امي تتعمد تتجاهل وجودي بالبيت
 

السلام عليكم ورحمه الله وبركاته

اخواتي الغاليات في منتدي الاسرة والمجتمع

جزاكم الله كل خير

انا عندي مشاكل وليست مشكله ولكن الحمدلله قدر الله وماشاء الله فعل

انا عمري 30 سنه ومطلقه اكثر من مرة والحمدلله راضيه بقسمتي ونصيبي
بدت مشاكلي مع اهلي من يوم تطلقت للمرة الثانيه


امي تغيرت عليه في المعامله صارت جدا قاسيه وتعاملني بجفاه ومرات تقلل من قيمتي قدام اخواتي
وتهينني بكلامها الجارح في البدايه كنت استحمل لكن للاسف لم تراعي شعوري
وبعدها اتبعت معاها اسلوب حاد في النقاش كنت بالبدايه اسكت واصبر
وبعدها لمن تهينني وتجرحني بكلامها ارد عليها لكن باسلوب احترام

تعبت من معاملتها وتجاهلها لوجودي في البيت وتعاملني كالخدامه واجبني فقط اشتغل
غير كذا مالي اي حق اطالبه يعلم الله حرمتني من اشياء كثيرة وفرق بيني وبين ابوي
توصله له كلام ماقلته بلساني

والمصيبه الاكبر تكره جلوسي عند ابوي ومرات اشعر بالغيرة لااهتمام ابوي فيني اكثر منها
لاني انا اللى اهتم في ابوي بكل متطلباته من ملابسه واغراضه واكله وشربه وكل شي
وهو الله يحفظه تعود عليه واعتمد عليه بكل شي وامي كانت فترة مشغوله بامها
وتركت ابي لي من يوم تطلقت وتفرقت له

يوم توفت امها رجعت للبيت ولكن ابوي خلاص وقتها معتمد عليه بكل شي
ومعاد يطلب منها شي وحتي لو هي تبدا يحرجها بعفويه يقول لها خلاص اتركي كل شي بنتي تعرف كل شي ابغاه ماتقصر معاي مريحتني

الفترة الاخيرة زادت غيرتها وتحاول تفرق بيني وبين ابوي
انا والله احبها ولها مكانتها بقلبي لكن صار فتوووووووووووور بيني وبينها من بعد طلاقي

انا سمعتها بأذني يوم تقول لابوي كلام غير صحيح عني انصدمت لكن ماقدرت اواجهها
لانها بتزيد المشاكل بيني وبينها وصبرت ومن بعدها ابوي تغير بالمعامله معايه
وصار جدآ قاسي وصار بس يهاوشني بسبب او بدون سبب
والله يحفظها اشوف الفرحه بوجهه يوم ابوي يهاوشني ويشتمني تنبسط


انا مشكلتي مقدر اتكلم ولا اصارح ابوي لانها بالنهايه هي امي
وابوي مستحيل يصدقني ويكذبها

حرمني من المصرف وحرمني من كل شي
وانا محتاجه دخل شهري :(

تعبت والله تعبت

حبيتي الله الحين قاعد يمتحن صبرك ويختبر قوة ايمانك بهذا الابتلاء ولك الجنه ان شاء الله لو صبرتي وقابلتي اساءتها بالحسنى يااختي هذولي امك وابوك ابواب الجنه احرصي اشددد الحرص على رضاهم احرصي على حبهم وش المانع لو رحتي لامك وصارحتيها كابنه وليس كند احسني اليها بالقول والفعل واكثري لها بالهدايا خاصة الاشياء اللتي تقربها من والدك كالعطور المميزه وليس الهديه بثمنها ولكنها بمعناها الحين اكيد بتقولي انا محتاجه ابوي لايعطيني مصروف
وانا اقلك اهديها مره مرتين اكيد امك بتقول لابوك يزيد مصروفك لا تتدخلي بشؤن ابوك ولا بملابسه ولا باغراضه واذا طلب منك شي قولي له مشغوله اكثري من الكلمات الحانيه مثل الله يحفظك يايمه الله يخليك لنا احنا مانستغني عنك انتي الوحيده اللي تحسي فيني ستعود العلاقه لطبيعتها كابنه وام بينكم الواضح جدا ان امك تغار منك وهذا طبيعي لانها احست انك اخذتي مكانها ولكن الان تنحي جانبا واتركي لامك السلطه لادارة منزلها وزوجها واثابك الله على صبرك عليها

اشكرك اختي علي ردك ومواستك لي في موضوعي
الله يرزقك بالجنه وراحه البال

الحمدلله علي كل شي
صدقيني ياختي عملت كل الاشياء اللى قلتيها دون اي فائده معاها
صارحتها تقول لي مو ناقصك شي وتجرحني بالكلام
استحملت وجبت لها هدايا واقول لها كلمات حلوة كلها ماتجيب نتيجه معاها
كل محاول اتقرب منها تصد عني وتبعد
عكس مع اخواتي تدلعهم وتجيب لهم من غير مايطلبون وغير كذا تفرق بالتعامل معنا
حتي اخواتي صاروا يقلدونها

وبخصوص الوالد الله يحفظه تعود عليه انا جربت ابعد عنه واترك لها الاهتمام
لكن هو بنفسه رافض خلاص تعود عليه بكل شي
حتي يوم اجلس عنده بغرفه نومه واسولف معاه تدخل علينا تقول لنا احسن قفلوا الغرفه
كلامتها قووووووووووووووووويه ومدري ايش تقصد فيها
بالنهايه هو والدي وانا احبه بشده
دائم تهيني بالكلام اني اتعمد البس كذا واتعطر عشان ابوي
استغفر الله احياننا اشعر انها تفكيرها ونظرتها لعلاقتي لاابي غير طبيعه

يمكن الشي اللى مصبرني طيبه قلب الوالد معايه