللي يقهر الحين انه بيأجل العرس بعد سنتين والله حالتي النفسيه حيل صعبه انا اكتب وانا ابكي وشلون اتصرف معاه مع العلم اني مدلعته اقول كلام حلو وبحياتي مارفعت صوتي عليه بس مافي فايده قلبه زي الحجر هو صدق طيب وحنون ومحترم وكل البنات يحسدوني عليه من ناحية الاخلاق بس تعامله معي حيل جاف لدرجة ان اي مكالمه بيني وبينه لاتتعدى خمس دقايق هو يصير ولد عمي واختارني من بين البنات اكون خطيبته بس تعامله معي قاسي واساسا هو ما يكلمني انا اللي طاشه نفسي عليه كيف اتعامل معاه ؟ |
خلاص انتي اثقلي
ومدام اختارك واخلاقه كدا قولي الحمدالله اشغل نفسك بدراستك وكدا والزواج باقي عليه كتير يمكن مايبغى مره العلاقه تمون يخاف تصير مشاكل |
اقتباس:
على قولتك لازم اشغل نفسي بأي شي الف شكر لردك |
عزيزتي الحل الوحيد المصارحة
لا يوجد حل ثاني |
الثقل صنعة
في بعض الرجاجيل ما يحبون الحرمة اللي ترمي حالها عليه و يمكن هو طبعه كذا و بعدين لسع بدري ع الزواج لا تستعجلي |
آحمدي ربك على كل حال و اعملي بنصيحة الاخوات
على الاقل ملكتي و صرتي حلاله .. غيرك تعلقت اموره و لا يدري متى الفرج اللهم لا آعترآض يارب لك الحمد افرجها علي و على كل مكروب |
اقتباس:
كيف اصارحه وانا اساسا لما اتصل فيه يقول نعم ليش متصله ولما اسأله ليش ماتتصل يقول اذا انتي فاضيه انا ماني مثلك ماعنده اسلوب دايم يجرحني ومشكوره حبيبتي على الرد |
اقتباس:
يعني معقول يضل كذا ثقيل من سنه مافكر يسأل ولاحتى يزورني انا حتى شكله بديت انساه اما من ناحية الزواج ليش يأجله سنتين وظروفه الماديه ممتازه واحنا بعوايدنا فترة الخطبه بس سنه وهو الحين بيأجله سنتين الله يستر الف شكر لردك |
اقتباس:
الحمدلله على كل حال والله انا احمد ربي ليل ونهار اني خطيبته من ناحية اخلاقه وتعامله مع الناس بس معي حيل قاسي الف شكر لردك الله يفرج هم المهمومين يارب |
حبيبتي واجهه
قولي له ايش هو الي نعم انا زوجتك و انت زوجي و انا مسؤولة منك انت ليش كذا و كذا و كذا قولي كل الي بقلبك واجهيه افهمي منه ليش يتصرف معاكي بهذه الطريقة وضحي له انك متضايقة من تصرفاته |
| الساعة الآن 05:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©